Fallout: New Vegas

[Gurgelhals]

ich has hütt mittag gliich kauft :typej:

super, und dänn hebsch grad am gurgel sini mods drüber.

Isch logischerwiis nume für die rächts:

[zwirrlibatz]

ich weiss aber weiss er?

[Master(G)]

das bild wär besser gsi:

[Astroboy]

Mods

Merci viumau, wirdi sofort mache. (Chume aber äuä ersch nach Wiehnachte zum Spile..)

[Gurgelhals]

Mods

Merci viumau, wirdi sofort mache. (Chume aber äuä ersch nach Wiehnachte zum Spile..)

Isch sehrwahrschinlich sowieso gschider so, bis dänn gitt's no viel meh Mods und Patches. Im Grund gno sött me jedes Bethesda-Spieli konsequent erst drü Mönet nach em Release spiele

[Moff]

ich hanen mod dasses s'levelcap vo 30 uf 100 setzt, eine, dass ich bi jedem levelup en perk chan wähle und eine, dass ich mit mim female character bi de legion au alli quets bechume
mods, sehr super

aber bi dem spiel lohnts sich würklich nachli zwarte bisses weniger bugs und na me mods git

[zwirrlibatz]

ich spiels lieber jetz solang ich no luscht han.

[Master(G)]

Bethesda gibt bekannt, dass für das Action RPG Fallout: New Vegas (PS3, Xbox 360) ab sofort ein Patch auf Xbox Live und im PlayStation Network zur Verfügung steht.

Der Patch korrigiert mehr als 200 Fehler und Ungereimtheiten in dem Spiel: Es tauchten Gegenstände aus dem Nichts auf, Spielfiguren steckten ineinander fest, Charakteren brach der Kopf ab, Hunde liefen rückwärts, uvm.

[zwirrlibatz]

Es tauchten Gegenstände aus dem Nichts auf, Spielfiguren steckten ineinander fest, Charakteren brach der Kopf ab, Hunde liefen rückwärts, uvm.

Das isch ja s'Beschte dran.

[randy]

http://www.gametrailers.com/video/freep ... ats/706778

:typej:

[sidusson]

krass

aber isch äuä scho gfixet wordä mitem öpdäit?

[Master(G)]

es hett ja jetzt ADS!?

[zwirrlibatz]

han jetz 2 companions und bin unbesiegbar. s'vreni panzerfuuscht macht alli platt.

[Gurgelhals]

sobaldmer id nöchi vo vegas chunnt wirds immens besser, krass. mer wird überschwemmt vo nebequests wo teils enorm guet gschriebe sind. han sogar recht glachet teilwis

Wort. Aber sowas vo!

Alles was so i de erschte 10(!) Stund abgaht isch nume d'Vorspiis. Min erschte Idruck isch ja gsi: Ok, das isch alles scho mal viel weniger tumm und viel besser durchdacht und stimmig als i däre Travestie namens Fallout 3, aber alles gliich immer no rächt konventionell und ohni grossi Überraschige.... und dänn chunnt me uf New Vegas und das Spieli explodiert Sidequests am Laufmeter - oft rächt komplex und mit mehrere Lösigswäg - Abwächsligsriichtum, super Figure, a jedem Egge irgendwo öppis z'entdecke. Und sobald sich d'Entscheidige vo wäge Fraktione im Hauptquest uftuet, wird's komplex und schwierig (ok, nöd für de Moff, de macht logischerwiis Legion ). Es gaht u huere ap. De ganz Suntig han ich müese süchtle

Vor allem: Ab dänn fühlt sich's würklich wie es richtigs Fallout-Sequel a. Es *isch* eifach es Fallout 2 in e 3D-Engine transportiert; es isch tatsächlich e in sich gschlosseni Spielwelt mit underenand logisch Verchnüpfte Locations und Fraktione, wo eim nach und nach - je meh me devo erforscht hätt - es extrem stimmigs Ganzes offebart. Also genau s'Umgekehrte vo däre Konzeptlosigkeit vom Fallout 3: Das isch am Afang ja "boah!" gsi, aber mit jedem zuesätzliche Puzzleteili vo de Spiewelt hätt sich ei unlogischi Sach nach de andere offebart, so dass am Ändi es total zämmehangs- und sinnloses Durenand da gsi isch, wo schlicht und eifach überhaupt nüt meh gstumme hätt. Churz: New Vegas hätt offesichtlich e "big idea" und schafft's au, die Idee in Form vo ere stimmige, kohäsive Spielwelt umzsetze. Das isch im Chliine dänn viellicht nöd eso beidruckend (bzw. verbländend) wie de ganzi Cool Stuff(tm) Marke Bethesda, im Grosse und Ganze dänn aber mindenens 3458734983745 mal spektakulärer und vor allem: weniger tumm. Wow!

[Uriel]

Viel Text

Holy Shit: me chönnt ja meine, Du häsch wieder mal Freud am ne nüüe Spiel!

[Skeletor]

luschtig. mir hät fallout 3 sehr guät gfalle und au s'new vegas gfallt mir sehr guät.

[Gurgelhals]

Viel Text

Holy Shit: me chönnt ja meine, Du häsch wieder mal Freud am ne nüüe Spiel!

Ich han im Fall a viele neuere Spieli Freud, öb's jetzt de Körby am einte Ändi oder de New Vegas am andere Ändi isch. Es mues halt eifach mine Asprüch gnüege. New Vegas schafft das i de wichtige Bereich inzwüsche ganz souverän, so dass mich au die technische Problem vo däre Chrüppelengine nüme gross störed.

Fallout 3 hätt das nöd gschafft, will hinder de ganze Multimillione-Budget-Schuumschlägerei en Inhalt botte worde isch, wo uf absolut erbärmlichem Niveau gsi isch (nämlich am Niveau vo amateurhafter Fan Fiction). So Sache sind dänn amel topplet ärgerlich, will me bi dene Spieli nöd vo Afang a chan sicher säge, öb's guet sind oder nöd. So Call of Duty-Dräck isch ja vo Afang a klar: Isch Müll, spielt me nöd. Bi so Spieli wie Fallout 3, Fahrenheit oder Starfox Adventures häsch hingäge bald mal 10 Stund vergüüdet, bevor eidüütig klar isch, dass da nüme viel Gschiids chunnt.

[evo]

Starfox Adventures

for ever in our hearts

ps: alli nüüe videospil sin tumm

[h4xX0r]

du möff, de legion strang isch aber nöd so schlecht, isch sogar ziemlich super findi. guet ich kenn de ncr strang nöd, viellicht isch er 100x besser

[Gurgelhals]

Ich mach glaubs House bzw. Independent. Er isch nämlich eidüütig de bescht:



"Howdy, partner!"

[h4xX0r]

Ich mach glaubs House bzw. Independent. Er isch nämlich eidüütig de bescht:

[img

ich mach beides MUAHAHA

[Moff]

du möff, de legion strang isch aber nöd so schlecht, isch sogar ziemlich super findi. guet ich kenn de ncr strang nöd, viellicht isch er 100x besser

findsch? es git chum quets? mer füehlt sich zu keim zitpunkt als teil vode legion, mer bechunnt nedmal armor oder waffe.
eventuell hani aber ua weniger gsh als du, was gits na?
ich finde legion sehr enttüschend und mache sicher au independent

aber ich bin au nanig soo tüf ide "final" quets ine, mache zersch alles alles andere damits denn schneller gaht die andere endene na szleuge.
und d'spion mission fürd legion im campc mcCarren hani leider au versiebet, die hani zersch fürd ncr gmacht

[zwirrlibatz]

ich schwank wie immer bi so spiel zwüsche indie und jesus spiele.

[Parisienne]

ALLES KLAUE IMMER ÜBERALL JEDE

[sidusson]

das spiu macht mi hässig.. es stürzt andurend ab, scho jensti mau 2-3h verlorä