The(G)Forum

Ich han vorher dä Artikel da gläse: http://www.20min.ch/wissen/news/story/D ... m-27212927" onclick="window.open(this.href);return false;

Sehr wahrschinli gits woandersch no en bessere zum gliche Thema. S'Thema hät mich interessiert, aber nachdem ich dä Artikel gläse han, isch mich guet gsi.
Ergo: ich han e zuesätzlichi Info ufgnoh. Isch zwar nur sehr oberflächlich, aber immerhin öppis. S'Internet hät mir es Stückli Wüsse vermittlet, wo mir zwar nöd grad viel nützt, aber wer weiss, wänni vilich mal go Polarliechter wott luege, warti uf sones Ereignis (passiert schiins ca. all Jahrzähnt).

Dänn hani blöderwiis echli wiitergscrollt und afa d'Kommentär läse. Nach dä erschte, wo direkt ahzeigt wärded, hani ufghört und bin zum Schluss cho: S'Internet 2.0 vermittlet au Wüsse. Leider aber s'Wüsse (ehrlichgseit hani das scho vorher gwüsst), dass es unglaublich viel unglaublich tummi Mänsche uf däre Wält git. Ich chan zwar mit däm Wüsse wiederum nöd viel afange, aber ich bin mir sicher, dass es sonig git, wo die Tatsach zu ihrem Vorteil nutzed. Handkehrum gits sehr wahrschinli au anderi, wo sich über die Tatsach höllisch ufreget und soviel tummheit / ignoranz nöd akzeptiere chönt.

Wär zwar ehner es Friitig-Topic, aber was meinsch Du?

da, super: http://www.unnuetzes.com/wissen/" onclick="window.open(this.href);return false;

feeshlee hat geschrieben: Leider aber s'Wüsse (ehrlichgseit hani das scho vorher gwüsst), dass es unglaublich viel unglaublich tummi Mänsche uf däre Wält git.

Das het imo. gar nüd mit de «Dummheit» vo de Lüüt ds tue, sondern mit de Plattform. Scho mal ane Wand im ne öffentliche WC glueged? Da schriibed au duchus normali Lüüt irgend en Seich hane.

Und genau das isch d comment funktion uf 20min: e Wand vom ne hochfrequentierte öffentliche wc im chreis cheib, wo 24/7 offe isch.

Würdisch de lüt ke Plattform derfür gee, würdeds ihre müll für sich bhalte.

kann scho si, aber dedur dass sone plattform botte wird, wird das eim ersch so richtig bewusst. klar, ich jetz echli spat mit däre erkänntnis, aber es isch genau gliich, wie mit dä medie, wo mittlerwiile mitbechunsch, wenn sich öpper ime resti in nyc denäbed benimmt. und will mer ebe chan, tuet mer so info ide ganze welt streue. da chunt dä spruch 'nicht wissen ist ein segen' ganz anderi bedütig über: wenn vor es paar jahr no innert minute mitkriegt häsch, wo uf dä welt es ereignis über dbühni isch, kriegsch jetz mit wie die lüt ticket, wo dkommentar-funktion nutzed. und das findi zt beängstigend.

umpolung der erde

die gehirnströme eines gehirns hängen vom magnetfeld der erde ab. also wenn auf der erde eine umpolung stattfinden würde, würden sich auch unsere gehirnströme verändern. wie weiss niemand, aber wir wären dann nicht die selben menschen.... hinzu kommt noch der schutz vor der kosmischen strahlung, wenn bei der umpolung unser magnetfeld auch für eine gewisse Zeit zusammenbricht, ist es aus. denn die umpolung dauert mehrere tausend jahre. und ein paar jahre würden reichen um mehr als 50% des gesammten lebens auf der erde auszulöschen.

voll de profi

feeshlee hat geschrieben:kann scho si, aber dedur dass sone plattform botte wird, wird das eim ersch so richtig bewusst. klar, ich jetz echli spat mit däre erkänntnis, aber es isch genau gliich, wie mit dä medie, wo mittlerwiile mitbechunsch, wenn sich öpper ime resti in nyc denäbed benimmt. und will mer ebe chan, tuet mer so info ide ganze welt streue. da chunt dä spruch 'nicht wissen ist ein segen' ganz anderi bedütig über: wenn vor es paar jahr no innert minute mitkriegt häsch, wo uf dä welt es ereignis über dbühni isch, kriegsch jetz mit wie die lüt ticket, wo dkommentar-funktion nutzed. und das findi zt beängstigend.

d'anonymität und d'möglichkeit, sich a lüüt wände chöne ohni dene müesse drbii i d'auge z'luege, deckt schlimms uf. xehsch scho da ine.

ganz sälte findet me doch und sogar uf videospilisiite en guete kommentar, wie zbsp:

Is this seriously going to happen with every next-gen title from now on? Articles and comments about resolution and framerates? I'm sick of it already.

au wenn dä grossteil vo däm züg nonsense isch, werded die date sehr wahrschinli gsammlet und korreliert und drusabe wird dänn dä uftritt und gwichtig vo dä inhält abgstimmt, demit dä pöbel bi dä stange ghalte wird. das sehr wahrschinli, um dänn dä vertragspartner en höche hitcount chhne zpräsentiere, wo für die platziert werbig zahled.

zämefassend: demit dä chole inechunt, werded internetnutzer mitme huufe müll bombardiert, wo uf da durchschnitt duckface-pöbel abgstimmt isch.

he jo, d'miley cyrus muess ja irgendswie ihri schtüüre chöne zahle.