The(G)Forum

The Nolan strikes back. Geit um Wurmlöcher oder so.


Quelle

whads goin on

wird guet wenn ihm nöd wieder öpper driiredt wie bim inception.

Quelle

Timeless de sound!

BrainBug hat geschrieben:whads goin on

ja, gä!

ich finden rächt guet, keis ewigs Meisterwerch, aber doch sehr guet und er beschäftiged mi jetz doch scho es paar Täg. De Fokus uf d'Kolonisierig vom All dur Pioniere ohni Chrieg mit Usserirdische oder so findi rächt faszinierend und eigentlich de bescht Aspekt vo Science Fiction, ischmer bis jetzt no nie so bewusst gsi.

7.5/10 (also fascht e unigschränkti Empfählig, ussert mer mag partout kei Science Fiction)

Ich finds es ewigs Meischterwerch. E Urgwalt vo Film. Nöd zletscht dank em Sound, vom Score an sich bis zur "Effektspur". Wie's donneret wenn's is Wurm- und er spöter is Schwarze Loch flüüget, und als Kontrast d'Rueh bi de Saturnpassage, das isch dermasse intensiv, dass me de Film uf kei Fall sött abelade. De ghört im Chino gluegt, wie de Mätthiu Mäcgonahi seit: http://www.youtube.com/watch?v=uXk2-Jikn-M" onclick="window.open(this.href);return false; !!! ab 7:40

S'Score erinnert a Philip Glass/Koyanisqaatsi (Zimmer Oscar jetz grad sofort! Die Wahl a Sounds isch ultrascheff!) und Bild- und Tonkomposition isch s'Beschte sit em 2001 Film. Gitt paar luschtigi Referänze zu säbem: de Schnitt zur erschte Szene im All isch wie det scho wohlschtüberleit und en Art no besser, will er sich vo de komplett andere vorherige Szene nöd plötzlich sondern stetig episch dethii uf- bzw überebaut und die gewaltig Scoresequänz drunder sich vo hie nach da nöd veränderet sondern eim (grad deswäge) hochdramatisch mitüberenimmt. Und de Lithgow hett scho im 2010 gspielt, also wohl kei zuefälligi Wahl.

Wie üblich bim Nolan gitts Plots im Plot. Dh s'Spektakel isch "nume" de Träger für die eigentliche Themene. Das isch natürlich no nüt Ussergwöhnlichs an sich, aber wenns so funzt wie da, dänn isch das grossartig. Die einzig Kritik: usgrächnet en erfahrne Ruumfahrerheld laht sich vomne Wüsseschaftler d'Wurmlochtheorie erchläre, was halt de üblich Kniff isch zum em Publikum öppis z'erchläre. Dasch aber scho alles. Bim (vergliichswiis enorm viel banalere) Inception isch das mit de Rolle vo de Ellen Page ja scho schier nervig will ununterbroche inedruckt worde. Nach öppe zweidrittel vom Film han ich no churz d'Befürchtig gha, es artet wie i de meischte no so guete Film in en Action 1 vs 1 Endshowdown us, aber zum Glück dänn doch nöd.

En Film wie en Magebox. Inception, Gravity, Sunshine, alles ghüdere drgäge. Und die händ mer also gfalle. Bis hüt.

Ha ou grossi Erwartig a de Film. Freumi scho. Vielech ganen am weekend go gügsle.

Schüchi Fraag, isch dr neu Hobbit Trailer öpe gloffe vorem Stellar?

nei.

ahja, Interstellar isch weder 3D no HFR und isch mir nödemal als irgenden Art fählend in Sinn cho. Drfür de Sound.... DE SOUND!!

jetzt freu ich mich grad no meh!!

alli woni känn findet ihn mega guet... geil!

edit: usser de shadow, aber de hett in sache film ja eh en sehr spezielle gschmack

de zimmer isch de meister.

zwirrlibatz hat geschrieben:nei.

ahja, Interstellar isch weder 3D no HFR und isch mir nödemal als irgenden Art fählend in Sinn cho. Drfür de Sound.... DE SOUND!!

Defür wärer 70mm... Leider gits nid grad viel Kinos wos so zeiged, vorallem nid i de Schwiz lol

Bi üs ischer aber sogar dütsch, drum chanen leider nid is Kino go güggslä.

Acid hat geschrieben:Bi üs ischer aber sogar dütsch, drum chanen leider nid is Kino go güggslä.

me chan au us prinzip i salzsüüri bade.

interstellar, 2001, blade runner, lotr => chino.

Tja... D prioritätä sind halt verschiede... Ich chan mich besser uf Film iloh wenner nid synchronisiert isch. Lieber o ton ufeme 10" als Synchro im Kino. Wenn das diä einzigä Möglichkeite währed.

Zudem sind üsi Kino do eh nid so wegbloosend... Aber Kino isch scho geil scho klar. Synchro für mich halt nid so.

ich würd sofort amok laufe wenns z'züri nur no synchros gäbt, aber bi dem film ischs würkli näbesach. de läbt vo ganz anderem, vo wäge prioritäte. isch dini sach aber druf verzichte obwohl grundsätzlich am film intressiert bisch... hmmm....

zwirrlibatz hat geschrieben:ich würd sofort amok laufe wenns z'züri nur no synchros gäbt

fändi jetz no irgendwie guet vo dir.

Acid hat geschrieben:

zwirrlibatz hat geschrieben:nei.

ahja, Interstellar isch weder 3D no HFR und isch mir nödemal als irgenden Art fählend in Sinn cho. Drfür de Sound.... DE SOUND!!

Defür wärer 70mm... Leider gits nid grad viel Kinos wos so zeiged, vorallem nid i de Schwiz lol

Bi üs ischer aber sogar dütsch, drum chanen leider nid is Kino go güggslä.

scho so... the hateful eight vum tarantino isch au 70mm, wird so en schöne spaghetti-western mit tarantino-flair.

Interstellar isch optisch würklich fantastisch... leider ebe diä erschte 2 stund woni igschlafe bin, bis uf diä letschte 30min hätter mi leider würklich nöd begeischteret.

Endlich au gseh dehei uf de Linwand und 5.1
Bild und Ton sind 9.5/10, de Film als ganzes 8.5/10

Er hed mi wägblose. So chraftvoll und glich ruhig. Natürlich oton und luut =)