The(G)Forum

Wie de Titel Scho seid ... Was haltet ihr vo Emulatione? Sei es uf Windows, Mac oder andere Platforme.. was gfallt eu dra und was nöd? Was isch guet und was schlecht? Ich für min Teil finds erstunlich was nöd alles machbar isch. Vorallem wird D`Retro Scene minere meinig nah mittlerwiel au dur Emulation untestützt wie zum biespiel dur Hardware addons wos ermöglichet Original Zubehör zu benutze..Aber da gits ja no meh.

nüt halti devo. reprogrammierti games sind viel geiler. zb sgng uf de super grafx.

En stink ich halt devo.

Einzig, arcade emulation isch na easy zum chli umeschneuge drin.

Ohni Emulation wär ich hüt nöd da woni bin.

Ich liebe sie.

Genau so, wie ich's aber au liebe, Original spiel uf original hardware z'spiele.

Underem strich zählt für mich schlussendlich aber'e gameplay - play the game(s)!

ds absolute hauptproblem mit emulation isch de instantzuegang zu schier millione vo games wo nie i dim ganze läbe je wirsch chöne alli au nur aaspiele. es sich halt erwiese, dass je meh mer het, je weniger mers intensiv wird spiele oder chöne ächti freud drah zha. das isch sogar mit originale scho e so, und verschlimmeret sich mit kopie nur.

ich han drum lieber mini chli weniger aber eh immer na viel zviel original, wo mi na meh als gnueg beschäftige werded bisi 80i bin.

wenns halt denn irgendeinisch mal nüme laufed, chani immer na uf d emu-schiene wächsle, wiel ich han ja den immerhin na ds original

Ja, da pflicht ich Dir völlig bi, Tatsujin. Aber s'schöne a de Emulation isch ebe au, dass mer Sache spiele chan, wo mer susch nöd oder nur sehr schwer d'möglichkeit hät. Wenn eim bewusst wird, dass mer eh nie alles spiele chan, wo ume isch, und sich sini Perlene uussuecht, wo mer drah bliebt, da chan emu aber au es sehr befriedigendes Spielerlebnis büte. Bi mir uf jede fall. Und das führt derzue - wen mi es spiel überzügt/packt, dass ich mich drah mache, s'original z'hole. So geschehen z.b. Bi Esprade oder au Gradius V und no anderi.

Nach langjährigem teste hani 2 Nachteil gfunde wo sich au bi dä beste emulation nöd behebe lönd:

1. Input lag: En PC hät ä komplexeri archidektur als zum biispiel en megadrive. Dur das gahts länger bis dä Joypad input verarbeitet wird. Die ca 1/10 sekunde lag merkt mer zwar nöd bewusst, aber es stürt sich irgendwie chli schwammiger als im original. Das isch nöd nur mir sondern au am Bloody ufgfalle woner ESP.Ra.De woner ewigs trainiert hät später emuliert gspielt hät. Die neuere konsole händ dä lag übrigens IMMER.

2. FM sound tönt scheisse. Und zwar werdet im original di höche zischluut irgendwie verschluckt. Bi dä emulation hingege nöd (es wird sozäg z'guet emuliert, dur das ghört mer denn au sache wo im original nöd zghöre sind). So tönt dä sound viel z'scharf und blächig. Im original isch er viel weicher und wärmer. Betroffe isch va. dä Megadrive.

Tatsujin hat geschrieben:es sich halt erwiese, dass je meh mer het, je weniger mers intensiv wird spiele oder chöne ächti freud drah zha. das isch sogar mit originale scho e so, und verschlimmeret sich mit kopie nur.

das dörfsch als Gsetz gelte loh. I halt au genau nix vo emus, ha aber scho s eint oder ander Game azockt zum luege obs das isch wo mer vorgtsellt ha. Grad bi PCBs wo paar Läppe absuuge. I verschtand die Lüt au nit wo hunderti Spiel uf ei dätsch kaufe und denn is Regal pfusche und denn wunder meine wär si seige. Lieber e chlini gueti Sammlig mit Herz, drfür kennsch die Spiel wo hesch und lohsch die Meitli abe bim zocke.

@hanf und Lag, weg dem verweichliche si mit de neue Konsole zu softcore Spieler

@hand und FM, FM isch ebbe e recht fiesi und komplexi Klangerzügig, wo halt theoretisch frequenze anebringsch wo schwer si uf e andere hardware nochzahme.

Panther hat geschrieben: @hanf und Lag, weg dem verweichliche si mit de neue Konsole zu softcore Spieler

das mit dä softcore spieler isch definitiv so

es git nüt uf emu, wo ich vermisse würdi. ich wüsst nöd was. au wenns selte isch chunsch adi war anne. im schlimmste fall spiels es klauts rom oder so uf original hardware. und ja, ich han scho gnueg emus gspielt. es isch eifach nöd sglich, wiäs original.

Dank Emulatione hann ich vieli MD oder SNES sowie GBA Perlene entdeckt, die ich mir denn spöter original kauft hann.
Vor allem geil, wenn me die emulatione via DS khann zöggle...dr JGenesis isch traumhaft guet gmacht.

ich han uf em ipad alli emus PCE, MD, SFC, NEOGEO, NES, GBA, GB/GBC, iMAME mit de top games für mich... diä Spieli au immer wieder chli. klar nöd jede Tag, aber sobaldi mal uswärts / Ferie oder susch wo bin und luscht han zum eis zocke, chani das jederziit. mit em wii controller au no easy... han glaub au fascht alli games original.... aber im summer im garte chli retro zocke isch scho easy... es wird nie s'original ersetze, aber just for the fun of it... finds geil.

PSP Go isch für mich übrigens die perfekt emu-maschine... gueti stürig und chnöpf und rel. chli zum mitnäh.... emus susch uf touchgrät iphone / ipad / android sind für d'füchs, ussert ebe chasch mit ps3 / wiimote / icade controller spiele wie uf em ipad.

Tatsujin hat geschrieben:es sich halt erwiese, dass je meh mer het, je weniger mers intensiv wird spiele oder chöne ächti freud drah zha. das isch sogar mit originale scho e so, und verschlimmeret sich mit kopie nur.

so isch es.

Aber ou wenn ds Original unschlagbar isch, ig ha riesig Freud gha wo im 98i die erste Neogeo-Emulatore si usecho. Endlich han ig alli geile Games chönne zocke wo ig mir denn nid ha chönne leiste.

Emulatore si denn guet wenn me kreativ wot si, vilecht chunt öppis schlaus derbii use. Blazing Star uf em ipad usebringe und mit Touch-Stüürig spiele -> Müll. Blazing Star uf em ipad spiele, aber mit icade oder Wii-Controller -> scho besser. Uf em Neogeo X d Games i 16:9 spiele -> ageblich Müll? Wie au immer, chasch umepröble. Der Original-Hardware machsch so zum Glück nüt.

De tatsler und de hanf händ völlig rächt.
Han es mamecab aber das bruuchi nur zum browse und spieli ahzocke. Han ebe au Esp.Ra.de original und es sind eifach Wälte vo de Stüürig her. Und das mit de Fluet a Games stimmt ebe au, was aber nomal en absolute rieseshit isch :
Au wänn d'Emulation perfekt flüssig lauft stürzted teils Games plötzlich ab oder mer chan nöd speichere oder es taucht sust irgend es scheissproblem uuf wo der de Fun versaut.
Es hät aber es paar Momente gäh wonis super gfunde han. Z.bsp. Snatcher und Policenauts uf de Psp chönne z'spille wämmer im Näst liiht und bald ihpennt. Oder Marsmatrix ufeme Handheld isch auno rächt guet gsi. Das wärs dänn aber au scho...

emulatore sind ünerflüssig worde sits flash modul und mods git wot cdr chasch spile

roms und isos uf original konsole ftw

ich bruuch emus nur zum chli fraple

wasi no geil find sind quickload und save

chasch zb bim gba castelvania churz bevor de boss killsch quicksave und denn loade bis er de gägestand dropt wo du willsch so hesch i churzer ziit di best usrüschdig.

woni öppe vor 8 jahr s`erschtmal vom mame gört han und das uf em pc installiert (d`roms no vo mame.dk ) bini voll usgflippt, immer wider di neuscht version abegsogge und denn go roms sueche... chd files laufed au - WOW - so geil heh !
ha denn irgendswenn mal es cabinet us holz selber baschtlet, mit mene xarcade stick - arschgeil ischs gsi.
denn plötzlich isch das selber baschtleti cab ab id cheerichtverbrennig und druffabe hetts es candy gschneiet.
ha niemals de gedanke gha us em candy es mamecab z`mache.
momentan bruchi mame au nur zum spieli aluege bevor ich e pcb chaufe
usserd em nester (wo nur d`frau spillt) hani keini emus und bruuchs au nöd.

ahh...wart... momol ich han no ein emulator woni ab und zue benutz - de winuae amiga ! das rockt !

emus sind chli wiä das

Lol, erscht vor 8 jahr zerschmal grommled?

autosave/load findi no geil... zocke und emu eifach close... denn ufmache und spiel gaht wieter inkl. hiscores etc.....

fahrsch ja au kein golf mit lupo motor.

Shadow hat geschrieben:autosave/load hiscores etc.....

zelle eh nit

lah de shady, de hät eh nur 3 games i sim lebe durregspielt:

super mario
ninja cop
und
sf 2 uf mega eifach.

Sehr Interessanti ahsichte und wie vermuetet au sehr unterschiedlich! Ich gsehns ähnlich Emulatore mached ider Arcade welt no enorme sinn zum es game AHLUEGE.. Oftmals isch arcade Emulation doch nöd ganz so usgrifft vorallem bi de ja.. nenne mers *neuere* spieli ^^.. Uf Heim Konsole wie NES,SNES,MD,SATURN und folgendi Generatione isch e Flashcard/modchip doch enorm empfehlenswert will Doriginal Hardware nöd ersetzbar isch.. aber nüd desto trotz isches schön zums au Handlich chöne mitfüere wür langwieligi stunde ..

De erst emu woni jemals gseh han isch bim geosnow dihei gsi, scho es wiili her. No meh beihdruckt bini aber vo sim 21" Pc Bildschirm gsi lol. Ich glaub a säbem Abig hani de pcengine gt oder duo bi dir kauft