Louis C.K.

[Sephi]

Eifach wills no kes Topic git. Aktuell nid nur eine vo de beschte stand-up comedians ufem Planet sondern glichzitig ou no der Autor/Reschissör und Editor vo eire vo de allerbeschte Comedy-Serie wos git (Louie). Luschtiger, härzerwärmender und "ehrlecher" als all die überprodzierte, familiefründleche sitcoms mit igspilte Lacher zäme.

Unmittubare Alass für das Topic isch aber sis nöie HBO stand-up special, "Oh My God". Luege!

[kraut]

"Louie" isch eini vo de beschte Comedy-Serie wo im Moment loufe. Der LCK darf sich dert schiinbar ustobe wiener wott, immer wider hets richtig experimentelli Episode drin, nid sälte ou settigi, wo gar nid lustig sondern eher truurig oder nachdänklech si. Öppis vom beschte isch natürlech der Gastuftritt vom David Lynch ir letschte Staffle gsi!

Z nöie Stand-up hani nonid gluegt, holi grad nache, merci!

[Astroboy]

Chan nüt mit ihm aafa, finde ne unsympathisch und nid sunderlech lustig. Gseh hani e Teil vo sim Stand-Up und paar Folge vo 'Louie'. Aber kenne viu, wo ihn vergöttere, irgendwas muess also dran si.

[Asskicker]

Chan nüt mit ihm aafa, finde ne unsympathisch und nid sunderlech lustig. Gseh hani e Teil vo sim Stand-Up und paar Folge vo 'Louie'. Aber kenne viu, wo ihn vergöttere, irgendwas muess also dran si.

Chani durchus nachvollzieh.

Ich persönlich find en super, aber en kolleg wo susch grosse modo das luschtig findet woni susch au finde chan en nöd ab ha.

Und Louie isch unglaublich super. De meehrteiler woner de Letterman ablööse söll und trainiert usw nur um dänn vum Seinfeld/Rock so richtig abzoge z werde isch herrlich gsi!

Oder d Episode woner uf Afghanistan gaht mit em äntli

[derinderinderinderin]

Ziemli super ischer.

[Supersonic]

D'Serie gfallt mer uhuere! Er schniidet teilwiis huere gueti Themene aa und es isch nöd nur oder nöd immer lustig sondern au ä mega gueti Beobachtig vo zwüschemenschliche Beziehige. Findi uhuere geil!