The(G)Forum

Nur mal so us Interesse...OSX het ja massiv ufgholt i de letschte paar Jahre und Linux Distros sind mittlerwile au für normalsterblichi verständlich. Was brucheder so im Alltag? Warum?

Bi mir isches öpe 30% Windows 8.1 und 60% Linux (Arch, Mint, Ubuntu) & 10% OpenBSD....je nach dem wasi grad wot mache. Vor allem s Windows regt mi aber in letschter Ziit immer me uf. Andauernd hani seltedämlichi Fehler und Bluescreens. Ev. au selbstverschuldet, kei Ahnig. Em Windows 10 gibi denn uf jede Fall mal e Chance und wenns suckt verschwindet das Zügs bi mir bald mal komplett...

Mit OSX hani mi hingege no nie chöne afründe...ich hans allerdings au nie länger als e Stund verwendet und innerhalb vo dere Stund hani mi nur drüber ufgregt das nüt so funktioniert wienis gwohnt bi...isch also nid ganz fair. Eigentlich seti mir mal d Ziit nä und das chli genauer aluege...

8.1 und chrome OS...

bluescreens hani sit jahre nie meh gseh. ha aber im win8.1 problem mit trieber gha... (graka)

zum surfe bruchi aber nume dr chromebook da chame uf all die funktione vome "richtige" OS verzichte findi... derfür isches uhuere schnäu!

i bi eifach z'fuul zum wächsle. wenni sache nid cha bediene ohni lang probiere, regi mi schnäu uf...
okay... zum game isch eh nix bessers als windows (konsole usgno)

Ha 4 PCs, 2x Win8.1 und 2x Win7.
8.1 macht bi mir überhoupt ke Problem und isch uf alte Maschine würklech e Säge (und imho no besser als ds schüsch scho guete Win7). Ha chürzlech grad paar 7jährigi Notebooks füre Nebejob nöi ufgsetzt mit Win8.1 und die si erstuunlech smooth.
Fröie mi ou ufs 10i, ha mau dr TP ire VM chly testet, hett fängs recht fair usgseh.

Oh...Chrome OS...ganz vergesse Hans mal hinzuegfüegt...

Im 8.1 hani eigentlich au erscht Bluescreens siti mit de Unreal Engine arbeite. Die compiliert halt laufend irgendwelchi Shader und macht susch chli heftigs Zügs in Echtziit. S isch also nid unbedingt es Problem vom Windows. Nerve tuets aber trotzdem...

i bi gspannt wie's witer geit mit chrome OS und de android implementation... chönnt no rächt geil wärde wenn all die apps loufe...

Jones hat geschrieben:zum game isch eh nix bessers als windows (konsole usgno)

Die sind dänk au nöd besser.

ghört nid da ine...

Windows 7. Das wird i bruche bis zum letzte Tag. 8.1 isch Tod und Hass, nüt für mich.

Ansonste no Ubuntu LTS uf em NAS. Sehr super und zuverlässig, macht was es söll.

bisch sicher? Windows 10 chunnt ja glii

Ubuntu isch würklich sehr super...vor allem uf Laptops wemer eh nur chli will surfe und so. Dumm isch eigentlich nur s Unity, drum nimi idR d Gnome Edition...oder halt direkt es Mint mit Cinnamon. Taskbar FTW und de Update-Manager isch vorbildlich.

Edit: Ez hani Lust mir mal s Chromium OS azluege...han das Ding bislang immer ignoriert, aber ez mit de Android Apps isches ev. glich mal en Versuech wert...

Sitt >10 Jahr OS X für Schaffe / Alltag und Windows (zerscht XP und dänn 7) zum game.

Was s'OS X betrifft spielt aber d'Hardware e nöd unwesentlichi Rolle: Bi de Macbooks chan ich devo usgah, dass die solid verarbeitet und robuscht sind und dass die verbauti Hardware i.d.R. sinnvoll usgwählt und ufenand abgstimmt isch. Vor allem aber isch s'Produktsortiment überschaubar und logisch. Ich hett schlicht und eifach nöd d'Geduld, stundelang d'Agebot vo eme Dutzend andere Hersteller z'vergliiche und z'recherchiere, welles die bruuchbare Grät sind und was de Plastikschrott. Wänn ich s'GUI / Look & Feel vom OS X nöd eso würd schätze, würd ich mer drum glaubs trotzdem es Macbook chaufe und dänn eifach es anders OS druf installiere.

Bim Desktop isch es umgekehrt: Det bevorzug ich nach wie vor Eigebau und periodisches Ufrüschte vo einzelne Komponente, drum chunnt en iMac oder Mac Pro det nöd in Frag. Und will ich de Desktop hauptsächlich zum Game han, lauft det druf halt Windows.

Guet, en Mac mini han ich ja au no. De isch meh halt eifach e Komfortlösig, dass ich dihei in ere Desktop-Umgäbig chan uf OS X schaffe ohni immer de Laptop müesse mit Tastatur & Monitor z'verkable (han ich früehner so gmacht). De 2012er Quad Core-Mac mini isch für das eifach e sehr es guets und priiswärts Agebot gsi (wo's jetzt ebe tummerwiis nüme gitt ).

PS: OS X isch übrigens au es BSD-Derivat :klugscheiss:

Gurgelhals hat geschrieben:PS: OS X isch übrigens au es BSD-Derivat :klugscheiss:

Ich han genau gwüsst das wider eine demit chunt Chromium OS isch widerum en Gentoo Fork und somit Linux, aber wayne, isch glaubs scho klar wies gmeint isch

Schaffe: Win7, WinServer 2k8 und 2k12, deheim: Win7 und es paar Grätli uf verschiedene Linüxer

K, ich verstane guet warum mengi Lüt diheime oder bim schaffe es Windows bruched....aber als Server? W00t?



Ich hans aber au scho probiert...Server mit GUI und klick klick, isch praktisch, aber chasch nix istelle. Sowas stört mi bimene Server enorm. S isch allerdings Windows Server 2003 gsi, mittlerwile gsets sicher au wider andersch us...

Chas scho verstoh. Bruche im Gschäft der Windows Home Server zum d Windows Clients sichere. Es git nüt bessers!

Isch nur schad dass die Produktreihe uslauft. Aber isch wohl doch ds günstig gsi.

Fair, wenns nahtlos mit de Clients interagiert isches natürlich schono praktisch...

OSX..

Und wüsst nid was sich dra änder söt. Han dri investiert, und ich känn au nid würklich anders.

Zudem isch i de letschte Zit grad wieder chli früsche Wind spürbar, werded viel Programm abotä und so witer. Und au wenn diä ganz zuemüllig vo gwüssnä Bereich mit Cloud Sachä und so witer no immer chli a de Iidruck erinneret Apple sig gli nur no es Stiilprodukt, bewürked gwüssi Sachä wos mached au anders (au wenn Züg wiä de Appstore denn natürlich immerno 2 Sitä hed).


Linux hanimer au scho öfter mol welä aluege, aber ich glaub es würmer nid hälfe, defür viel zvil nervä choschtä...wär eh au eifach us sympathie, aber bin en z grossä Holzchopf für das Züg.

Xinobrax2 hat geschrieben: Edit: Ez hani Lust mir mal s Chromium OS azluege...han das Ding bislang immer ignoriert, aber ez mit de Android Apps isches ev. glich mal en Versuech wert...

ha grad mau vo stable uf beta kanal gwächslet und cha ab sofort android apks lah loufe!
mau teste, was alles louft...

Jones hat geschrieben:ha grad mau vo stable uf beta kanal gwächslet und cha ab sofort android apks lah loufe!
mau teste, was alles louft...

Probier mal was extrems....en N64 Emulator oder so

OSX und Win 7

Xinobrax2 hat geschrieben:

Jones hat geschrieben:ha grad mau vo stable uf beta kanal gwächslet und cha ab sofort android apks lah loufe!
mau teste, was alles louft...

Probier mal was extrems....en N64 Emulator oder so

also d'app Mupen64 Plus AE startet ohni problem..
ha nur grad kes n64 rom parat...

edit: es rom hätti aber dr emulator grifft ufes fiktivs android zue... muess zersch luege, wie ig das rom vom chromebook dert ine ordner ine bringe...

Ich hanmer mal de Chromium OS Build 4028 gholt und inere VirtualBox glade. Als erschts hani mi grad mal miteme Google Konto dörfe amelde. Easy...denn hani mir Apps usem Store wele hole...gat aber nid Die verwised mi nur uf Chrome will Chromium schinbar nid unterstützt wird. Ok, ladi mir halt de Chrome abe...nögscht Fail wili ja nüt chan installiere...d Chrome Website merkt zwar, dasi ufere Art Linux bin, büted mir denn aber nume .deb und .rpm zum Download a. Läck...

Fazit: rofl Das Ding het nid mal es Terminal drin, ich kapiers nid...d Erfahrig wär sicher en anderi gsi weni s Chrome OS gno het aber uf das chani eigentlich guet verzichte...Ich gsene zwar en Mark für so idiotesicheri abgschpäckti Cloud OS...aber mer chans au übertribe...

Edit: OK, s git e Developer Shell...aber die bringt mi jetzt au nid grad psunders vil witer...

doch also ufem chromebook säuber chame scho e terminal ufmache (ctrl/alt/t) aber das wird i dire virtual box wohl anders si.
und natürlech isches es unfassbar abgspäckts system wo 342093480932849 sache nid cha, wo du uf dim system wohl chasch aber es het ja o ganz e andere zwäck.. und für das findis würklech easy...

würd gärn de n64 emu teste aber finde o mit google nid use, wie ig d'rom "übere" nimme...

Jones hat geschrieben:doch also ufem chromebook säuber chame scho e terminal ufmache (ctrl/alt/t) aber das wird i dire virtual box wohl anders si.
und natürlech isches es unfassbar abgspäckts system wo 342093480932849 sache nid cha, wo du uf dim system wohl chasch aber es het ja o ganz e andere zwäck.. und für das findis würklech easy...

Jep, hans au grad entdeckt

Ja wie gseit, ich gsene de Markt...aber wenn d Entwicklig so witer gat entfernt das d User immer me vo de eigentliche Möglichkeite wones OS set büte. Guet, mis Grosi interessiert das sicher nid und si wär wohl zfride demit....aber warum gitmer de Schüeler und Studente sonig Chromebooks? WTF? Det würdi grad als erschts mal es schlanks Linux mit MATE oder so druff tue, das lauft sicher öpe glich schnell und isch 327148320 Mal flexibler....

Xinobrax2 hat geschrieben:Oh...Chrome OS...ganz vergesse Hans mal hinzuegfüegt...

Isch das nöd eifach es Linux mit em Chrome druf?