The(G)Forum

Bringts was?

Will:

Eine Spiegelplatte ist kein Ersatz für eine Datensicherung, da sich auch versehentliche oder fehlerhafte Schreiboperationen (Viren, Stromausfall, Benutzerfehler) augenblicklich auf die Spiegelplatte übertragen. Dies gilt insbesondere für unvollständig abgelaufene, schreibende Programme (etwa durch Stromausfall abgebrochene Update-Transaktionen auf Datenbanken ohne Logging-System), wobei es hier nicht nur zu der Beschädigung der Spiegelung, sondern auch zu einem inkonsistenten Datenzustand trotz intakter Spiegelung kommen kann. Abhilfe schaffen hier Datensicherungen und Transaktions-Logs.

und simmer ehrlich, wenn mir mal e Platte usfallt, isch nöd s'Problem, dassi 2 Täg nöd chan druf zuegriefe, sondern, dass d'Date weg wäred.

Also machts meh Sinn, 2 extra Platte in PC ztue als Datesicherig und s'NAS näbebii zbetriibe?

Falls s'Raid System doch Sinn macht, weles denn, Raid 1 oder Raid 5? (4x 6tb)

danke fürs Feedback.

ich hans im Raid und ich han au scho Stromusfäll ka..lauft immer na perfekt!
und würklich wichtigs wie Fotene oder Dokument han ich na uf DVD und ufere externe HDD

Raid 1 glaub (2*3TB bi mir)

Also Vire chasch mal me oder weniger usschlüsse, wenn ufem NAS es BSD oder Linux lauft. Wege Stromusfall chasch zuesätzlich na e USV verwende, die set lange um d Date imene Notfall z sichere. Allerdings halti das im Privatgebruch für übertribe. S chunt halt au immer chli uf d Art vo de Date a. Es sind ja höchstens mal einzelni Date korrupt. Wenns Film sind ziesch die eifach neu. Wenns wichtigi Dokument sind hesch scho eher es Problem. Aber ebe, d Wahrschinlichkeit dasder en Stromusfall d Date kaputt macht isch zimlich gering. Privats chasch ja imerno separat backupe...für das bruchsch ja sicher nid mehreri TB.

Bezüglich RAID, ich bin im Moment zfride miteme 5i. Da gat halt letztendlich immer ei Platte für s RAID druff, drum wärs ev. e Überleggig wert no me Platte dri z tue. De "Verlust" wird mit jedere zuesätzliche Platte prozentual geringer.

Xinobrax2 hat geschrieben:Also Vire chasch mal me oder weniger usschlüsse, wenn ufem NAS es BSD oder Linux lauft. Wege Stromusfall chasch zuesätzlich na e USV verwende, die set lange um d Date imene Notfall z sichere. Allerdings halti das im Privatgebruch für übertribe. S chunt halt au immer chli uf d Art vo de Date a. Es sind ja höchstens mal einzelni Date korrupt. Wenns Film sind ziesch die eifach neu. Wenns wichtigi Dokument sind hesch scho eher es Problem. Aber ebe, d Wahrschinlichkeit dasder en Stromusfall d Date kaputt macht isch zimlich gering. Privats chasch ja imerno separat backupe...für das bruchsch ja sicher nid mehreri TB.

Bezüglich RAID, ich bin im Moment zfride miteme 5i. Da gat halt letztendlich immer ei Platte für s RAID druff, drum wärs ev. e Überleggig wert no me Platte dri z tue. De "Verlust" wird mit jedere zuesätzliche Platte prozentual geringer.

aber raid5 bi 4 platte macht sinn? machts überhaupt sinn en raid zmache bimene nas wo in erschter linie als medie speicher verwändet wird?
(sprich kei super wichtigi date druf sind).

d'frag isch eifach: wenns mir e 6tb disc butzt, schissts mich a, wenn alles weg isch. drum wür ich das backupe. logisch chunsch alles wieder irgendwo über, besser aber hesches gsicheret.

förig platz hani ebe au nöd, 4 disks bringi is nas, 6tb sinds pro disk. und 2 disks sind meh oder weniger voll, jetzt scho. lol.
s'raid 5 nas wür mir ja nur nütze, wenns mal ei platze butzt, dass s'nas glich wiiter lauft, oder?
also andersch gseid: wenn d'disk kaputt isch, sind date glich weg?

wieso au jede schiessfilm phalte und nid chli lösche?

TypeJ hat geschrieben:wieso au jede schiessfilm phalte und nid chli lösche?

das isch e anderi frag, wo da jetzt aber nöd thema isch.

do isch en raid calculator : https://www.synology.com/en-us/support/RAID_calculator" onclick="window.open(this.href);return false;
unter em useruefezeiche näbe "RAID Type" gits no me infos (z.B. wieviel disks chönned usfalle ohni das alles wäg isch).

kurz: imene raid5 chan 1 disk usfalle und du hesch dini date immer no.

dasch wahr

Obs Sinn macht oder nid chani nid pauschal beantworte. Ich han jahrelang druff verzichted. All paar Jahr hets denn halt glich mal irgend e Platte putzt und denn hanis bereut. Letztendlich isch mis Archiv aber glich immer grösser worde. Wasi früener imene Monet han chöne abezieh schaffi hüt imene Tag, insofern sind die Verlust bis uf es paar Usnahme nid ganz so tragisch gsi. Ich hans glaubs eher gmacht wili froid am bastle han. Rational betrachted chentis glaubs nid begründe. De nachtail vomene RAID5 isch halt, dases quasi statisch isch. Sovili weiss chasches nid nachträglich eifacht vergrössere. Chasch au nid nachträglich eifach Platte mit me Speicher dri tue. Bzw. chasches zwar dri tue aber de zuesätzlich Speicher nid nutze. Ich han jetzt z.B. au 6TB Platte drin...aber chum isch das Ding gloffe sind di erschte 8TB Platte für Konsumente vorgstellt werde. I 3 Monet sinds 10TB oder me, was weiss ich. De Punkt isch, es git laufend me Speicher für weniger Geld, aber die neue Platte bringedmer jetzt nüt wilis nid is RAID chan integriere.

Mit anderne Wort, e externi 4TB Platte kriegsch ab 150.-...bald sinds no 100.-....obs da Sinn macht für de Privatgebruch es statischs RAID z mache isch eher fraglich. Ev. wärs sinnvoller uf es RAID z verzichte und vo Ziit zu Ziit noiji Platte z chaufe und es kompletts Backup z mache. De müesstisch halt eifach chli konsequent si und das au würklich regelmässig durezieh.

Zu de andere Frage, wensder bimene RAID5 e Platte buzt sind Date vorerst mal weg. Denn müesstisch halt e noiji dri tue demit d Date wider chönd hergstellt werde. Das isch ja letztendlich de Sinn und Zweck vom Ganze. Btw, wenn 2 vo dene Platte bereits beleit sind müesstisch die eh zersch mal irghendwo uslagere, susch verlürsch alles wennt s RAID machsch.

randy hat geschrieben:do isch en raid calculator : https://www.synology.com/en-us/support/RAID_calculator" onclick="window.open(this.href);return false;
unter em useruefezeiche näbe "RAID Type" gits no me infos (z.B. wieviel disks chönned usfalle ohni das alles wäg isch).

kurz: imene raid5 chan 1 disk usfalle und du hesch dini date immer no.

guete Link
Raid 1 han ich aktuell...

weni de mal es neus chauf mit 4 bays wirdi wohl au raid 5 mache

Mis Synology Hybrid Raid (SHR) hett 1 disk fault-tolerance und s'isch mr tatsächlech scho 2x passiert, dass e WD Red isch usgstiege (1 vo 4). Dank em SHR isch aber ds NAS ganz normal witergloffe (halt eifach imne unprotected status). Am Brack gschriebe, die heimer e nöii gschickt wo am nächste Tag isch hie gsi, Platte ineghebt und guet isch - ke Dateverlust, ke Problem, alles easy. Bi also scho sehr froh gsi ums Raid.
Sensibli Date hani mehrfach gsicheret, aber s'wär gliich müehsam, all die Filme und Serie nomau abezlade, grad wöu's zT eher obskurs Züg drunger hett, woni teilwiis lang gsuecht ha derfür. Plus i bringes fasch nid fertig, öppis z'lösche, so there's that .

Gemäss eune Infos wär es Raid 5 demfall en Datesicherig, aber zrugg zum Usgangsposting vo mir, Wikipedia seid, es isch nöd so, wieso:

zeromeier hat geschrieben: Eine Spiegelplatte ist kein Ersatz für eine Datensicherung, da sich auch versehentliche oder fehlerhafte Schreiboperationen (Viren, Stromausfall, Benutzerfehler) augenblicklich auf die Spiegelplatte übertragen. Dies gilt insbesondere für unvollständig abgelaufene, schreibende Programme (etwa durch Stromausfall abgebrochene Update-Transaktionen auf Datenbanken ohne Logging-System), wobei es hier nicht nur zu der Beschädigung der Spiegelung, sondern auch zu einem inkonsistenten Datenzustand trotz intakter Spiegelung kommen kann. Abhilfe schaffen hier Datensicherungen und Transaktions-Logs.

Ich glaub ich verzichte uf es Raid und mach eifach Backups näbedra. Wenni denn mal es paar Dateie söt verlüüre, will s'backup nöd topaktuell isch, isch das glaubs, wie de xino seid, eher gliich.

aktuell hani sowieso alles no zuesätzlich uf externe platte abgsicheret

Es machter kei 1:1 Kopie vo de Date sondern speicheret imene eigene Format um d Date imene Notfall demit z rekonstruiere....insofern isches kei Datesicherig.

ich glaub niemerd vo uns obe meint es raid ersetzt es richtigs backup. es isch eifach en eifachi methode zuesätzlich zumene backup chli en sicherheit falls mol en disk usfallt.

randy hat geschrieben:ich glaub niemerd vo uns obe meint es raid ersetzt es richtigs backup. es isch eifach en eifachi methode zuesätzlich zumene backup chli en sicherheit falls mol en disk usfallt.

aber ebe, wüki sinn macht das demfall nur, wenn mit de date schaffsch bzw. jede tag effektiv zuegriffsch bruchsch, will susch es grosses problem hesch, sprich viel gäld verlürsch.

oder gseh ich das falsch?

chame so gseh. bi mir isch es z.b. so, dass ich fötelis vom handy uff s'nas kopier (raid5) und denn vom handy lösch. es back up mach i viellicht 1x pro monet. wenn ich jetzt also es nas ohni redundaz hätt, wäred die neuschte föteli ohni backup alli wäg wenn ein hdd würd usfalle. mit emene raid5 hätt i sie no.

das isch mini überlegig gsi warum ich das gmacht han. aber jede het halt anderi aawändigsszenarie oder methode wie er sini date speicheret. schlussändlich muess es jede für sich sälber entscheide öb's em das wärt isch.

movies (blu ray rips) oder tv serie us em internet lohned sich für mich aber IMHO aber nid uff es raid z'tue. erschtens hätt ich au z'viel date und zweitens chame sich die immer wieder abezieh falls nötig.

es raid 5 wäred aber demfall 3 nutzbari disks und 1i fürs raid, korrekt?

au korrekt, dass ich nöd chan nachträglich es raid mache?

(wenni jetzt 2 disks dine han, chani nöd nachträglich namal 2 drii tueh und es raid 5 mache, usserd ich lösch natürlich wieder alles?)

ja

ja

ja

ich bin hin und her grisse.

Ich han es Arbeits Raid, woni 2 Plattä fur d Gschwindigkeit zämäghänkt han ohni jeglich redundanz (wenn eini usfallt isch s Züg weg), und denn es backup raid (glaub 5... also das womer bi 4 Plattä no drüviertel vom Speicherplatz hed und eim ei Plattä cha usfallä, usere ähnlichä Motivation wiä de randy, und will halt im Gägäsatz zumene Spiegel meh Platz hesch).

Zuäsätzlich als Bachup 2 allerdings denn no Kopiä uf normalä Plattä, woni denn au mithei nimä, do muesi aber Platz ufstockä und ich müssts öfter machä.

Und s erschtä lauft über Timemachine, hed also no verschiedeni Versionä so langs Platz hed, und s zweitä isch eifach e Clone vom jewiligä Stand, will diä huere Programm mit de Versionierigä und so au no tricky chönd si.



Binere reinä Medie Plattä woni s Züg usem Internet gräuberlet hätti, muemer aber glaub würklich nid grad übertriebä. Wenns wichtig isch und de Ufwand gross isch, chamer sich eifach immer wiedermol en Siecherig ziä, denn hedmer denn im Zwifelsfall diä paar neuschtä Seriä oder Film nüm.

Schlussendlich ischs aber scho so, es Raid isch nid es würklichs Backup (also wenn nur öpis vo beidem machsch würdi wohl würklich eifach e normali Kopie machä uf anderi Plattä). Und wasmer aber scho niä söt meinä isch, das eim kei Plattä verreckt.

zeromeier hat geschrieben:(wenni jetzt 2 disks dine han, chani nöd nachträglich namal 2 drii tueh und es raid 5 mache, usserd ich lösch natürlich wieder alles?)

Binere synology:
https://help.synology.com/dsm/?section= ... l&lang=ger" onclick="window.open(this.href);return false;

Sött also möglich sii. Vo jbod noch raid 1 und raid5 . Han i aber saelber no nie gmacht.

randy hat geschrieben:

zeromeier hat geschrieben:(wenni jetzt 2 disks dine han, chani nöd nachträglich namal 2 drii tueh und es raid 5 mache, usserd ich lösch natürlich wieder alles?)

Binere synology:
https://help.synology.com/dsm/?section= ... l&lang=ger" onclick="window.open(this.href);return false;

Sött also möglich sii. Vo jbod noch raid 1 und raid5 . Han i aber saelber no nie gmacht.

ich han das:

QNAP TS-451-4G

Acid hat geschrieben:wasmer aber scho niä söt meinä isch, das eim kei Plattä verreckt.

das isch mir ebe bis jetzt wüki no nie im läbe passiert. evtl. eifach glück gha.

gar kein backup für film, das isch mers nöd wert.... wenns hd lupft gangi halt wieder s'wichtigscht go abelade, thats it.

backup isch bi mir alles i de cloud (fotene, filmli, eifach s'private und somit für mich wertvolle und suesätzlich no ufere backup hd, woni eifach miteme programm de dropbox folder spiegle/abgliche 3x am tag.

zeromeier hat geschrieben:das isch mir ebe bis jetzt wüki no nie im läbe passiert. evtl. eifach glück gha.

mir 1x, aber ich chaufe für das nur no 24/7 Platte und wechlse all 3-4 Jahr sequentiell eifach us. demit bini sitt fascht 15 Jahr guet gfahre, nie dateverluscht, nie meh kaputti hd gha.

zeromeier hat geschrieben:
ich han das:

QNAP TS-451-4G

Sött au dört go:

http://www.anandtech.com/show/8298/qnap ... e-review/2" onclick="window.open(this.href);return false;