The(G)Forum

Das Topic isch für Apps, wo uf keim Smartphone dörfed fehle.

Ich mach mal de Afang mitem Telegram. Sit gester hanis druff und s isch super. Isch wie WhatsApp nur verschlüsslet, Open Source, Schneller, Gratis....

https://telegram.org/" onclick="window.open(this.href);return false;

Ebefalls super isch de ES Datei Explorer für Android. Het alles womer vomene Explorer erwarted und mach s Android öpe 3491823740239 Mal nützlicher. Vor allem de Zuegriff uf LAN, FTP und Clouds isch recht praktisch

Cover für android findi super, sperrbildschirm ersatz

Xinobrax2 hat geschrieben:Ebefalls super isch de ES Datei Explorer für Android. Het alles womer vomene Explorer erwarted und mach s Android öpe 3491823740239 Mal nützlicher. Vor allem de Zuegriff uf LAN, FTP und Clouds isch recht praktisch

hani o sit langem druf!

whatsapp chame übrigens itz aber dere liste striche, wo's facebook überno het...

Xinobrax2 hat geschrieben:Das Topic isch für Apps, wo uf keim Smartphone dörfed fehle.

Ich mach mal de Afang mitem Telegram. Sit gester hanis druff und s isch super. Isch wie WhatsApp nur verschlüsslet, Open Source, Schneller, Gratis....

https://telegram.org/" onclick="window.open(this.href);return false;

oder threema?
isch end 2 end verschlüsslet und alli server stöh ir schwiz...

Jones hat geschrieben:oder threema?
isch end 2 end verschlüsslet und alli server stöh ir schwiz...

Threema isch halt nid Open Source...und Verschlüsselig oni Open Source verfehlt irgendwie chli de Sinn und Zweck.

S Telegram verwendet ebefalls e End2End Verschlüsselig...wobi mir nochli schleierhaft isch, wie de Schlüssel debi uf sicherem Weg übermittlet wird. De wird ja in Form vomene QR änliche Code gspeicheret und übermittlet (?). Irgendwie erschint mir das ganze chli sinnlos...mueni mal nochli genauer aluege...

Edit:

Q: What‘s this ’Encryption Key' thing?

When a secret chat is created, the participating devices exchange encryption keys using the so called Diffie-Hellman key exchange. After the secure end-to-end connection has been established, we generate a picture that visualizes the encryption key for your chat. You can then compare this image with the one your friend has — if the two images are the same, you can be sure that the secret chat is secure and no man-in-the-middle attack can possibly succeed.

Witeri Infos: http://en.wikipedia.org/wiki/Diffie%E2% ... y_exchange" onclick="window.open(this.href);return false;


K, de Algorithmus isch interessant. Han grad recht froid dra Und de Schlüssel wird ersch visualisiert wenn d Verbindig bereits bestat. Tönt vernünftig...

jede gschiid häsch threema.

Jones hat geschrieben: whatsapp chame übrigens itz aber dere liste striche, wo's facebook überno het

19 Milliarde US Dollar zahleds. whatsapp het ja gemäss eigene Aagabe ke einzigi Sekunde ihri Date verchauft. Jede het sich gfraged, we die uf duur wend Geld mache. Jetzt wirds eim irgendwie klarer, was die gmacht hend: Investoregelder iisammle und wachse, bis di eine vo de grosse ufchauft. So wes usgseht wird das je länger je mee zum ne höchst rentable Gschäftsmodell.

On Topic:
iSSH isch en sehr guete SSH Client für iOS.

D Bandcamp App wird bi mir fascht täglich bruucht. Chasch jede Track, wo uf Bandcamp kauft hesch, sofort streame.

Bandcamp isch sowieso eine vo de beschte Musigschops.

Xinobrax2 hat geschrieben:

Jones hat geschrieben:oder threema?
isch end 2 end verschlüsslet und alli server stöh ir schwiz...

Threema isch halt nid Open Source...und Verschlüsselig oni Open Source verfehlt irgendwie chli de Sinn und Zweck.

Das isch eine vo de wichtigste Prinzipie, wenns um Verschlüsselig gaht und wo so oft missverstande wird. Verschlüsselig mues OpenSource sii, damit me genau weiss, wie das was wo passiert. Das macht die Verfahre nüd unsicherer sondern im Gegeteil, heblet vieli Fehler uus.

whatsapp Nachrichte sind ja au irgendwie verschlüssled gsi, und trotzdem het mes chönne knacke. Warum? Wills für en Programmierer es riise Ding isch, Verschlüsselig korrekt ds implementiere unds daher eifach vo de Sachlag nötig isch, dass da e möglichscht grossi Aazahl Entwickler druf luegt.

Xino: machemer mal es Topic mit guete E-Mail Dienscht.

Ah und ich warte natürlich scho sit längerem uf d Cryptocat App.

Uriel hat geschrieben:Xino: machemer mal es Topic mit guete E-Mail Dienscht.

Wär mal was....ich verwende fasch nur na Trash Mail Adresse....oder Hushmail....
Aber eigentlich bini so paranoid, dasi dene wo am meiste Sicherheit und Anonymität verspreched am wenigste traue Isch chli tricky wenns um Mails gat...am beste wär en eigne Server.

Das mit de sichere Kommunikation isch halt immer sone Sach. Ich verwende am liebste Jabber. Alles verschlüsslet, zuesätzlich laufts na über s VPN und me Socks 5. Alles tip top....aber erklär das mal de Kollege :typej: 99% vo mine Jabber Kontäkt sind Informatiker Drum findi die Telegram App na recht guet. App abelade, Nummere bestätige, fertig. Das schafft jedä. Allerdings isch d App au na zimlich neu und mues sich zersch mal no i de Praxis bewähre.


On Topic:
Webentwickler seted sich mal s AWD für Android aluege. Isch en super Editor mit Syntax Highlighter (PHP, CSS, JS, HTML, JSON). Oni Tastatur isches zwar nid psunders praxistauglich, aber für Notfäll isches perfekt. S het chli alles drin womer brucht. FTP, FTPS, SFTP, Git und und und...

what's apps

d'verschlüsselig isch mir fasch weniger wichtig als wäms ghört.
d'chance dass e hacker mis account chlaut und dermit schabernack tribt isch wohl tiefer als itz, wo's facebook ghört, dass sie mit mine chats sache mache woni nid wott... (werbig ahand mine private chats, was passiert mit private bilder womer verschickt het? etc)

ha itz mau telegram installiert. gseht super us. 1:1 wie whatsapp zum bediene...

Jones hat geschrieben:d'verschlüsselig isch mir fasch weniger wichtig als wäms ghört.

Wenn d Verschlüsselig vo dine Nachrichte korrekt gmacht wird, isches egal wem das ds App ghört, wil der denn schlimmstefalls nur no chan nachvollzie mit wem du gredet hesch, und nüd was du gredet hesch.

Uriel hat geschrieben: Wenn d Verschlüsselig vo dine Nachrichte korrekt gmacht wird, isches egal wem das ds App ghört, wil der denn schlimmstefalls nur no chan nachvollzie mit wem du gredet hesch, und nüd was du gredet hesch.

Das stimmt. Aber wenn facebook z.b. würd säge, whatsapp sig verschlüsslet würdi das nid gloube... lol

Jones hat geschrieben: Das stimmt. Aber wenn facebook z.b. würd säge, whatsapp sig verschlüsslet würdi das nid gloube... lol

Genau! Deshalb isch der Opensource Aspekt bi so Verschlüsselige so wichtig.

Bi Facebook würds denn heisse "Alles isch verschlusslet".
I de AGB, Absatz 634278194623109740239184321532687 stat allerdings, dass si sich us Sicherheitsgründ e Kopie vom Schlüssel agfertigt hend

Btw....19 Milliarde....für en Dienst wo fasch kei Geld ibringt und lediglich Kommunikation beinhalted. Mer mues ja glaubs keis Genie si um z erkenne was da tatsächlich verchauft worde isch

s geld macht d lüt nöd glücklicher.

Xinobrax2 hat geschrieben:Das Topic isch für Apps, wo uf keim Smartphone dörfed fehle.

Ich mach mal de Afang mitem Telegram. Sit gester hanis druff und s isch super. Isch wie WhatsApp nur verschlüsslet, Open Source, Schneller, Gratis....

https://telegram.org/" onclick="window.open(this.href);return false;

Hmm, klingt ja noch besser als dieses Threesome-Dings

Es isch halt eifach en sympatischere Asatz. Bis uf de Server isch glaubs alles Open Source. Im Moment sueched grad zimlich vil Lüt e WhatsApp Alternative und letztendlich wird sich das duresetze wo am meiste User für sich gwünnt. Au das Threema mag ja super si...aber wenn irgend e Firma dehinter steckt isches letztendlich nur wider e Frag vo de Ziit bis alles für es paar Milliarde verscherblet wird. Drum wärs ev. na sinnvoll grad vo Afang a uf e Open Source Alternative z setze.

Perfekt wär natürlich en dezentrale Asatz mitere Art Blockchain statt Server ala Bitmessage (https://bitmessage.org" onclick="window.open(this.href);return false;)...gits aber glaubs nanig für Smartphones.

threema isch ide gründig und ich kenn de wo d android version programmiert hät sit 15 jahr. es sind 3 jungs und sie händ scho es chf 1 millione agebot abglehnt. bis jetzt sinds nur sie ohni fremde geldgeber. sie wänd alles allei durrezieh.

halt drü programmier nörds.

1 Mio für e Messenger App? Ich schribe glaubs au mal eini

Geld

so isches. aber sie händ ja eh scho paar 100k downloads. geld händs scho gmacht. au fun towers hät er gschriebe und verdient so es paar tusig fränklis. guet, er hät au http://www.search.ch" onclick="window.open(this.href);return false; gründet gah frühener. er hät au bi paar andere sache d finger im spiel gah.

.

Ha itz mau threema und telegram druf u luege wo sich d'liste a kontäkt schneller füllt.. O:-)

hani au grad gmacht, danke für d links bzw de hiwiis. ha beidi dienscht nonig kennt.

bi threema sind doch scho 8 kontakt regischtriert

S Telegram isch grad hert am Aschlag...sit Facebook s WhatsApp abgstellt het hend wohl es paar tusig User uf s Telegram gwechslet