Glück im Unglück ....

[Herr Rossi]

.... han ich vorhär gha. Ha mini Töchtere welle hei bringe, fahre z Rotheburg uf di nöi Autobahnifahrt. Churz vor Luzern platzt mer vore rechts de nöi Winterreife. Vor einere Wuche druf ta.

Shit, ha grad Warnblinker ineta, uf 30 abe und gseh im Rückschpiegel d Polizei. Die hend mi sozäge ab de Autobahn patroulliert. Isch no e relativ guete Zuefall gsi das genau i dem Moment d Polizei hinder mir gfahre isch, extrem wenig Vercher gsi isch etc..... Bi grad zimlech ufglöst, aber dankbar das alli gsund sind.

De reife (Kleber) isch nöi gsi, es Mürli hani kes mitgnoh. Kei Plan was passiert isch, evtl. sind no Niete oder Schrube vo de Bauerei vom Autobahnaschluss (isch sit geschter offe) uf de Fahrbahn gläge?!

Isch öich au scho mou so öpis passiert?

[O_O]

[Herr Rossi]

wer het eigentlich dich nach dire meinig gfragt?

[chind]

er hät sini töchtere erwähnt, drum hanni automatisch mitgfühlt und mich gfreut, dass de 3 männsche nüt passiert isch. :>

ps: ich meins ernscht.

[Jones]

viellech z'nächscht mau e aständige reife poste?

[Herr Rossi]

Kleber fahri scho sit ca 10 Johr, schliesse das mol us.

[Skeletor]

ja guät das nüt passiert isch... holy fark, da verstah ich also, wenn eim s'herz stah bliebt.

würd mich dänn wunderneh, was dä grund für dä platzer gsi isch.

[turntablism]

ich und de kolleg fahred mit ca 60 mph (so ca.100 kmh) uf de bahn richtig melbourne, natürlich mit ufgummierte gümmis
im ne `74 ford falcon wo so verroschtet isch dass unterem fuessteppich vom bifahrer de asphalt gsehsch verbii gah..
mer sind grad de vorderscht charre, gsehn im rückschpiegel no en roadtrain und es paar anderi autos denn fangts plötzlich ah rumple...isch am afang no agnehm gsii, so es chlises holpere...hmmmm was chönnti das wohl si ? vilicht isch d`schtrass nöd so suber teeret??? egal...wiiterfahre isch huere luschtig, mer gumped scho fascht
booom! en chlapf hets gäh!
bahn isch 3-spurig, mir sind ganz links, de kolleg bremst....jetzt gahts ab wie a de chilbi, links rechts links, das isch wie wenn 30cm tüüfi spurrinne hesch, chasch nömm gross korrigiere...nur hoffe dass mer bald stönd
uff, schwein ghaa nix passiert, aber glernt dass nöd söttisch bremse wenns der en pneu lupft

[NERV]

Drum fahr ich kei Auto. Scary zügs!

[O_O]

hüt isch d tüüre vom zuug 10 minute lang nid ufgange, wär si wiiteri 8000 minute nid ufgange wär vilicht öppis passiert


#neardeathexpierience
#latetowork
#fucksbb

[emP]

------------

[emP]

viellech z'nächscht mau e aständige reife poste?

chunt ja nid grad oft vor. Gsehni itz aber genau so.

Wieso chaufsch Du so Kacke?

Und wem bisch dankbar? Am Zuefall?

[Avenger]

Continental schint no guet ds sii. Frisch.

[Herr Rossi]

@emp
Das cha der mit jedem Reife passiere. Dini Ussag zur Dankbarkeit tue ich mol übersehe, ha kei Luscht uf theologischi Diskussion hie.

[Mastler(P)]

Drum fahr ich kei Auto. Scary zügs!

dafür häsch bim ne ufprall mit auto um dich ume di bessere überläbenschance als ohni würd ich jetz mal tippe.

[h4xX0r]

Isch öich au scho mou so öpis passiert?

mir nöd aber anere guete Fründin. Sie isch sitt dem Paraplegikerin und ihri Schwöschter häts vermüesled uf em Hindersitz.
Ihre Papi hät nix und ihres Mami hät e Rippe prellt.

[emP]

@emp
Das cha der mit jedem Reife passiere. Dini Ussag zur Dankbarkeit tue ich mol übersehe, ha kei Luscht uf theologischi Diskussion hie.

fändi aber no spannend.

Das mittem Reife cha scho mit jedem passiere. Allerdings fragi mi meh wie meh sone Schrottreife cha chaufe, wenner offesichtlich nid so guet isch wie die andere. Choschte tüe si ja all ungfähr glich viel. Informiersch Du di nid?

[Tatsujin]

Isch öich au scho mou so öpis passiert?

nei.

[Chäller]

in Mexico isch eus mal de Reife platz....sind sicher meh als 100km/h gfahre. Dank em Kolleg wo gfahre isch, läb ich hüt no.

[emP]

passiert au de beschte

http://www.youtube.com/watch?v=Rvmy32ZuouE#t=6m50s" onclick="window.open(this.href);return false;

[lakritz]

Continental schint no guet ds sii. Frisch.

die hani logischerwiis. nur s bescht.

würd mich jez au nöd im traum ifalle so abfallreife druffzmache. hesch definitiv am falsche ort 5 stutz gsparet.

[Tatsujin]

Pfumpf pfrengg ims unglueck ini.

[Schummelschumi]

Das mittem Reife cha scho mit jedem passiere. Allerdings fragi mi meh wie meh sone Schrottreife cha chaufe, wenner offesichtlich nid so guet isch wie die andere. Choschte tüe si ja all ungfähr glich viel. Informiersch Du di nid?

sorry, häsch d'tabelle au agluäget oder nur gad was me lings staht isch super und alles andere abfall? d'unterschid zum kleber sind minim, im verschleiss isch de kleber sogar de bescht.


und ja, ich weiss du trollsch eifach ume, aber s'nervt mi trotzdem.

btw: din goodyear-superpneu hät e schlusswertig vo 67% übercho. wänn häsch s'letschtmal es abfallgame kauft wo so beschisse bewertet worde isch?

[emP]

btw: din goodyear-superpneu hät e schlusswertig vo 67% übercho. wänn häsch s'letschtmal es abfallgame kauft wo so beschisse bewertet worde isch?

Gratuliere zum tümmschte Bitrag bis itze!



Roli, dasch itz nid di Ernscht, oder?

[Schummelschumi]

es isch öpä glich clever wiä de kleber als abfallreife zbezeichne