The(G)Forum

Chammer irgendswo es Formular oder e Vorlag für e Mietzinsreduktion abelade wo ich ad verwaltig schicke chan ?
het das öper vo eu mal probiert ? vo allein chunnt d`verwaltig ja ned uf de mieter zue, dass er weniger mieti mues zahle...

Luegsch mal da chli ume:

https://www.mieterverband.ch/" onclick="window.open(this.href);return false;

Aber prinzipiell langed zwe drü Sätz:
Hoi dü,
han gläse das d Zinse überall abe gönnd und mer als Mieter aspruch uf en Reduktion hed! Wie gsehts us?

Nachher bechunnsch ne oder äbe nid. Wenn nid unds en Private isch, wür em nomal schriebe und säge, dass er dir en schriftliche Begründig söll gäh, du würsch das gärn lah prüefe und de bechunnsch si de...

Bruchsch keis Formular, schriibsch en churze Brief (blablabla Referenzzinssatz isch gsunke, min aktuelle Mietzins basiert no uf em höchere Referenzzinssatz vo soundsovill Prozent, ich bitte um Apassig per nörchschte Kündigungstermin, usw.). Igschriebe schicke und guet isch.

Allerdings bisch scho z'spat dra. Für en Apassig per Oktober hett de Brief vor Ändi Juni use müese. Jetzt gaht's erst wieder zum nörchschte Kündigungstermin - d.h. April 2016 - und falls bis Ändi Jahr de Zinnsatz wieder stiigt, dänn häsch under Umständ au keis Arächt meh uf en Apassig. Drum: bis zu de Publikation vom Referenzzinssatz Afang November abwarte.

PS: Mir händ d'Sänkige bis vor es paar Jahr immer ungfrööget a d'Mieter witergäh. Wo die dänn trotzdem und us em Nüt use agfange händ, eus mit igschriebne Sänkigsbegehere izdecke und nachher au no grüsslet händ vo wäge "Mühmüh drü Franke zwenig" händ mer gfunde: "Ja guet, dänn isch au bi eus fertig mit solidarisch." Inzwüsche mached mer d'Apassig au nume no, wänn sie verlangt wird

thx. wird`s mal probiere, aber demfall vilicht erfolgslos

mit freundlichen grüssen

s'wär so eifach: https://www.mieterverband.ch/mv/politik ... rdern.html" onclick="window.open(this.href);return false;

was macht mer wänn d'mieti scho so tüüf isch, dass es gschämig wär, en reduktion ihzfordere?

Gurgelhals hat geschrieben:Bruchsch keis Formular, schriibsch en churze Brief (blablabla Referenzzinssatz isch gsunke, min aktuelle Mietzins basiert no uf em höchere Referenzzinssatz vo soundsovill Prozent, ich bitte um Apassig per nörchschte Kündigungstermin, usw.). Igschriebe schicke und guet isch.

Allerdings bisch scho z'spat dra. Für en Apassig per Oktober hett de Brief vor Ändi Juni use müese. Jetzt gaht's erst wieder zum nörchschte Kündigungstermin - d.h. April 2016 - und falls bis Ändi Jahr de Zinnsatz wieder stiigt, dänn häsch under Umständ au keis Arächt meh uf en Apassig. Drum: bis zu de Publikation vom Referenzzinssatz Afang November abwarte.

PS: Mir händ d'Sänkige bis vor es paar Jahr immer ungfrööget a d'Mieter witergäh. Wo die dänn trotzdem und us em Nüt use agfange händ, eus mit igschriebne Sänkigsbegehere izdecke und nachher au no grüsslet händ vo wäge "Mühmüh drü Franke zwenig" händ mer gfunde: "Ja guet, dänn isch au bi eus fertig mit solidarisch." Inzwüsche mached mer d'Apassig au nume no, wänn sie verlangt wird

das wüsset ja die neue mieter nöd, typisch verwaltige. den wahrschinlich nah imene "anonyme" wohnquartier.

thaeye hat geschrieben:das wüsset ja die neue mieter nöd, typisch verwaltige. den wahrschinlich nah imene "anonyme" wohnquartier.

3x falsch: Sie wüssed's, "mir" sind kei Verwaltig und anonym isch es au nöd.

Huere Mietzinsnazis sinder, gibs doch zuä.

Nei, was ich nid ganz kapier bi dem Thema isch: Bi derä Mietzinsreduktion beruhend ufem Ref.zinssatz godmer jo devo us dass de Vermieter vili chöleli spaart bim Hypothekarzinsä zahlä, das versatndi richtig?

Jetzt ischs doch aber so, dass Hypotheke doch i de Regel über mehreri Johr laufed, oder sogar es Johrzehnt pder so, und de Zins vo de Hypothek denn jo glich bliibt, mag de Ref.zinssatz sinkä wiener will. Jetzt chamer sägä unterneh,erisch Risiko, denn müsst aber de Vermieter au chönä d Mieti uädruckä, wenn de Ref.zinssatz stiigt, au wener sälber chum öpis zahlt willer i günschtigä Zitä langi Hypothekä ufgno hed.

Und am fisch sin Iwurf hed natürlich au echli öpis... I derä Lag wo ich wohnä sind glaub d Mietene sit em 2008i rächt uä, obwohls det scho nid günschtig gsi isch...lueg immer wieder chli nachere neuä Wohnig, und gsehn denn Züg wo no verglichbar mit miner isch oder sogar no chliner für dütlich meh Gäld. Weiss allerdings au nid öb mini nid eigach no rächt günschtig gsi isch.

Es isch eifach d'Gsetzeslag und die gilt, egal öb's i jedere konkrete Situation "stimmt" oder nöd. Und natürlich chan de Vermieter de Mietzins erhöche, wänn de Referenzzinssatz stiigt - es gaht i beidi Richtige: Bim Abschluss vo eme Mietvertrag wird de aktuell gültigi Referenzzinssatz als Usgangswert gno und wänn de Zinssatz stiigt, chan de Vermieter de Mietzins erhöche und wänn er sinkt, chan de Mieter e Redkution ifordere. I de letschte Jahr isch er halt wäge Banke- und Finanzkrise nume no gsunke - vo öppe 3.5% uf 1.75%. Früehner isch es amel chli meh immer wieder ufe und abegange.

Ah ok... Wenns uf beidi Sitä god machts no Sinn. Han immer gmeint das mitem Mieti erhöhä sig nid so eifach.


Söttmer eh Abschaffä de ganz Hypothekä Seich und Eigemietwert Schwindel.

Bisch z'spaat. Muesch imm uuf Chündigungstermine. Jetzt muesch bis im Dezember warte. Ich has au verhängt.

Gurgelhals hat geschrieben:komisches züggs

bisch du e immobilie hai?

Hai

evo hat geschrieben:

Gurgelhals hat geschrieben:komisches züggs

bisch du e immobilie hai?

Ellou!

Nö, ich kümmere mich eifach um d'Liegeschafte vo mine Eltere, will die inzwüsche ehner betagt sind. Zwei Hüüser, eini mit zwei und eini mit vier Wohnige, wobi aber d'Eltere im einte und ich im andere je e Wohnig nutzed. Sind also grad emal 5 Mietverträg und nume vier devo mit Drittpersone. S'Mieträcht söttsch aber natürlich au i dem Fall chli känne

Anderersiits: De Mieterverband verhaltet sich i de Praxis so, dass usnahmslos jede Vermieter natürlich en böse, SVP-wählende Immobiliehai isch, wo mangelhafti Mietobjekt zu Wucherpriise vermietet, en überzogeni Rendite erziilt und prinzipiell de Mieter so fescht wie möglich will usnäh, also bin ich wahrschinlich au eine vo dene

Gurgelhals hat geschrieben:

evo hat geschrieben:

Gurgelhals hat geschrieben:komisches züggs

bisch du e immobilie hai?

Ellou!