The(G)Forum

Sali zame

Mi würds mol wunder neh mit was ihr so shmups gamed. Arcade stick oder emene normale Joypad? I bi zur Ziet zwunge mit XBox 360 Pad und MAME z'spiele da mini Arcade Chiste zerleit isch. Aber ehrlich gseit chum i do überheupt nöd zgang. Mit em Dume das äffige Pad bediene und den no so milimeter genau de Chugle uswieche goht echt nöd. Da chumi fast en Afall über wenn mer d'Chugle gseht, aber s'Raumschiff eifach zfest uslenkt will mer's mit em Dume nöd so fin stüre cha. Do würd i das sch*** Pad am liebste in Egge knalle. Au s'Dodonpachi Saidaioujou woni mit extra für d'Xbox kauft ja isch fast unspielbar für mi. Bin i wohl mit em Dume eifach z'grobmotorisch veranlagt oder bini do evt nöd de einzig?

Pad's = Crap!

chauf en hori arcade stick!

i han de da: http://www.toppreise.ch/prod_249945.html" onclick="window.open(this.href);return false;
han eifach no Seimitsu Stick u Buttons inegmacht, isch megen!

http://stores.horiusa.com/xbox-360-fighting-stick-vx/" onclick="window.open(this.href);return false;

nur scho wäg em feeling würdi arcadestick nä, gits ja au für xbox360 und isch au pc kompatibel. sicher nöd di dümmst investition...

Arcadechaschte ftw !
Ich han e huufe shoot em ups für xbox360er kauft und bitz gschpillt mit em pad aber nach einer wuche isch mers irgendswie usgfahre uf em sofa z'spile. En grund isch sicher au dass ich min 55zoll fernseh nöd 90° cheere chan.

Danke für de Input. I frog mi halt amigs eifach ob i dä einzig Unfähig bi wo es Pad nöd gschied chan bediene und ob die ganze "Oberpros" die Super runs mit Pad zockt hend. Extra an Arcade Stick poste für d'XBox 360, hmm mol luege. I ha jo eigentli alles was mis Herz begehrt. En coole Egret mit allne PCB's woni mir zur Ziet wünsch. Aber ebe leider zur nöd spielbar will in Restauration und drum mues i Pad game

also wenn scho paar tusig franke für ummeliegendi war häsch chönne usgäh, chasch au es paar fränkli für en stick übrig ah. sus bisch eifach kein gamer, sondern en poser.

ps: früehner händ pads slow mo funktion gah und drum händ viel lüt mit pad gamed. gaht scho.

OlDirty hat geschrieben:Danke für de Input. I frog mi halt amigs eifach ob i dä einzig Unfähig bi wo es Pad nöd gschied chan bediene und ob die ganze "Oberpros" die Super runs mit Pad zockt hend. Extra an Arcade Stick poste für d'XBox 360, hmm mol luege. I ha jo eigentli alles was mis Herz begehrt. En coole Egret mit allne PCB's woni mir zur Ziet wünsch. Aber ebe leider zur nöd spielbar will in Restauration und drum mues i Pad game

d'pros spielet chum uf dä xbox, will det häsch me verzögerig bi allem (pad, konsole, bildschirm): alles komplizierti hardware wo je im milisekundebereich en lag verursacht, dass am schluss ca 0.1s lag häsch im verglich zunere originale platine.

zudem sind d'digipags sit 10 jahr nümm bruchbar für 2d games da si ja nur no fürs menu vo 3d games brucht werdet... di neust xbox one isch sogar extra nur no für das gmacht worde. früener hät mer scho no chöne mit em pad game...

chnnt uf de Shooter a, en Arcade shooter goht nur mit Sitck am Cab. Konsole STG wie Nexzr, Soldier oder es Super Aleste könnt mir ez nit mit Stick vortelle, Konami sache gönd in beidi richtige findi

Nur Arkadestäcke, mit Pad's en Cave-shmup spille = dur s'Tal der Tränen und graduus i d'Höll riite.
Min Vorschlag : lieber nöd game als di perfekti Stüürig am Cab müese z'misse.

hanf hat geschrieben: d'pros spielet chum uf dä xbox, will det häsch me verzögerig bi allem (pad, konsole, bildschirm): alles komplizierti hardware wo je im milisekundebereich en lag verursacht, dass am schluss ca 0.1s lag häsch im verglich zunere originale platine.

zudem sind d'digipags sit 10 jahr nümm bruchbar für 2d games da si ja nur no fürs menu vo 3d games brucht werdet... di neust xbox one isch sogar extra nur no für das gmacht worde. früener hät mer scho no chöne mit em pad game...

de Gus (en Ami) häd vor ca. emene Jahr Mushihimesama Futari 1.5 Ultra g'counterstopped mit Clear, öppis vom Schwierigste, womer überhaupt chan mache, ufere XBox360 mit Stock Controller. De Prometheus (Franzos) macht de DDP und DOJ 2All mit de Taschtatur.

mit de tastatur - lol geile siech

ketsui ds spieli au mit pad.

immer pad. ka mit sticks nit game

sadoanarcho hat geschrieben: de Gus (en Ami) häd vor ca. emene Jahr Mushihimesama Futari 1.5 Ultra g'counterstopped mit Clear, öppis vom Schwierigste, womer überhaupt chan mache

Uf youtube hets es Video. Es isch abnormal.

evo hat geschrieben:immer pad. ka mit sticks nit game

ah ja, ha denn s streetfighter pad für shmups, nit s original 360er

je grösser de stick desto besser