Luschtig eifach, nachwievor, dassd ez denn bald mal en Prüefig ablege muesch demit en farking Goldfisch halte dörfsch, aber zumes menschlichs Wese id Welt z'setze musch eifach nur fruchtbar sii.. Und all die Lüüt wo en Scheiss uf Erzihig gänd gäbed denn de Schuel tschuld, wenns huere souchaibe deheime hend, mached bim Staat di holi Hand, wells ihres halbe dutzend nöd finanziere chönd und t Gsellschaft dörf dä Umstand uf kein Fall kritisiere, wells unmenschlich wär.
Sorry, das isch genauso en Aspekt vo dere "Krise". Vilicht söttmer mal wider echli wegcho vo "Das isch mis Recht!", "Das musch du mir zur Verfüegig stelle!", "Das staht mir zue!" und realisiere, dass mir ois inere Natur befindet, wo s Überlebe, per se, nöd e Selbschtverständlichkeit isch. Ich gspür immer meh e gwüssi Dekadenz i oisere Gsellschaft, jede nimmt sich underdesse s Recht irgendwelchi abstruse Sache z'fordere.
Es bedingigsloses Grundiikomme wird schiitere. Nöd, wells e schlechti Idee isch, sondern well de Mensch nöd defür konzipiert isch. Zumindescht i sinere hüttige Form. Ich chanmer da ganz ganz übli Szenarie usdenke, wo sich wohl niemerd wünscht, aber durchus denkbar sind, dures BGE. Zumal, wi gseit, es versprochnigs Grundiikomme di elendi Dekadenz no wiiter id Höchi triibt. Das wird zumene echte Problem in Europa. Di meischte findet die Ussag no lächerlich, aber mer werdeds denn ja schono gseh, ines paar Jahre und Jahrzehnt
(G)? Das sind eigentlich alles Schafseckel
