The(G)Forum

Hät öpper vo eu Erfahrige mit RGB Scart Switches?
Ich wür gern ca. 10 Classic Konsole a eim TV agschlosse ha wo natürli nur ein RGB Input hät. Ich müesst also 2 RGB Scart Switches hinderenand neh. Merkt mer en Signalunterschied? Han vor langer Ziit mal en Scart Switch gha für normals Video-Signal, und der isch d'Qualität beträchtlich zruggange.
C`hani ohni Problem 2 RGB Switches hinderenand neh? Gits da Empfehlige?

d wolfsoft box isch guet abgschirmt. mit dere chöntis gah. ich würd aber eher en tv sueche, wo zwei scart aschlüss hät.

es git kei tvs mit 2 rgb taugliche scart aaschlüss!

tuen umstecke und erspar dir d'problem wo scartswitches mit sich bringet! chasch au es verlängerigskabel chaufe demit amel vorne chasch umstecke!

hitparade hat geschrieben:Hät öpper vo eu Erfahrige mit RGB Scart Switches?
Ich wür gern ca. 10 Classic Konsole a eim TV agschlosse ha wo natürli nur ein RGB Input hät.

genau das hani au mal welä: ich hans ufgä.

d'signalunterschied sind zwar vernachlässigbar. s'problem isch dä ton, es brummt sehr luut wänn dä ton nöd direkt vo dä konsole nimmsch. es isch praktisch unmöglich das z'behebe, da sind sehr komplexi mechanisme am werk wo sich nöd verhindere lönd. min vater wo audio-elektroniker isch häts damals erchlärt, es isch ä wüsseschaft für sich.

sälbst wänn dä ton bi jedere konsole äxtra würsch abgriefe ischs immer no en scheiss: wänn eis kabel mal en wackel hät, und das chunt vor, weisch nie wo s'problem liegt. muesch jedes mal alli scartscwitchboxe, scartkabel, aaschlüss und konsole checke zum wüsse wos problem liegt. es isch amel huere müesam, und dänn isches nachher det wieder nöd perfekt gsteckt und häsch bi säbere konsole wieder es problem und und und... ich würd der ächt devo abrate.

ich han etz drum eifach jedi konsole inere schachtle aaschlussbereit parat mit strom und scart kabel zum sofort iistecke und s'pad liegt au gad drin.

ps. ich hans 2 jahr lang versuecht anezbringe bisis ufgä han. ich hans also WUERKLI versuecht.