agestuffer hat geschrieben:
Bini mal gspannt. Hesch den es schriibä übercho wo das dinnästaht.. Sones Art Ultimatum?
Ich frag mich schon warum das Ricardo macht. Isch doch guet viil Züügs uf de Plattform ha oder warum tönds es jetzt plötzich beschränkä..
Also, luegemer mal..... Ich vrfolgts halt nid so, mich betriffts au nid - tuesches bitte da inä postä denn chömmer wiiiter über Ricardo läschterä
agestuffer
Joa, am 12.2.2019 han i mitbecho, dass die Regelig abm 19.2.2019 duregesetzt wird.
I wör ja behaupte, da die komische Änderige all nach de übernahm vo Tamedia cho sind mit de 9% Gebühre uf alles etc. es mit dene irgendwie zämehängt.
Und joa, da mit viel guete Sache online ha, han i au immer so gseh, aber jetzt mit dere Regelig isch da halt nüm möglich. Es isch au absolut bescheuert. Rein theoretisch, chönnsch du ja denn für 1 Fr. jewils Karton verchaufe, 1000 Lüüt chaufet der die Kartons amel ab. Scho hesch wieder e Limite vo 10'000. hesch ja 10% erreicht. Es isch halt i dem Sinn au dumm, wil nöd jede Bereich glich lauft. I mim umchehrschluss wör da heisse, dass i eigentli abgseh vo Playstation und Mega Drive nüt meh söt be ricardo dine ha. Wil Playstation a sich für mi am beste gloffe isch. Aber i ha ja gern au amel au Sega, PC Engine, SNK und Nintendo drin gha, wil i finds wichtig und da isch ja de Unterschied vo eBay zu ricardo. Dass es e grossi Uswahl ufere Plattform brucht. Wemmer nie was findet für Sega Saturn, denn fangt mer a uf ebay luege. Oh und da lueg uf eBay hets da. Wieso söt i denn no bi ricardo chaufe, wenns döt niemert git, wo öpis verchauft für de Sega Saturn?
I ha glueget gha wo da mit dere Meldig cho isch. Es sind zu sebem Ziitpunkt 2100 Sega-Auktione dinne gsi. 550 devo sind vo mir. Mini Priise sind teilwiis uf oder tüüfer als eBay gsi. Es het nöd a mine Priise also glege. I stah hinter mine Priise.
I ha über all die Jahre hinweg i jedem Bereich mal guet mal weniger guet verchauft. Da isch immer vo Monet zu Monet andersch gsi. Es het kein Ziitpunkt i mim Verchauf ge, wo mer irgendwie het chönne absehe wie guet öpis lauft. Somit isch die Regelig für mi scheisse, wil i jetzt nüm alles jederziit abdecke dörf und cha. I ha versuecht da irgendwie zumene guete End zbringe, aber sie bestönt jetzt eifach uf die 10%.