Scho zwei Färnseh hani mit Hilf hie us em Forum kauft gha. Mal luege öbs mit PC au klapped
Bin uf de Suechi für n GamePC und bruche bizle Hilf.
Warum PC?
- Bin eigentlich Konsolero us em Grund: Game ine stecke und zocke... kei technisches wüsse nötig, keis Intallationsgedöns.
- Git uf em PC viel Spiele woni uf Konsole nid chan ha und au besser spielbar sind. Vor allem Strategie Sache.
- Mods!
Usgangslag:
- Han vo PC kei Ahnig und muss darum en fixfertige poste. Wenn de Vyse was vo GSync schribt, muss i das google. Denn weiss i amigs grob um was das es gaht, s technische dehinder verstand i aber nid.
- All die Grafikchartene mit em gliche Name vo unterschiedliche Hersteller... es Buech mit siebe Siegel.
- Warum en PC und nid en Laptop? Mit Laptop hett mer no "mobile" Komponente woni no guet fänd und de chan mer ja au am grosse Bildschirm oder TV schlüsse.
Aspruch:
- Cyberpunk 2077 muss laufe
- Ab und zue ne Shooter wie BF, sust meh so Strategie wie Bannerlord, Age of Empires, Civ, etc...
- Nur Gaming! Für Büro und Musig hani en Laptop.
- En stabili Maschine wo kei, wenig Wartig brucht und paar Jahr hebt, da ich nid über d Fähigkeit verfüege, Teili uszwächsle, oder z update. Chan also nid jedes Jahr en neui GraKa oder so inefrese.
- Bin kei Grafikhur und wäg em Konsolebackground au nid mit FPS verwöhnt, aber möcht scho, dass games, vor allem Shooter flüssig laufed...
Set Up:
- Am TV Aschlüsse
- Mit eme Couchmaster oder so vom Sofa us zocke (wenn möglich kabellos).
Bim Digitec hani was gseh, hend gad füf Modell in "Aktion"
https://www.digitec.ch/de/page/alles-fu ... 2204-15677" onclick="window.open(this.href);return false;
Isch das öppis? Uf was muss mer luege?