The(G)Forum

Passt ja am eheschte da ine...

Us aktuellem Alass e Empfälig, em Jean Genet sini "Zofen" zimlich schtarch inszeniert.
Am Schauschpilhuus Züri no bis am 27. Mai

Ha dörfe ad Premiere letscht Samschtig, de Kolleg hed d Videoprojektion realisiert (Live Projektion is Schtück integriert, huere super gmacht)
Suprig au d Musig, Hitchcockesque

Mach keis theater !

Mi Kater muess zum Psychiater imene Krater wäg dem Theater ufem Prater.

woni es baby gsi bin hani na gern mal chaschperli theater gloset. ines richtigs theater bini aber eigentlich nie gange, nur shows glueget wie zum bischpil s lido in paris oder e iiswürfel show in thailand
isch es amal nöd eso langwiilig im theater wie i de chile ?

turntablism hat geschrieben:woni es baby gsi bin hani na gern mal chaschperli theater gloset. ines richtigs theater bini aber eigentlich nie gange, nur shows glueget wie zum bischpil s lido in paris oder e iiswürfel show in thailand
isch es amal nöd eso langwiilig im theater wie i de chile ?

woher chöme so lüüt usekroche? gitts da en zirkus zum se go aluege?

Theater isch wie Kino, es gid langwilige Shit und super Schtück. De Nachteil im Theater isch dass es wenns nümm ufgfüert wird nid eifach irgendwo chasch abelade. Es isch live und das find ich megen

Theater findi besser als Kino...bin jetzt aber au scho länger nüme gsi...

geschter bini zum zwöite mol es schtück vo machinaex go "luege" in luzern
http://machinaex.de/" onclick="window.open(this.href);return false;

es isch es interaktivs Theater im point'n'click adventure stil, womer ifluss uf de handligsverlauf hed. sehr empfehlenswert.
das jahr gots um dateschutz, schpilt i de zuekunft. technisch super umgsetzt!

wenn er d Möglichkeit hend, GÖND det äne, es lohnt sich!
momentan no in Luzern, im November sinds in zöri ond birsfälde

früehenr ab und zue mal gsi.

au scho mit de schuel hii gange damals.

hüt hani aber jede tag scho meh als gnueg theater um mich ume

Affetheater.
Lieber zirkus mit glön

Ouuuu immer theater....

Uiiiiii, Theater. Scho länger nüm gsi.

Mis Mami isch einisch mit üs is Theater gange, dört ischs um e Trummler gange ("was i wott das chan i nid und was i cha das wott i nid") und de mit der Schuel später no (Pyhisiker vom Dürrematt). Süsch eher weniger. Ussert Mausefalle und Frankenstein, aber das Züg kennt ja jede. Und Bolschoi Opera us Moskau im Kino güggsle isch wohl der heissi Scheiss im Moment.

Für was geit me is Theater? Und gits öppis schlaus wo me sött luege wo nid scho jede kennt und i der Schuel hesch müesse läse? Säg!