The(G)Forum

Quelle


Quelle

Was haltisch vo dere Stadt? Wohnt dis Grosi det oder häsch evtl. sogar en Gheimtip?

1x, glaub isch afangs 90er gsi
uf em wtc bini go znacht esse - niamm niamm
weiss no wommer aachoo sind im (glaubs marriot) isch mit de zimmerbuechig was falsch gloffe und di ganz reisegruppe het stundelang müse warte...irgendswenn hend alli afange usrüefe und terror mache. nachmene ziitli isch denn öpper choo und het sich entschuldigt und gseit mer chönd für es paar täg im waldorf astoria penne. weiss no ganz genau dasi im waldorf im zimmer e fetti büchs gummibärli gha han wo innert minute leer gsi isch.
im toys r us hani für de atari lynx s`ninja gaiden, awsome golf und dirty larry kauft

i bi mega fan vo dere stadt. bi i de letschte jahr mehrmals gsi... 4 mal oder so gloubi...
ha bekannti ir nechi un cha jewils bi dene übernachte und mit ihre zwöitouto richtig nyc fahre und dr tag dert verbringe...

gheimtipps gits viu. es git halt sowieso huere viu dert. chunnt druf a uf was meh steit und was meh gärn würd gah aluege...

uf jede fau isch e nyc trip ohni musical bsuech imo e verschwändete trip!

das jahr chumi leider nid derzue aber nächscht jahr wotti sicher wieder gah...

en helioktober rundflug in nyc isch no lässig

hipster kagg

erscht mal im 84i gsi... mit em Grossvater ufs Empire State Building und WTC go zmittag esse amigs... recht super gsi damals.

turntablism hat geschrieben:en helioktober rundflug in nyc isch no lässig

hani letscht dezember o gmacht. voll tourimässig d'abfertigung aber schlussändlech haut doch es unvergässlechs erläbnis...

Willsch nid gschieder grad det übere Zügglä? 4 mololol.


Ich bin einisch gsi bis jetzt, als Chind, isch s WTC au no gstandä. Magmi nüm a so viel erinnere...

s letscht mal im 2000 fürs "millenium" däne gsi, im Tavern on the Green im Central Park neu jahr fiire und dä richtig Times Square

minere fründin iri arbetskollegin isch vo new york, queens, und wett niemeh det äne go läbe. überall dräck, hundegaggi und es schtinkt.
i de tourischteviertel sigs erträglich, in manhatten au, bis ufd tourischte

mol luege, vilicht gangi de mal weni 50i gsi bi nüorgg

harlem oder bronx e gospel konzert go luegelose

Jones hat geschrieben:

turntablism hat geschrieben:en helioktober rundflug in nyc isch no lässig

hani letscht dezember o gmacht. voll tourimässig d'abfertigung aber schlussändlech haut doch es unvergässlechs erläbnis...

logo, han nur mit em boot mal rundfahrt um manhattan gmacht, au super....

Mitem boot hani vor 3 oder 4 jahr e special tour becho...

Acid hat geschrieben:Willsch nid gschieder grad det übere Zügglä? 4 mololol.

Ähem... Nei danke, wohne i dere stadt müsst also nid si...
Aber wenn fründe us frömde länder jedes jahr 1-2 x möchtsch gseh muess meh haut ab u zue i flüger hocke...

isch no guet zum skaten.

noch nie. ist gut?

Isch e schöni Stadt, dasch wohr. Und viel ds gseh gits ou. Nur d Subway isch doch sehr speziell gsi, die chasch bestefalls als "zweckmässig" bezeichne.

Bi 2009 dört gsi, d.h. vor fasch 5 Johr. So schnäu vergeit d Zit.

Ich bin brueflich mol uf NYC versetzt worde. Bin nach zwoi Mönet witer verschobe wurde is Hölleloch Dallas. Denn hani köndet und bin wieder id Schweiz cho

Es isch super gsi in NYC, bin immer im Hell's Kitchen go Znacht Sandwich mampfe und in Central Park go spaziere. Leider sind d'Lüüt echli arrogant gsi, zumindescht die, woni amigs brueflich troffe ha.

Geheimtipp: The Cloisters in in North Manhattan, uf Newark go Hockey luege und mitem Boot um Manhatte umekurve.

New York isch ganz grosses Kino.
Die Stadt isch absolut multikulturell, was scho mal en big win isch. Es isch eher eifach kontakt ds knüpfe und du chasch vom 08/15 Turi-Trip bis zum underground-shizzle alles haa.

Wenn me New York chönnt hüraate, ich würds mache.

Du hesch so Sache we ds Cloisters, wo eifach nur unglaublich Fake sind, und drnäbed ds MoMa, wo mich immer wieder begeistered.
NYC het sich unglaublich verändered, ide letschte paar Jahr. Ich finds als Stadt fascht scho es Ideal. Mehreri Subkulture chömed locker anenand verbii, me merkt, dass grad was Neues am entschtaa isch.
Wo New York zum Hölletrip wird, isch wenn e Wohnig sueche muesch, als Usländer, und wenn mit der ganze Dosis Hipster- Kultur ade Uni konfrontiert wirsch. Aber au da: New York isch eifach ds gross und ds vielfältig als das eis Muschter oder ei Denkrichtig dominierend chönnt werde.
Ds letscht mal bini im September 2013 gsi und han mini Tääg u.a. dermit verbracht, i irgendwelchi Musik Shops ine ds laufe. Es paar recht tolli Albene und Spaziergäng hend sich drus ergee.
Eini vo de Lüüt, woni denne kenne glernt han, wird mich nächst monet da in Züri bsueche. Ich glaub, die wird en rechte Schock haa

gameshoptechnisch isches vor 20 jahr geiler gxi.

Uriel hat geschrieben:Eini vo de Lüüt, woni denne kenne glernt han, wird mich nächst monet da in Züri bsueche. Ich glaub, die wird en rechte Schock haa

gang mitem is äntlibuech

Ir ny Subway hani de schlechtischt MC wo de Hip Hop je gseh hett ghört. Und das dört. LOL

sicher en bsuech wert
http://barcadestmarks.com/" onclick="window.open(this.href);return false;

na nie gsi. reizt mi au nöd würkli.

Supler Stadt btw.

Wenn dr öppis us Jazz machsch: http://www.55bar.com/" onclick="window.open(this.href);return false;