The(G)Forum

Win7, OSX, Debian.

Jones hat geschrieben:xfce hani o probiert. gseht rächt veraltet us... lol
ha itz doch mau unity druf tah und säubscht das louft bisher nid eso schlächt. bi's aber no am teste...
schlussändlech bruchis eh nid würklech. isch nur chli zum umespiele...
zu 90% bini im browser wenni am PC hocke und für das isch chrome perfekt. findes aber glich immer interessant was aues müglech isch.

xfce isch chli wie Gnome...d Standard-Istellige chasch nid bruche. Die Dinger sind aber so flexibel dasd fasch alles drus chasch baschtle...

ha hüt mau remix OS 2.0 usprobiert. basiert uf android 5 und chasch ufeme usb stick installiere und boote (oder ine partition lokal)
gseht rächt geil us bishär und louft out of the box ohni bastle. kamera, netzwerk, sound, touchpad etc etc ufeme i7 dell laptop alles uf anhieb gange.
und das grät macht in antutu ca. 210'000 pünkt. es S6 edge bringts uf ca. 80'000...

mau no chli teste ob stabil gneu füre daily...

edit: okay.. isch no bitz alpha. apps stürze ab teilwies und obwohl e i7 laptop ja enorm schnäu isch (siehe antutu benchmark) öffne apps massiv langsamer als uf jedem aktuelle handy woni bisher gha (ussert sie si scho im ram, denn geits schnäu)
beta söu i de nächschte wuche cho. stable isch no offe wenn. wär denn sicher e gueti sach.

Ich han vorig di glorrich Idee gha ich chent mal wider es Windows boote...das macht ez scho sit 20 Minute Updates...und für die wos nid wüssed, mer chan es Windows nid bruche solangs Updates macht und es mues andauernd wider neu starte :typej:

wenns täglech louft, hesch ke Problem...

Hmm...ne...also nachdems de gloffe isch und ich s Photoshop mal gstarted han hets es paar Minute spöter plözlich wele neu starte...

...wahrschinlich chamer das alles irgendwo istelle und so aber das isch doch eifach nume nervig. Es OS wo mir seit wasi mues mache. Ich mags lieber andersch ume...

di automatische updates bim windows nervet brutal. ich hans nöd gfunde zum abschalte und wänn er mal gseh hät dasses es update git macht er das per forciertem neustart. au wänns programm killsch macht ers trotzdem no, mues irgendwo ganz tüüf im system verbout si... dä mac laht dir immerhin no d'möglichkeit s'update z'verschiebe uf dä nächst tag. aber zwinge dis system update tüend di alli...

We me ds Sicherheitsverhalte vom durchschnittleche PC-User aaluegt, de si die forcierte Updates es Gschänk. Uf dr Pro-Version gits Müglechkeite d'Updates zrüggzstelle oder grad ganz la z'si (mittlerwile, ändlech). I bi ja grundsätzlech e Verfechter vomne Weltbild, wo d'Mensche als potentiell (!) mündigi, pflichtbewussti und eigeständigi Persone aaluegt - aber sobald Kreti und Pleti voremne Compi hocke wärde sie momentan no zu Volldeppe. Dementsprechend befürworti Mechanisme und System, wo d'Fuulheit und Trägheit vom 0815-User berücksichtigt und se dementsprechend halt chly bevormundet, das isch für mi derzit e annehmbare trade-off. Forced auto-update for the win, logisch, dämfau! Weni wiedermau bi mine Eutere daheime bi und e chly PC-Maintenance mache de ischs lässig z'gseh, dass d'Updates aktuell si und sie's immerhin ab und an gschafft hei, dr Ninite Updater la dürezloufe. Aber alles drüberuus isch z'viu für si und d'Mum isch hüt no unsicher we ihre öppis seit, dass sie doch das Programm söu abelade wo "aui ihri Triber aktualisiert und ersch no dr Kompi schnäuer macht!!111!!"

Näbebii: Finde ds Win10 isch nach wie vor ds beste OS, wo Windows je usebracht hett. Ds einte oder angere Linux hani mr mittlerwile ou aagluegt, aber s'isch mr immer no z'alternativ. Die Software/Games und Apps wo ig bruuche hetts uf Win10. Win10 für den Gewinn!

Grundsäzlich korrekt, aber die 08/15-User sind halt au die mit 50 Icons ufem Desktop und 3 Toolbars im Browser, insofern...kei Ahnig obs insgesammt was bringt...woni s letscht mal en Windows 10 Rechner ufem neuste Stand han wele knacke isch das relativ easy gange...mitem Metasploit lol...

Ich han gern alli OS...Linux für de Alltag, BSD für d Server, Windows für d Spili, OSX für...kei Ahnig...uf das chenti glaubs verzichte...das hani eigentlich nur demiti weiss was sich i de Mac Welt so tuet...aber so grundsäzlich fühl ich mich amigs chli beobachted im Windows. Isch ja schön, dass Microsoft alles will sicher mache und so, aber am meiste Sorge machi mir eigentlich wege Microsoft selber...darum...nei danke...

hanf hat geschrieben:di automatische updates bim windows nervet brutal. ich hans nöd gfunde zum abschalte und wänn er mal gseh hät dasses es update git macht er das per forciertem neustart. au wänns programm killsch macht ers trotzdem no, mues irgendwo ganz tüüf im system verbout si... dä mac laht dir immerhin no d'möglichkeit s'update z'verschiebe uf dä nächst tag. aber zwinge dis system update tüend di alli...

http://lmgtfy.com/?q=windows+10+automat ... n+registry" onclick="window.open(this.href);return false;

Herr Rossi hat geschrieben:

hanf hat geschrieben:di automatische updates bim windows nervet brutal. ich hans nöd gfunde zum abschalte und wänn er mal gseh hät dasses es update git macht er das per forciertem neustart. au wänns programm killsch macht ers trotzdem no, mues irgendwo ganz tüüf im system verbout si... dä mac laht dir immerhin no d'möglichkeit s'update z'verschiebe uf dä nächst tag. aber zwinge dis system update tüend di alli...

http://lmgtfy.com/?q=windows+10+automat ... n+registry" onclick="window.open(this.href);return false;

s tool isch biz verhunzt mit dere os/safari maske

Isch halt au eme Update zum Opfer gfalle