The(G)Forum

...wird immer schlechter...und mit Google meini ez usnahmswis mal explizit d Suech-Engine. No vor wenige Jahr isches unglaublich super gsi und ich han immer uf Ahib genau das gfunde woni gsuecht han...aber in letschter Ziit regts mi immer me uf. Da konfigurieri z.B. grad en Server und bruche Hilf. Google halteds denn us irgend emene Grund für plausibel mir irgendwelchi Fore-Posts usem letschte Jahrzehnt z präsentiere. Easy, zum Glück gits no d Suechoptione, det chamer d Abfrag denn zumindest mal uf en bestimmte Ziitruum igrenze. ABER, wemer de Ziitrum igstellt het fallt defür d Option "Wortwörtlich" weg womitmer scho bim nögschte Punkt wäred. Früener hets amigs glanget wemer für e wortwörtlichi Suechi vor de Begriff na es "+" gsetzt het. Das gat schinbar nüme...oder besser gseit nüme immer, statdesse gits jetzt de Filter womer aber nur chan aktiviere wenn kei anderi Filter aktiviert sind. Geeeeeez Letschtendlich findi s Zügs denn amigs glich nachdemi 30 Sekunde lang alles schön konfiguriert han, aber ich vermisse chli s alte Google wo vo Afang a di richtige Ergebnis gliferet het.

Gat das nur mir so? Hani irgendwenn mal es Syntax-Wechsel verpast? Mir chunts chli vor als heteds bi dere ganze gigantische Expansion im Markt ires ursprüngliche Kerngschäft vergesse...

ja s mobile update, alli Websites ohni resposive design sind hindere gspuelt worde im suechindex. isches grosses update gsi. isch logisch gsi nachdem de mobile traffic doch jetzt scho i de USA über 50 Prozent liit.

http://googlewebmastercentral.blogspot. ... pdate.html" onclick="window.open(this.href);return false;

Interessant...aber det stat au "Affects only search rankings on mobile devices". I mim Fall isches d Desktop Version. Mir fallt eifach uf, dass de Suechalgorithmus nid so richtig mitem Faktor "Ziit" klar chunt. Vor es paar Jahr isch das natürlich nid so ufgfalle...jetzt schint das aber je länger je me zumene Problem z werde. Weni irgendwas im Zemehang mit Software sueche wili ja sicher nid en Bitrag z oberscht wo 5 Jahr alt isch...andersch isches widerum bimene historische Ereignis. Wobi au det chunts wider druff a. Google het d Wahl:

a) De Artikel uf dere Siite wo am beschte Vernetzt isch
b) De Artikel wo am beschte vernetzt isch
c) De Artikel mit de neuschte Informatione
d) E beliebigi Kombination us allem

Natürlich macht Google d), aber de Algorithmus weiss i villne Fäll nid so recht wiener di einzelne Faktore sell gwichte Super wärs, wemer schlicht und eifach nach Datum chent sortiere...

Apropos "mobile-optimierts Design": S'neue E-Banking-Interface vo de Postfinance isch e riese Katastrophe Scho bi de UBS hätt s'Redesign meh gnärvt als gnützt, aber d'Post hätt's tatsächlich gschafft, die bescheideni Leischtig no um es Vielfachs z'underbüüte

Haninumemalgschnällwellesäge.

So Zügs passiert, wemer d App irgendwo in Rumänie oder so entwickle lat anstatt vomene interne Team wo zersch mal s Verhalte vo de Chunde studiert. Aber si müend halt spare...

PS: Ich han kei Ahnig wer d App gschribe het...isch nur en Vermuetig...

Chasch für wortwörtlich nümm id Gänsefüessli schtelle?

Edit: ich find s nöie e finance UI no rächt guet

Doch doch...und ebe, s "+" gat au bzw. d Kombination vo beidem +"Wort1 Wort2", wobi s "+" de Suechbegriff i de Ergebnis erzwingt. Aber je nach dem wiet d Suechi formatiersch verhauts irgendwie alles. Psunders ischsmer ufgfalle, weni d Ergebnis uf en bestimmte Ziitruum igschränkt han. Ev. isches au nur en vorübergehende Bug...kei Ahnig...s het mi geschter nur grad chli gnervt...

Im Offtopic hemmers au scho drvo gha. klick

Mir het damals d Google+ Integration zu katastrophale Suecherbebnis gfüehrt und bin uf duckduck go umgstige.

Xinobrax2 hat geschrieben:So Zügs passiert, wemer d App irgendwo in Rumänie oder so entwickle lat anstatt vomene interne Team wo zersch mal s Verhalte vo de Chunde studiert. Aber si müend halt spare...

PS: Ich han kei Ahnig wer d App gschribe het...isch nur en Vermuetig...

isch so, bin jetzt da intern au Projektleiter für oisi app gsi, entwicklig in serbie, catastroph, kei usecases, keis suubers testing, absoluti catastrophe. ich han vo afang gseit lieber vor ort öper neh und chli meh zahle. aber nei. idiotas.

Google+ wird eh widr igstampft, sie haends zerst nah probiert als SEO Tool z verchaufe aber das chöntsch au anderst löse.

thaeye hat geschrieben:Google+ wird eh widr igstampft, sie haends zerst nah probiert als SEO Tool z verchaufe aber das chöntsch au anderst löse.

Wes es paar Google Manager scho gseid hend: Google+ wird nüd iigstampft, aber es wird under «Google Services» subsumiert und isch als solches gege antitrust Verfahre etc. immun.

D EU haut google sowieso grad ufd finger. Mal luege, was drbi usechunnt.

mir passt z'PF UI auso o nid schlächt und vorallem schiints so sauschnell und stabil z'laufe, dass offebar (wie ig gläse ha) o gwüssi banke im hingergrund d'PF software loufe hei... zkb z.b. gseht rächt ähnlech us...