Die Legende von Zelda: Himmelwärts Schwert DIAMANT edition

[zwirrlibatz]

sali zäme. ich finds (nach ca 30h) imfall nöd s'beschte zelda ever. MM & TP sind immerno vorne.

[O_O]

ich finds au nid s beschte ever aber es isch es sehr es guets zelda. ich han rächt fröid vorallem gad döt woni bi gsi isch vo a-z super gsi. (zweiti flemm).

e endgame entscheided wos landet über oder unterm em TP.

[Gurgelhals]

Ich find super, wie das Spieli immer wieder e neui Idee us em Huet zauberet und so bis zum Schluss (bin churz vor em Endkampf) sehr abwächsligsriich bliibt. Da hätts am TP scho einiges voruus, wo sich eifach z'fescht am OoT-Schema orientiert hätt und en entsprächend absehbare Spielfluss gha hätt.

Guet, es paar Lüüt kritisiered "die" Sequenze (die wo sie gspielt händ, wüssed was ich meine) als künstlichi Spielziitverlängerig, aber mich störed sie überhaupt nöd. D'Triforce-Suechi im Wind Waker isch künstlichi Spielziitverlängerig gsi. Die Sache, wo s'Skyward Sword macht, bringed hingäge Abwächslig und vor allem überraschendi Moment in e Serie ine, wo für d'Fans i de letschte Jahr viel z'berächebar worde isch.

Und was de konventionelleri Teil vom Spieli betrifft: Es isch super, dass me praktisch i jedem Dungeon au jedes Item brucht und sich s'Design vo de Dungeons (inkl. Bossfight) nöd wie i de letschte paar Zeldas praktisch usschliesslich am jewiilige Item orientiert, wo me i dem Dungeon findet.

Für s'nörchschte Zelda sölled's im Übrige d'Formle vom Skyward Sword eifach umtrülle: Statt de Schwärpunkt uf d'Dungeons (bzw. Dungeon-ähnlichi Obwerälte) z'legge s'Umgekehrte mache und de Schwerpunkt uf e grossartigi Obwerält legge. Das wär super.

[zwirrlibatz]

D'Dungeons sind tadellos, die beschte (und gäbig schwerschte will d'Lösige amigs abersowasvo versteckt ligged) wo ich je imne Zelda (und überhaupt) atroffe han. Zum Glück au schön churz und knackig. Stüürig, Stimmung, spielerischi Abwächslige (ohni plumpi skate- oder pengpeng-iilage wo anderi, schlächteri franchise wäg mangelnde integre idee druf zruggriiffe müend), das stimmt alles.

Aber mir fählt e bitz de Herz. Skyloft als Herkunft und Zäntrum vo dere Wält und Gschicht isch fad (oder passiert da no was...) und d'Story sowiit... er rännt de Zelda hinenah wo ständig en Schritt voruus isch. Nöd so schlimm wie im Red Dead Redemption, aber säb Nervplot chunnt mir grad in Sinn (das isch dänn es Lehrstuck i unorigineller Spielziitverlängerig gsi). Da han ich drgäge d'Dichti vom Majora's Mask gliebt. Hie simer d'Lüüt e bitz zu sehr unbeteiligti Statischte uf em Link sire doch no wichtige Mission. He hallo eini vo eusem Volk isch vomne Monschter verschlunge worde, grad det hinter dem Gatter! De TP isch zwar es update vom OoT aber det hett mir de Doom über de Wält vo Wolf, Midna (!) & Schattewält halt scho schampar gfalle. Windwaker und Stundeglas werded vom Skywardschwärt für mich aber dütlich überflüglet. (ha, de isch guet gsi, hä?)

na, ich bin jetz grad nach de Zischtärne und de erschte Flamme. Wieder en guete Dungeon gsi, super Boss.

[BonSai]

Mir gfauts neue Zelda extrem guet. Ds Dungoen Design chunt a die beschte Dungeons vo dr Serie (MM!) häre und d'Grafik isch eifach wunderschön (trotz de Kante). Im Verglich derzue gseht ds TTP optisch irgendwie grad ziemlech unaktraktiv us...Es isch scho sehr lang här, dass ig so Freud amene Videospieli ha ka. Für mi spielts ir gliche Liga wie ds ALTTP, Ocarina of Time und MM.

[Supersonic]

Ich find d'Harfe ziemlich fail. D'Lieder sind dumm und überhaupt nöd guet zum chli mitschunkle, mer spielt jedes Lied genau gliich und s'spiele isch au fark.
Dete uuf de Pumpkininsle han ichs öppe 7 Mal probiert mit de Kina zäme z'spiele und jede Mal verseit und das liit ziemlich sicher nöd a mir wil ich suscht sehr guet z'recht chum mit de Stüürig bis uuf es paar chlini unfiinheite.
Übrigens find ich d'Stüürig super, aber all die Siite wo finded "ohhh, dass isch s'erste Mal wo am Link sini Bewegige eis sind mit mine" sind chli verblödeti Vollidiote. Es isch cool, aber nacheme wiili spielt mers ebe leider doch wie es "normals" Wii Game find ich. Und das JEDES DUMME MAL wenn mer es Collectible findet immer s'Menü uuf gaht und d'Erchlärig chunnt macht mi memal huere hässig.

Das sind alli negative Pünkt vo dem Spiel. Es isch absolut grandios und wükli meisterlich gmacht! Aber OoT und MM wird mer vermuetli eh nüm chönne repliziere und ich bin halt au no en Wind Waker Fan (nebem Idiote-Segle natürli). Ich bin uuf jede Fall truurig, gahts jetzt am Schluss zue , was d'Qualität vom Game bewiist!

[Moff]

also bi vilne gegner chasch amel nöd eifach fuchtle sondern muesch gnau vonere bestimmte site her schlah, oder wa meinsch mit "normals" wii game?

ich finds übrigens bedütend besser als TP und mit hütige masstäb au besser als OoT, aber die sensation wo OoT damals gsi isch, isch SS hüt natürli nümme.
bescht zelda isch natürlich immer na LA, aber SS gfalltmer sehr sehr gut.
einzigi kritik wo ich han isch technischerwis, zu sehr falltmer uf wie geil, dass es ebe doch wär häts en höcheri uflösig. zumindescht benid ich lüt wo das uf dolphin spieled, wenns denn suber möglich isch.

[Gurgelhals]

Ich bin übrigens dure. Guet 45 Stund hani gha. Es paar Herzteili nöd gholt, aber alli Sidequests gmacht, d'Spielduur isch also rächt stattlich.

S'Endgame findi grundsätzlich sehr guet glunge. Es isch atypisch, nöd unbedingt das, was me erwartet, aber genau drum find ich's guet. Das isch die grossi Stärchi vo dem Spiel als Ganzes: Es chunnt immer wieder mit ere Idee hinefüre, wo me au als Zelda-Kenner nöd demit grächnet hätt. I de aktuelle Situation gitt's wohl keis grössers Lob, wo me a eme neue Zelda chönnt usspräche. Und de letschti Dungeon zieht dänn namal alli Register.

Und dänn d'Endkämpf: Au die sind stellewiis, wänn au nöd durchgehend, super. I dem Punkt, mues ich aber säge, hätt's de Twilight Princess, wo susch klar weniger guet abschniidet als de Skyward Sword, doch rächt guet troffe mit de Dramaturgie. Also z'erscht d'Puppet Zelda, dänn Ganon vs. Waulf, dänn Ganondorf uf em R0ss und dänn no Ep1c 1 on 1 Swordfight gäge de Ganondorf - isch ebe bim erschte mal scho rächt igfahre, wie da s'Spieli nach em enttüschende Zant-Fight plötzlich namal alles gitt. Oder halt au de Endkampf im Wind Waker (also nume s'allerletschte Duell gäge de Ganondorf mit de Zelda zäme) - so en grosse Moment chan de Skyward Sword dänn leider nöd ganz büüte. Bokoblin en masse abschlachte: Meeeeeega! De Ghirahim zum dritte: Au super, vor allem will er namal en Zacke zueleit. Aber de Demise... Hm... D'Inszenierig isch super, kei Frag. Aber Gameplay-mässig isch es halt doch "nume" en wiitere Schwertkampf - für de allerletschti Kampf wär da doch no chli meh dringläge, odr? Als Imprisoned One hätt er mir rückblickend fast besser gfalle, will abgfahre und uf e Majora's Mask-ähnlichi Art unheimlich. Aber das isch Kritik uf höchstem Niveau, underem Strich verhebet die Sach absolut. Es isch halt eifach so, dass de Teil gmässe am Rest vom Spiel nöd würklich unerwartet oder überraschend isch. Und de allerletschti Boss chan ich sowieso nöd richtig beurteile, will ich de glaubs "falsch" besiegt han. Ohni de rettendi Unverwundbarkeitstrank ( ) hett de mich nämlich brontal fertig gmacht.

[evo]

ah, da gäbs no en rettende trank?
hannen zwar bim erste versuech gschafft gha, het aber e trank und e fee kostet und am schluss no 2 herzli übrig gsi.


btw: isch in jedem tämpu e härzteil versteckt oder nur in gwüsse? mag kei phantom jage.
im erschte und im pirateschiff hani eins gfunde

[Supersonic]

also bi vilne gegner chasch amel nöd eifach fuchtle sondern muesch gnau vonere bestimmte site her schlah, oder wa meinsch mit "normals" wii game?

Ziemlich oft funktionierts recht guet wenni dumm fuchtle. Git ganz klar Gegner wos nöd funktioniert, aber Bokoblins gits am meiste und dete chasch eifach horizontal slashe und die sterbed ohne Problem.
Und bim Bambusschniide vermags memal au nöd ganz bis am Schluss hebe, s'Wiimotion Plus. Denn hackt er plötzlich nüm so wieni wott

AH JA! Ganz wichtigi Frag a alli Zeldler Fans!

Wii Motion Plus oder traditionells Buttonmapping? (Twilight Princess fallt natürlich i die erst Kategorie, usser d'GC Version)

Für mich isches trotz sehr spannender und überzüügender Stüürich im SS immerno Button Mapping. Fuchtle isch ä Gameentwicklig wo minere Meinig nah i die falsch Richtig gaht.
Klar ischs cool mitem Boge chönne z'ziele indemi uuf de Bildschirm zeig, aber warum de Uufwand wenns mitem Analogstick präziser gaht? OoT 3D hett mir grad chürzlich eifach wieder
uufzeigt, dass guets Gameplay ufeme traditionelle Controller eifach nie alt werde wird.

[sidusson]

so dumm wies tönt, aber bim SS isch dmotion stürig würklech super super, me gwöhntsech sofort dra.. u isch eifach geile gefühl.. aber schoso es wird niemaus knöpf ersetzte.. aber SS isch ds beste bispiu für was dasme Motion Stürig cha isetzte.

[evo]

Wii Motion Plus oder traditionells Buttonmapping? (Twilight Princess fallt natürlich i die erst Kategorie, usser d'GC Version)

s git paar stelle wos nervt aber unterem strich findis comfortabler als herkömmlichi pad stüürig. nur tumm dass nintendo die einzige sin wo die stüürig au guet könne umsetze. so richtig guet dasses besser isch wie pad stüürig isches nämli nur bim skywardler und bi de galaxers. 3 spiel, mega

aber stoht eh nit zur debatte, wii u het jo 2 ANALog sticks.

[zwirrlibatz]

comfortabler als herkömmlichi pad stüürig.

ufem sofa flätze mit je eim stüürigsteil i einer hand, mitnere körperhaltig wie's jedem für sich am beschte isch. ich weiss nöd was d'lüüt vo fuchtle und stress schwafle. es normals pad zwingt eim viel meh e spezifischi spielihaltig uf. amigs chasch au rächts spiele und links en keks us dr dose näh. es isch - wenn guetgmacht natürli aber wenn nöd zellts ja au nöd - tatsächli viel komfortabler und intuitiver.

[evo]

ich weiss nöd was d'lüüt vo fuchtle und stress schwafle.

dr sonic seits. s bambus hack spiel zb. oder au bi dene spezial gheimniss schlösser wome t schlag kombinatio usefinde muess. oder ebbe wemme sich grad am hode kratze isch und denn direkt hookshot/boge/käfer benutze mues ischs fadekrütz zu 90% nit zentriert (isch aber faire trade-in, bi wellere konsole kamme sich susch am hode kratze wärend em game??)

[O_O]

chasch ja schnell gäg abe drücke ufem dpad, chost di ja nur e milisekunde.

[zwirrlibatz]

(isch aber faire trade-in, bi wellere konsole kamme sich susch am hode kratze wärend em game??)

eeeben.

[evo]

chasch ja schnell gäg abe drücke ufem dpad, chost di ja nur e milisekunde.

nit wenn dr wiimote in de hose hesch.

[O_O]

The Legend of Zelda producer Eiji Aonuma has told GameInformer that he personally wants to drive The Legend of Zelda series forward. Initially Aonuma was happy making small, individual changes to the series but he now feels it's time to seriously evolve the franchise.

"I started working on the series not at the beginning but part-way through its history. I think because of that, early on I was more looking objectively at the series and how we could change small, individual elements within it, rather than looking at how the series should evolve. As time has passed – particularly in the last few years – I've started to think a lot more about how I can take the series and really make it my own Zelda and evolve it further. As Mr. Miyamoto has allowed me to take the reins on the Zelda series, ultimately that's what I need to do. Perhaps some people will think it's a little bit late for me to start thinking about that, but as time goes by, that's becoming more of a theme in how I'm approaching the series."

"The most important thing about the Zelda series is that the player becomes Link. One of the challenges with full voice is that if we're trying to convey the player's emotion through Link, but you hear Link talking in somebody else's voice, that creates a disconnect between you and the role that you're taking on."


Aonuma jumped in at this point and clarified, "...if you create a game where everybody else in the game speaks but Link doesn't, it emphasizes the fact that he is silent and draws even more attention to it."

Interestingly, though, Aonuma was not completely opposed to the possibility of voice acting snaking its way into the series."


"Of course, this was the first time we went with fully orchestrated songs in the game, and we've seen what that can do to help bring the world alive and make the game that much more fun. We're continually looking at ways that we can evolve the series. We're not confident that we can find the right balance with full voice, so we'll see."


Aonuma also joked, "Everyone would be speaking Hylian, so even if you heard them speak, you wouldn't understand them."

[O_O]

ich het ehrlichgseit nüt degäge wenns de Aonuma nüme macht

[sidusson]

ich weiss nöd was d'lüüt vo fuchtle und stress schwafle.

dr sonic seits. s bambus hack spiel zb. oder au bi dene spezial gheimniss schlösser wome t schlag kombinatio usefinde muess. oder ebbe wemme sich grad am hode kratze isch und denn direkt hookshot/boge/käfer benutze mues ischs fadekrütz zu 90% nit zentriert (isch aber faire trade-in, bi wellere konsole kamme sich susch am hode kratze wärend em game??)

dschlösser mit dr gheimkombination wome mues abschlah, hani nume dür wiuds fuchtle gschafft, da igs nid gschnaut ha

[evo]

ich has durchs clevers rätsle gschafft aber dennoch öfter mol falschi kombi "usversehe" igeh wili immer an die falsche teili ko bi mitem schwert

[zwirrlibatz]

Aonuma also joked, "Everyone would be speaking Hylian, so even if you heard them speak, you wouldn't understand them."

so wär wennscho guet. andersch nooooin.

(und eh, was isch a en text sälber läse statt en vorgläse brcho weniger modern?)

[Gurgelhals]

Die sind übrigens s'Beschte am neue Zelda:

[Supersonic]

ich has durchs clevers rätsle gschafft aber dennoch öfter mol falschi kombi "usversehe" igeh wili immer an die falsche teili ko bi mitem schwert

Völlig wahr! D'Präzision fehlt memal ebe scho und dete chamer nöd eifach uufs Stüürchrüüz trucke, sondern ich mues s'Grätli 10 Sekunde uuf de Tisch lege. Und s'Harfespiele hani nöd mal denn gschafft -.-

[O_O]

wat, fürs harfespile bruchsch null präzision. eifach chli hin und herschwenke.

mittlerwiile machi jede move zu 100%.