The(G)Forum

Säg mol, welle Abüter isch en guete?

Edith: Wele isch en guete und hed sogar no e geuti und übersichtlichi Benutzeroberflächi?

Chunt druff a wasd wotsch...nume Webserver oder VPS oder Dedicated? Wievil Space? Wievil Traffic?

Ich bruche momentan grad en CINFU VPS und bin zimlich zfride demit. Allerdings hani de nur usgwählt willmer mit Bitcoins chan zale...
I de Schwiz hesch z.B. Hostpoint, Hostmax, Genotec (suckt), Green....und na es paar anderi. Wele de best isch hängt im wesentliche devo ab wasd genau wotsch...

Verzell mal wasd vor hesch...unter Umständ langet dir ja sogar en gratis Hoster wie z.B. 000webhost...

Im Moment bruchi no nid de Huufä. Ich wüsst jo no nid mol wo genau mini Vorteil mit diesem oder jenem währed, und so langs ums pröbele und baschtlä god und eh nid so viel lauft, langtmer öpis billigers.

Ich han au scho länger platz bi KreativMedia. Und eigentlich chani au nid vil schlächts sägä, ich bi jetzt a de eint oder andere WordPress Sitä am bäschterle. Funktioniert, und wos mol nid funktioniert hed, isch de Support Fix, und git sich müäh.

Irgendwiä kurkt mi das det aber ebä trotzdem ah. Bi de Benutzeroberflächi vom Plesk Dingens chöntmer meinä si sig us de Afangszitä vom Internetz. Blödi riesigi Chnöpf komisch gordnet und alles wasmer machä will fühlt sich so grauähaft langsam und umständlich a. S glichä denn au z.B. i de WebMail Oberflächi. Für mich wär das no glich, und für vili anderi au, wilmer hüt das jo eigentlich eh über es Mailprogramm im eigene Compi macht und so. Aber wenn ich für öper söt en Mailaccount ha, wo z.B. en gmx Websitä gwöhnt isch (und simmer ehrlich, das isch au nid diä schönscht und direktischt), denn chund so öper en Shock über ab de WebMail oberflächi. Irgendwiä alles eifach nüm so uf em Stand der Dinge, und ich mein mir reded do jo vom Agebot vo öperem, wo doch i genau dem Bereich eigentlich dehei isch. Nur scho s Login für de Plesk fühlt sich grausam ah.

Und jetzt isch halt au no diä Gschicht mit de Domains. Dummerwiis hani es paar Domains für paar Ideä über sii registriert. Null übersicht. Weisch nid was für Domains das registriert hesch, und chasches niened noluege. Chasch sie nid Managä, hesch kei Übersicht für Rächnigä oder was weiss ich... Muesch für jedä Seich mitnä in Kontakt trättä. Bi Switch (bzw. jetzt jo nic) hesch das alles schön gordnet, chasch si verlängere oder chündä, stoht was für Rächnigä umä sind, was zahlt isch, was für Laufzitä etc. pp. ...

Sitäfrog: Was muesi eigentlich machä zum diä uf mis nic.ch Konto z überträgä? Eifach denä das sägä? Und was sind d Registrierigsstellä wiä nic für z.b. .net Adrässä oder .com oder so... halt serig wo kei staatlichi Binding und en registrierigsstell wo de Ufrag defür hed händ? Will das möchti sowieso machä, unabhängig devo öbi s Hosting bi KM lohn oder nid. Diä Domains müend amene gschiede Ort vo mir registriert si. Öpis vom dümmere woni i letschter Zit gmacht han.





Jetzt hanimer halt mol überleit, ob das eigentlich so vorgeschtrig mues sii alles. Chan jo sii dasses bi andernä au nid besser isch, aber ich han halt no niä Webspace bi öper anderem gha, drum weissis nid. Und han halt s Gfühl es müest besser go. Und ein vo de günschtigere ischs zwüschäzitlich halt glaub au nid unbedingt.

K, demfall suechsch glaubs lediglich en Webserver.

Plesk oder au s cPanel sind halt so Standarddinger und ja, si sind scheisse. Manchi Hoster verwended aber au ires eigne System, z.B. Genotec und glaubs au Hostpoint.
Was s Webmail betrifft, det hetsch d Möglichkeit, dir selber en Webclient izrichte, z.B. RoundCube oder s Afterlogic. Das isch zwar schnell erledigt, aber s isch scho biz nervig, wemer sich selber drum mues kümmere...

Domains z transferiere isch idR keis Problem, für das brüchtisch lediglich de Authcode. Wennt bi KreativMedia aber nid mal dini Domains gsesch chent das na schwirig werde. Am beste eifach mal afröge, die seted das für dich chöne erledige.

Verwalted werded Domains vo de Registry. Bi *.ch isches d SWITCH, bi *.net und *.com macht das Verisign. Wennt jetzt aber e *.net oder *.com Domain wetsch, chasch die grundsätzlich bimene beliebige Abüter chaufe, spillt abgseh vom Priis nid würklich e Rolle...

Die Oberfläche zur Serververwaltig gseh allgemein nid grad toll us. Ob jetz Plesk, cpanel oder öppis sälber zämezimmerets und denn no phpmyadmin obe druf. Ha no nüt gseh wo wie us eim Guss gwürkt hätt. Ig ha sit mehrere Johr e Shared Server bim Novatrend, cha mi nid beklage. Zur Verwaltig bruche sie e Mischig vo cpanel und phpmyadmin. Als Mailoberflächi openxchange i mehrere (gratis bis Geld kostende) Stufene. Ob das für di passt isch natürlich e angeri Frog.

Acid hat geschrieben:Sitäfrog: Was muesi eigentlich machä zum diä uf mis nic.ch Konto z überträgä? Eifach denä das sägä?

Bi CH-Domains muesch e Transfercode beaträge bim aktuelle Domainverwalter. De Transfercode gisch denn bi dim switch.ch-Konto i, und de chasch wieder selber Nameserver iträge.

Web-Hosting isch immer sehr lahm und iigschränkt, det isch s'Angebot so ab de Stange, dass jedä Ahbüter chönnt passe, also entscheidet nur de Priis. Wänn nur pröblisch, ohne würklich Betrieb und ohne Preisrutsch nach obe, muesch dich an die lahme Oberfläche vo de Web-Hoster gwöhne.

chasch au bi mir hosting mache.... mache günschtige priis ... han cp

10gb / 100.-/Jahr mit CP und allemdrumundrah

s'Guete drah: hilfsch debi s'Forum am Lebe z'erhalte. Und häsch en guete Server wo nöd mit 499 anderne User muesch teile wo hosted. Schnell und mind. 99% uptime. lauft imene grosse RZ in Dütschland direkt am Backbone.

Ich bin sit Jahre bi Hostpoint und sehr zfriede.. Super support, han bis jetzt erscht eimal ä churzi Downtime gha, wäge Hardware-Usfall und han 10GB..