The(G)Forum

Bi mir isch das es Thema wo immer wider zur Sprach chund; mi Vater hei näh wenns ihm nümm möglich isch für dich selber z sorge.
Hend ihr oder öper us öichem nöchere Umfeld Erfahrig demit?
Wie schtönd ihr zu dem Thema?

Mini Eltere und Schwöstere würdi ganz klar hei näh und pfläge und däfür sorge dases ihne so guet wiä möglich gaht.
Schliesslich händs mi ufzoge und mir alles gäh woni bruuche und no vill meh.
Das isch au hüt nöd anderst i de gsamte Familie, jede hilft jedem woner nur chan und git diskussionslos s'letscht Hämp für de ander. Mini Familie isch de letschti Zuefluchtsort, det chani immer ane und wirde zu jedere Ziit ufgfange und das gittmer natürlich au retour. Dis ganze Hab und Guet nützt der nix wändt mal würklich Hilf bruuchsch. La Famiglia aber scho und somit isches s'wertvollste womer chan ha und söll das immer so guet wiä möglich pfläge.
Das heisst au i Ziite wo alles guet isch, de Respäkt wahre, ahständig zu enand sii und sich gägesiitig schütze.
Das funktioniert zwar nur wämmer es liebevolls Dihei gha hät und moralisch hochstehendi Grundwert vo däne Lüüt glehrt worde isch. Für diä Sicherheit bini über alles dankbar und findes schön das eso z'läbe.

han scho mängs famlilie erläbt, wo d'eltere eifach ines pflägeheim gsteckt worde sind.
1 bis 2 mal ide wuche bsueche und guet isch, bis sie dä löffel abgäbed.
tönt schlimm. in gwüsse extremfäll chani das no nachevollzieh, aber susch schlüssimi im marco siner meinig ah.

isch doch eigentlich ir CH eher d regle, das es so gmacht wird.

Isch halt schwierig, wenn öper Demenz hett. Und no grad erblindet. De muesch jede Sekunde parat si. Hei üsi Grossmutter ou is Heim müsse bringe. Schono hert, wenn us dim eigete Huus muesch. Ha gäng z Gfüehl, i dene Heim warte sie eifach usf Ändi. Aber si hett ou iri guete Täg. Isch scho ganz anders in Asie. Hocke sie eifach irgendwo im Garte.

Demenz und dänn no erblinde, das isch ultrahert

Eigentliche isch Demenz nachem Erblinde cho. Isch huere schnell gange. Itz probiere mer nomol z lasere, damit si wenigstens wider chlei öpis würd gseh. Wäri scho en riise Vortschrit. Aber ebe, isch brutal, wenn öper so verkeit und abmageret.

ich würd mini eltere sofort heineh!!! 100pro

ABER, sie würded das NIE welle, nie, vorher gönds ines Pflegi wenn nötig..

und ebe, wenn öpper pflegebedürftig wird, denn isches halt au ned eso easy...muesch immer parat si, chan au sehr astrengend si und nerveufriebend..

ja eh, wieso nöd heineh?

Oder se uf Thailand ine Residenz bringe. Guets Klima.

abyss hat geschrieben:Oder se uf Thailand ine Residenz bringe. Guets Klima.

besser als pflegheim.

wenn d'hütte gnue gross isch (und das isch si ide regel wenn d'chind dusse sind und d'hütte no die glich), dänn chasch heineh und en pfläger iistelle, wo verbiichunt, wenns zvill wird.

spitex

Ich find de Gedanke a s Zämeläbe mit Chind UND Eltere rächt super. Aso scho i de Phase wo d Eltere oder zumindest ei Teil devo no fit isch. Bruchsch eifach vil Platz. Kenne nur öper wo i dere Form läbt, gschpürsch sehr usprägt de Zämehalt. Si hend 10 Zimmer s 6. Höch.
Mi Vater wett das aber au nid, er wett niemertem e Lascht sii.

I de Schwiz bestaht eher d Tendänz dass jede irgendwie will ellei wohne, will er denn s gfühl het dass er irgendwie besser isch. Tatsächlich isch aber s Gegeteil de Fall.

Zäme wohne isch vill besser Chind / Eltere / Grosseltere. In Italie isch das vill usgeprägter de Fall.

Guet, es brucht natürlich au Platz. Inere 3 Zimmer Wohnig würdi dass jetzt au nöd wele. Aber inere 5+ Zimmer wohnig wieso nöd?

Ha mich no nie mit miine gsamte Ernschthaftigkeit mit däm Thema uusenandgsetzt, obwohls eim latänt ständig begleitet.
Wänn mal 30i gsi bisch, werdet dEltere wohl au nümm die jüngschte si und frühener oder spöter wirds iiträffe, dass en Eltereteil pflägebedürftig wird, wännr nöd sGlück hät, emme Schlummertod zum Opfer zfalle.

sEinzig, wo mier würkli tüüf in Erinnerig blibe isch, sind die Ziile gsi:

In der Kneipe verkehren Greise, die im Asyl am Ende des
Dorfes wohnen. Sie sind da, ein Glas in der Hand, sehen
einander an, ohne miteinander zu reden. Einer von ihnen
erzählt irgendwas, das komisch sein soll. Niemand hört ihm zu,
jedenfalls lacht keiner. Alle haben lange Jahre geschuftet, um es
bis hierher zu bringen. Einst auf dem Land hätte man sie unter
dem Kopfkissen erstickt. Weiser Brauch, in jeder Familie
vervollkommenet und unvergleichlich menschlicher als jener, sie
zusammenzutreiben, einzupferchen, um sie durch Betäubung
von der Langeweile zu kurieren.

TypeJ hat geschrieben:spitex

findi guet aber das choscht denn en guete batze....
min grossvätsch hett au e spitex gha und hett dörfe dihei versterbe.

turntablism hat geschrieben:

TypeJ hat geschrieben:spitex

findi guet aber das choscht denn en guete batze....
min grossvätsch hett au e spitex gha und hett dörfe dihei versterbe.

du stecksch dis ganze läbe lang gäld in irgendwelchi süüle, demit dänn s'gäld häsch, zum nöd einsam und jämmerlich verrecke.

fakt isch: solangs de eltere guet gaht isches ja sicher na lässig und luschtig und ololol
mit em vater am obed es bierli trinke wärend s'mami mit de frau tuet superstar luege

das tönt alles eso lässig und easy!
sobalds eim aber nüme eso guet gaht isches ebe ganz e anderi gschicht!!!

aja und italie als biespiel ne isch ok aber bitte nid als vorbild

es bierli chasch ja au so mit em trinke. es god mer aber äbe genau drum, das mer fürenand da isch, und demit meini nid nume das die junge für die alte münd do sii. es gid ja nur gwünner debii. die eigete bedürfnis für s wohl vom andere zruggschtecke isch i mine auge öpis sehr bedütends und gid mir sehr vil.

ja mir au! verstah mi nid falsch!
mini eltere sind für mi sgröscht! emel sit circa 10 jahr, vorher nid
ABER namal: wenns denn gsundheitlich bergab gaht, de redemer denn namal drüber!

chan scho sie das du das genau glich denn meischterisch...ich wüsst nid obis chönt..de ganz Tag uf abruef, viellicht au ide nacht etc...

e fründin het ihri krebskranki mami 3,5 jahr dihei VOLL pflegt! es isch krass

Ja stimmt scho, ha mit 20i bis 23i mit minere ex zäme gläbt, wo psychotisch gsii isch (bzw immer no isch). Das hed brutal Substanz graubt. Bi zjung gsii zum üs beidi chönne träge. Hüt wär's sicher andersch, aber ja; Vorschtellig und Realität sind denn sowieso meistens unterschiedlich.

Mir händ bi eus deheime folgendi Situation:

- Grossmueter isch sit 6~ Jahr demänt und cha nümm für sich sälber sorge (hät scho vorher bi eus gwonnt).
- Sit 3 Jahr isch sie gemäss de Ärzt am sterbe
- Mini Mueter hät e Hilf wo Mo-Fr 13:30-18:00 chunt go ushälfe (Füetere, zum Bett usneh in Rollstuehl und retour), am Morge luegt sie sälber.
- Usserdem chunt 2x pro Tag d Spitex wo wäscht und tuet

Rescht wo i de Wohnig wonnt: 26j Schwöschter, ich 30i und Mueter 62i.
Ich wohne nume no wäg de Grossmueter dete da wänn ich de Fisch mache d Wohnig nümm zahlbar isch (d schwöschter schaffet nüt lol) und d Mueter läbt vu IV plus Mieti wo sie vumene Huus bechunt wo sie gerbt hät.

Ganz ehrlich gseid isch es so wies im Momänt isch nöd tragbar, s "personal" choscht stutz wie blöd, die ganz stimmig leidet drunder (D Mueter hät MS und vertreit nüt und hüület non-stop ume wäg de Grossmueter, weigeret sich aber partout sie is Hiem z tue).
Es wird vill gschroue, gstritte und ghässelet.

D grossmueter isch höchsch dement und hät scho x schlegli gha und vegetiert eigentlich nur no vor sich hi (= im Heim hättet sie si scho lang sterbe la).

D Folge für mini Mueter sind ganz krass, sie läbt quasi nur no für die eige Mueter und verlührt na dis na fründe will sie de Kontakt nüme cha pflege.

Ich mues der ganz ehrlich säge: Eltere dehei Pflege isch was guets solangs gaht, aber sobalds zunere Belschtig wird (bi dir de Vatter nüme eleige uf de Topf chan, sich wäsche tuet usw) muesch d Notbräms zieh und en furtgeh. Es wär für die ganz Familie besser.

ich ha d situation bi dir dehei ja mal churz mitbecho (woni de denon verschtercher bi go abhole). isch mer nid bewusst gsii dases so krass isch wie du beschribsch. isch aber au scho wider es jahr här, e schpezielli begägnig isches gliich gsii, hani aber rächt super gfunde.

ganz klar muesch au berücksichtige wivil finanzielli mittel dir zur verfüegig schtönd. und muesch di es schtück wiit au chönne abgrenze. würdisches hüt anderscht mache wenn gwüsst hättisch das dis grosi no so lang läbt?

edit: es gönd de übrigens alli hdmi-igäng wider, kei ahnig werum