The(G)Forum

Saluti!

Ich han bös luscht mir selber es CMVS (Consolized MVS) z'baue. chaufe chamers au ich weiss. omega mached saugueti, mit AES ähnliche Cases und paar jungs usem ng.com forum macheds au.

under anderem de xian xi (jamma nation x). prise beweged sich bi ca. 450-650 usd (shipped). da isch alles scho fixfertig debi. au das ganze gelöte blibt eim erspart

ich bin bim usrechne vo de aschaffigschöschte vo allne einzelkomponente uf ca. 200$ cho, finde de ufpris für di ganz arbet und versand eigentlich no ok und fair.
aber ebe es gaht mer ums selber mache chöne zum öppis dezuelerne (lerneffekt sind was schöns), also bini gspannt uf eui erfahrig wiä mer ebe am eifachschte sones consolizing macht. boergi? mastercello?

wani nid/nonig verstahn:

- abringe vom unibios 3.0 ufs board via NeoBiosMasta Unibios Adapter
- battery hack damit scores gspeicheret blibed
- stereo mod
- wo beziehn ich di richtige Audio, Video and Power Jacks. conrad findi nix.

da häts e aleitig vom xian xi was mer alles brucht zum consolize:

http://www.jamma-nation-x.com/jammax/cmvs.html" onclick="window.open(this.href);return false;

bi de rgb video encoder chumi nonig so ganz z'schlag welle am beschte isch. es git:

- JROK v4.1 RGB to NTSC Encoder (jamma nation verchaufts)
- Neobitz encoder (isch das de glich wiä de jrok?)
- Und de da woni letschi entdeckt han: http://www.jammaboards.com/store/cga-eg ... -8220.html" onclick="window.open(this.href);return false;

de letschteri isch glaubs zimli de neuschti shit ufem märt und tuet signal automatisch richtig verteile zu HD-TV's.
link: http://youtu.be/Kp-JXV5Tm7g" onclick="window.open(this.href);return false;

di normale CMVS (omega/xian xi) bis jetzt sind meistens mit S-Video Out, Composite, oder Component out bestückt. Chunt au guet uf de HDTV's. Aber choschted entsprechend meh als de HD-Converter vo Gonbes.

Langer Rede kurzer Sinn: Ich wür gern vo eu wo drus-chömed wüsse, wiä ich am eifachschte mitere günschtige variante sones MVS Board heimtauglich mache chan. Klein und fein muess es si.

- Ich will keis Kabelgewirr, sondern schön minimässig imene Case verpackt, da es bispil: http://youtu.be/sGuxTxwnsS8" onclick="window.open(this.href);return false;
- Ich will KEI supergun baschtle. nur mvs.

Referenze:

https://www.flickr.com/photos/93434399@ ... 0505/show/" onclick="window.open(this.href);return false;
http://www.arcadeworks.net" onclick="window.open(this.href);return false; (omega cmvs)

Über step by step aleitige vo eu würi mi natürli sehr freue. han glaubs scho s'ganze internet abcheckt nach irgendwelche noob lösige

cheers!

wäg em video out chunts recht druf aa wo dasses wilsch aaschlüsse:

standardmässig hät es mvs ja RGB usgang. d.h. RGB scart gaht ohni wandler. Leider wird RGB fast nümm unterstützt a hd-tvs. Ev. isch drum ä umwandlig sinnvoll.

Zerst mal grundsätzlich:
Es MVS hät wie fascht jedes JAMMA board ä uflösig vo 320x240@60hz. Das entspricht 240p. Oder änere Bildschirmfrequenz vo 15khz. Herkömmlichi fernseh chönd nur genau 15khz darstelle (entweder 240p oder 480i) und herkömmlichi VGA PC-Monitore chönd erst ab 31khz (d.h. 480p) darstelle. HD-TVs händ viel es grössers Spektrum wos chönd darstelle, aber du muesch luege öbs die 15khz chönd darstelle, entweder über YUV oder VGA (oder SCART wänner das no hät). Wänner das nöd chan bruchsch en tüüre Wandler wo dir s'Bild ine höcheri Uflösig umrechnet.



Ich gseh folgendi optione:

1. Direkt RGB-Scart Stecker dralöte:
Pro: Am eifachste und direktiste, funktioniert au uf alte Röhrefernseh
Contra: Gaht nur mit SCART iigäng, bald sind die usgstorbe

2. VGA Stecker dralöte
Oftmals chönd di moderne HD-TVs über VGA no 15khz darstelle
Pro: Am eifachste und direktiste
Contra: Ich weiss nöd wie guet dass VGA no unterstützt wird und wie oft no i frequenzbereich vo 15khz.

3. YUV Wandler chaufe
YUV isch eigentli wie RGB, eifach dass di 3 Grundfarbe nöd als absoluti Wert, sondern als abwichig vom Grüenwert (=Y) dargstellt werdet. Das Cb und Cr wo mer amel liest staht au für "change in blue" und "change in red" im vergliich zum grüen
Pro: Verlustfreis Wandle ohni lag möglich
Contra: Wandler nötig, YUv wird au nöd vo ganz allne HDTVs unterstützt

4. HDMI/DVI Wandler chaufe
Mit dem wird s'bild ine höcheri HD uflösig umgrechnet und chan drum a jedem HDTV betriebe wärde.
Pro: Kompatibvel mit Fernseh us de Zuekunft
Contra: Wandler sind komplex und drum tüür, Input lag ev. feststellbar


Ich Persönlich würd en VGA Stecker dra mache en SCART adapter defür no bastle (für an röhrefernseh)und en Wandler für HDTVs chaufe (für an HDTV wo kei VGA aaschluss hät). Dänn häsch alles.