The(G)Forum

http://might-and-magic.ubi.com/mightand ... index.aspx" onclick="window.open(this.href);return false;

Es passiered no Wunder: En grosse Publisher reaktiviert e alti PC-RPG-Franchise und macht drus aber genau *nöd* en verblödete Cover-basierte Dudebro-Konsoleshooter, sondern es konsequent hardkoorigs Meischterrasse-RPG mit Gameplay, wo direkt vo 20 Jahr us de Vergangeheit chunnt ( ), Grafik, wo hingäge vo öppe 10 Jahr us de Vergangeheit chunnt ( ) und lediglich eme Interface, wo absolut ziitgenössisch dethär chunnt ( ).





Für die wo's nöd känned: Might & Magic. Eini vo de PC-RPG Serie us de 80er & 90er-Jahr. First-Person Perspektive mit ere Party vo permanent 4 Charaktere. Me bewegt sich nöd frei i de Spielwält, sondern uf eme fixe Raschter i vier Richtige, vergliichbar mit em Eye of the Beholder oder (neuer) em Legend of Grimrock. D'Etrian Odyssey-Serie uf em DS/3DS sind au ähnlich, aber im Might & Magic liit de Schwärpunkt weniger uf em Dungeon Crawling und meh uf em Open World-Aspekt. Sehr kampflaschtig, kei Handholding, kei Instant-Travel, kei Questmarkers, nüt. Defür es waschächts rundebasierts Kampfsystem, knallhärti Gägner, erst rächt knallhärti Bossfights, komplexi Charakterentwicklig, grossi Inventar, Dungeons voller Falle und Hinderhält, Rätsel, wo eim d'Lösig nöd grad uf d'Nase bunde wird, undundund. Bisch vollkomme uf dich sälber gstellt und leisch entsprächend zerscht mal es Paar Fählstart mit de einte oder andere schlächt ufgstellte Party ane, bis es dänn emal "klick" macht. Und dänn bisch süchtig. Fantastisches Spieli nach de Formle "Low Budget & High Gameplay". Han grad de ganzi Sunntig verzockt

Isch jetzt erhältlich uf de Meischterrasse-Plattform. Über Steam (und weiss nöd, öb susch no noimets, interessiert mich nöd...).

Finds absolut super

Mer muess das vo damals aber scho kennt ha denki. Bin mit dem halt ufgwachse.

Sexy, das holi.

ich sött mal d pce us version spiele.

Moff hat geschrieben:Mer muess das vo damals aber scho kennt ha denki. Bin mit dem halt ufgwachse.

Wahrschinlich scho. Ich han damals s'Might & Magic VI gliebt. Guet, das isch nüme Grid-basiert gsi, sondern komplett freis 3D (mit scho für die damaligi Ziit extrem gruusiger 3D-Grafik ), aber s'Spielprinzip isch eigentlich gliich gsi. Und halt damals d'Heroes of Might & Magic Reihe. De zweiti und de dritti Teil, wo d'Story zwüsched dene und em Might & Magic VI & VII so schön verchnüpft worde sind

Ich hoffe, es verchauft sich einigermasse guet, dänn gaht a de Publisher viellicht es Lämpli uf, dass me Spieli nöd immer mues nach em Schema "maximals Budget + maximali (bzw. maximal verblödeti) Zielgruppe" mues mache, sondern au mit bescheidener budgetierte Spieli chan e bestimmti, chlinneri Zielgruppe aspräche und au so chan erfolgriich wirtschafte.

Ich han sit teil 5 keis meh gspielt , au chum es anders rundebasierts rpg, han das da meh usere luune use kauft und bin würkli begeisteret. Da sin würkli lüt dra gsesse wo wüssed was sie mached. Super kämpf, super dungeons, guet ufbsuti oberwelt progression und so ziemli alles bis is detail durchdacht

Hab Teil 3 bis Teil 8 (inkl. der Xeen-Verbindung der Xeen Teile) durchgezockt - Teil 9 aber nur kurz versucht - war nicht wirklich spielbar für mich... muss dies mal genauer anschauen

Bi Teil 8 han ich abbroche, das isch scho rächt 'ert a de Gränze gsi. Teil 9 seg angeblich ja e totali Katastrophe, nöd z'letscht will 3DO det scho praktisch bankrott gsi isch und das Spieli quasi als letschti Verzwiifligstat i eme halbfertige Zuestand useghaue hätt.

Gurgelhals hat geschrieben:Isch jetzt erhältlich uf de Meischterrasse-Plattform. Über Steam (und weiss nöd, öb susch no noimets, interessiert mich nöd...).

übrigens gits bi eus ide schwiz au d'retail version, mit sehr schöner stoffcharte und suscht na geschmeus, chunnt sogar billiger als uf steam

phänomenals spiel, würklich, ich chum gar nöd devo los, daschmer scho ewig nüm passiert. immer wotmer det na he oder dört na was mache, super ufbaut und vernetzt alles, und sehr befriedigend kampf (und ich han rundebasiert gar nöd gern eigentlich) und es super skillsystem. enorm motivierend und süchtigmachend alles, und debi würklich erstunlich vielfältig (ganzi rätseldungeons etc.) füren simple dungeoncrawler.

schad gsehts teils so grusig us, aber isch halt low budget nische spiel, viel gseht au makellos us.

gxeht doch no iisi us.

Moff hat geschrieben:phänomenals spiel, würklich, ich chum gar nöd devo los, daschmer scho ewig nüm passiert. immer wotmer det na he oder dört na was mache, super ufbaut und vernetzt alles, und sehr befriedigend kampf (und ich han rundebasiert gar nöd gern eigentlich) und es super skillsystem. enorm motivierend und süchtigmachend alles, und debi würklich erstunlich vielfältig (ganzi rätseldungeons etc.) füren simple dungeoncrawler.

Sehr wahr. Grad d'Art und Wiis wie sich d'Spielwält erschlüüst isch extrem super. Vor allem so im Verlauf vo Akt 2 & 3 mit de Lost City (au super übrigens: Dungeons, wo me nöd i eim Durchlauf chan usruume, sondern sich gwüssi Abschnitt für en spötere Bsuech uf eme höchere Level ufspart; und no besser isch, dass eim s'Spieli das nöd seit bzw. de Job a es paar Monschter delegiert, wo d'Party eifach mal gschnäll wiped ). Und die Sach mit de Blessings us de Elemental Forge findi au ganz glunge.

Scho lang nüme so es Suchterläbnis gha. Au wänn eim s'Spiel a gwüssne Stelle schlicht und eifach trollt. De Hinderhalt i de Lost City z.B. (det, wo sich nachher de - supersupersuper - Gheimusgang uf Seahaven uftuet). Mini erscht Reaktion uf die beide Zauberer vo hine:

Und grad nachher de letschti Ruum vor em Akt 2-Boss ebeso. Shit, das Spieli

Ah ja:

neogaf hat geschrieben:I had to look up the riddle where the answer was 'palimpsest'.

I then had to google what the fuck a palimpsest was.

De mangel a handholding isch für mich nachem kampf\interface und de vernetzte oberwelt uf jede fall Sgröschte qualitätsmermal vo dem spiel. Mer gaht halt völlig adersch vor und es füehlt sich viel besser a wennmer sich is ungwüsse stürzt, ohni en questmarker und ohni zwüsse öbmer ned grad verreckt.

Aber ich han mich denn doch zersch dur lost city 3 müesse durebisse. Has ned chönne lah
Uf adventurer gaht das au na

Moff hat geschrieben:De mangel a handholding isch für mich nachem kampf\interface und de vernetzte oberwelt uf jede fall Sgröschte qualitätsmermal vo dem spiel. Mer gaht halt völlig adersch vor

Es ist eigentlich erschreckend, dass dies heutzutage hervorgehoben werden muss...

Jup. Es isch luschtigerwid total erfrüschend obwolh extrem altmodisch

Moff hat geschrieben:Aber ich han mich denn doch zersch dur lost city 3 müesse durebisse. Has ned chönne lah
Uf adventurer gaht das au na

Ditto. Also a de beide Ghouls uf Level 2 bin ich no verbi cho und uf Level 3 han ich dänn nöd viel meh gmacht, als bis zum Level 4 durezlaufe; und det gaht's ja dänn wieder, will d'Gägner komischerwiis wieder uf eme tüüfere Level sind. Im Nachhinein hätt sich das natürlich als total überflüssig erwiese, aber ich han halt bim erwähnte Hinderhalt z'erscht mal tänkt: Das chas ja würklich nöd si, die Stell isch garantiert für spöter im Spiel da und ich probiers zerscht mal neumet anders(*). Debi chunnt me ja det de SchlÖssel für de Ruum vom Act 2-Boss über. Mit massehaft Buffs isch es dänn doch au gange. Supersupersuper.

(*) Au wieder so es super Bispiel vom fählende Handholding: Dass me sich während em Spiele überhaupt so Gedanke macht, chunnt i aktuelle Spieli viel z'sälte vor, obwohls d'Qualität vom Spielerläbnis massiv steigeret.

bin bald dure, was als näcschts?
world of xeen, woni als chind gliebt han`?
mandate of heaven, woni ned kenne aber excellent si söll?
oder doch namal legacy uf warrior?

Ich han inzwüsche de bekannti Punkt überschritte, wo d'Party plötzlich starch isch und sich die meischte Kämpf meh und meh locker und ohni Gechnorze erledige lönd. Isch immer rächt geile Gfühl bi dene Spieli, z'märke dass me de Punkt erreicht hätt

M&M VI isch exzellänt und sicher en Zock wärt, wänn me's damals nöd gspielt hätt. Allerdings: Das Urteil stammt vo 1998. Ich chönnt mer guet vorstelle, dass es relativ schlächt galteret hätt. Nöd wäge de Grafik (die isch damals scho gruusig gsi), sondern will's ebe würklich fast usschliesslich e Monschtermetzelei isch, wo grad wäg de offene 3D-Wält (statt Grid-basiert) amel au chli unkoordiniert überechunnt. Damals isch die riesigi, offeni Wält e ziemlichi Sensation gsi (me hätt ja würklich *überall* chöne ane - mit Flug- & Walk on Water-Magie, etc.), aber us hüttiger Sicht wirkt's under Umständ nume no plump, will d'Wält an sich doch ehner e relativ lääri und unspektakuläri Sach isch, wo eifach mit massehaft Monschter zuegspamt isch (grad die letschte Dungeons sind da i miner Erinnerig sehr müehsam gsi). Chan also guet de Fall si, dass im Direktvergliich s'M&M X (und somit au die früehnere Teil bis und mit Teil V) trotz em eigentlich altmodischere, weniger flexible Grid-System doch meh überzüügt, genau will's mit dem System es straffers, besser strukturierts Spieldesign chan büüte.

So, ich bin jetzt au am letschte Dungeon und ich korrigiere mini Üsserige zum M&M VI: S'Endgame vom X isch ja genau gliich - es endloses Gespamme vo Kämpf und Kämpf und Kämpf Isch grad chli sehr repetitiv und asträngend, v.a. will das alles für mini Party nüme würklich e Herusforderig isch. Susch natürlich immer no en super Spieli, aber Höhepunkt isch klar während Akt 2 & 3, wo sich d'Spielwält öffnet und nach und nach vernetzt. Das isch mega. Ab Akt 4 laht zmindescht s'Hauptquest aber spürbar nah. Isch aber bi dene Old School-RPGs ja fast immer de Fall, spontan chömed mir vo de (nöd total uralte) Titel au nume grad s'Fallout 1 & 2 sowie s'Baldur's Gate 2 als Bispiel in Sinn, wo s'obligate Nonstop-Gemetzel im Endgame relativ erfolgriich vermiided.

ja uf jede fall, ab akt 3 wirds leider recht ermüedend.
nachfolger wird aber blind kauft, ich will eifach meh und grösser und vielfältiger und es wird garantiert super.
die alte MM's hani churz agspielt, isch aber nöd möglich gsi, legacy het da eifach zu viel zguet gmacht, das spiel her bi mir genau en nerv droffe woni gar ned gwüsst ha dassi de (na) han.

So, am Sunntig bin ich dänn au fertig worde. Super, au wänn s'Endgame wie gseit dänn rächt zäch gsi isch. De Post-Game Bonus-Dungeon, wo me für 40 Credits chan iilöse, isch dänn defür rächt billig gsi. Und das Dream Shard-Dings, wo me mit de Deluxe-Edition bechunnt isch no nöd verfüegbar, oder was? Möngel-DLC?

Wie au immer: Bitte es Might & Magic XI. Mues produktionsmässig nöd viel meh büüte, de Low Budget-Asatz langet vorig, solang s'Gameplay und d'Spielwelt stimmt. Evt. märkt Ubisoft ja, dass es tatsächlich no en Märt für därigi Spieli gitt.

dream shard isch nanig dinn, ja
und de meow chamer au scho vorher mache, sobald mer nach karthal chunnt