Die Legende von Zelda: Himmelwärts Schwert DIAMANT edition

[O_O]

ich stimm em ceiser zue. en gorone stadt, en roböterli stadt en wald viicher stadt hetti scho wunder tah um em titel chli me seele z gäh und heimeliger.

[evo]

e zämmehängendi wält uf dr ärde und chli grösseri insle/mehr ztue im himmel wär au nit schlecht gsi

[Supersonic]

Meh Dörfer wäred super gsi, aber die hetts ja im Twilight scho geh und dete hetts defür anderi Sache geh wo nöd ganz gstumme hend.

Ich finds wükli grandios, eifach s'dritte Mal Backtracking isch chli cheap gsi, stattdesse hetts gschiider nochli meh Locations geh!

[O_O]

es wär wükli so eifach. anstatt d drache go bsueche wär e eigeti drache winter wäut oder so dinne gläge.

[evo]

Meh Dörfer wäred super gsi, aber die hetts ja im Twilight scho geh und dete hetts defür anderi Sache geh wo nöd ganz gstumme hend.

Ich finds wükli grandios, eifach s'dritte Mal Backtracking isch chli cheap gsi, stattdesse hetts gschiider nochli meh Locations geh!

scho so, aber nichts desto trotz ischs no feair ir hütige ziit e actionadventure zbringe mit 40h playtime ohni sidequests. backtracking hi oder her

[Gurgelhals]

S'Problem isch ebe imho weniger, dass am Spiel eis oder zwei Dörfer fähled, sondern dass Nintendo entgäge de Erwartige vo de Fans schlicht und eifach keis Inträsse dra hätt, im Zelda e zämehängendi Fantasy-Wält z'schaffe. Hyrule isch für Nintendo in erster Linie e lääri Bühne zum druf verschiedeni Gameplay-Ideeä z'realisiere. I dem Sinn isch s'Wältedesign vom Skyward Sword ja eigentlich au viel konsequenter als das vo de Vorgänger: D'Bühni isch det uf s'absolut Nötigschte verdichtet und us dem verhältnismässig chliine Ruum holed's rund 40 Stund Gameplay use - eigentlich ja sensationell, wänn me sich's mal so überleit.

Wind Waker und Twilight Princess händ ja nöd würklich anders funktioniert. D'Bühni isch det eifach im Verglich öppe 934857987345 mal grösser gsi, entsprächend hätt sie mehrheitlich us lääre Stelle bestande und das hätt ja au nöd würklich überzüügt.

[sidusson]

ich stimm em ceiser zue. en gorone stadt, en roböterli stadt en wald viicher stadt hetti scho wunder tah um em titel chli me seele z gäh und heimeliger.

hani würklech schmärzlech vermisst

die arme viecher im waud hänges eifach dr ganz tag am gliche ort ume.. i hamer sorge umse gmacht

[zwirrlibatz]

ich äbe au und drum.... na vilech liits au nur a mir. mich nimmts nöd annähernd so ine wie anderi zeldas.

Mich stört bi de Zeldas meh und meh, dass sie's immer chli vernachlässiged, e umfassendi "Stimmigkeit" i d'Spielwält inezbringe. D'Einzelelement und Details sind immer tiptop, aber es fählt defür immer so öppis wie en ganzheitliche Überbau, e Gschicht, e "Lore", wo de Spielwält als Ganzes e gwüssi Plausibilität verleiht. Die einzelne Charaktere in Skyloft sind z.B. fast alli usnahmslos super, aber Skyloft als Ganzes ergitt irgendwie dänn doch nöd so rächt Sinn - grad wänn me's z.B. mit em Wälte-Design vom Baten Kaitos oder vom Skies of Arcadia verglicht.

Da wird eifach klar, dass Nintendo die Spieli immer usgehend vo konkrete Gameplay-Ideeä gstaltet und d'Spielwält dänn sozsäge nachträglich über s'Gameplay drübergstülpt wird. Das hätt de Aonuma ja chürzlich au grad so gseit. Und das merkt me halt eifach. D'Wüeschti z.B. mit de Timeshift-Kristall. Gameplaymässig absolut 1A, öppis vom Beschte us de letschte paar Jahr, Chapeau. Und d'Roböterli und d'Ruine sind super und es gseht alles superschön us. Aber: Was isch dänn das für e Zivilisation gsi? Werum isch sie undergange? Werum isch jetzt e Wüeschti wo früehner mal es Meer gsi isch? Ichwottdasdochalleswüssegopfertelli!!!

Intressanterwiis stört mich das ziemlich gnau sitt em Wind Waker. Wahrschinlich isch drum indirekt s'Metroid Prime defür verantwortlich. Det händ's es nämlich genau anebracht, e Spielwält z'designe, wo zwar einersiits ebefalls in typischer Nintendo-Art uf Basis vo konkrete Gameplay-Ideeä ufbaut isch, aber glichziitig au als Spielwält an sich stimmig und plausibel gsi isch. De Spagat uf dem höche Niveau hätt im Grund gno keis Zelda je gschafft (ussert viellicht no s'Majora's Mask).

Mir isch das ersch jetz bi dem da würkli ufgfalle, drfür umso struber. Ok, s'Spiel leit zwar vor, dass die vo Skyloft wie mir nüt drüber wüssed und mit em Link gaht de Spieler sälber überhaupt go erforsche. Aber für es Zelda wär sone Art Metroid Lore tatsächli extrem super gsi. Es bitzeli staht de Goroneforscher für das ii aber naja.... Grad die in sich stimmigi Wält isch bim Majora's Mask no s'grosse Feature gsi.

[damian]

ich hans duregspielt. niemert würds mir glaube

[damian]

Mich stört bi de Zeldas meh und meh, dass sie's immer chli vernachlässiged, e umfassendi "Stimmigkeit" i d'Spielwält inezbringe. D'Einzelelement und Details sind immer tiptop, aber es fählt defür immer so öppis wie en ganzheitliche Überbau, e Gschicht, e "Lore", wo de Spielwält als Ganzes e gwüssi Plausibilität verleiht. Die einzelne Charaktere in Skyloft sind z.B. fast alli usnahmslos super, aber Skyloft als Ganzes ergitt irgendwie dänn doch nöd so rächt Sinn.

Genau das hät mich au gstört. Wieso händs nöd eifach alli Gebiet ohni dä Himmel direkt mitenand verbunde? Das het scho sehr vieö bracht. D'Einzelelement sind in der tat super!

[sidusson]

ich hans duregspielt. niemert würds mir glaube

[zeromeier]

[zwirrlibatz]

Quelle

fanmade logisch aber


SO muess es zeldaspieli sii.

[Supersonic]

Krass uufwendig gmacht, aber schade das es nume ä Cutscene isch
Aber ja, abwarte uuf s'erste Zelda HD. Vo de Art Direction ischs Skyward Sword aber scho brutal guet gsi!

[Gurgelhals]

:hebdschnurreundnimmmisgäld:

[sidusson]

asteue u mache so züg

[evo]

legände vo zeuda

[O_O]

: dargngriddy:

[Herr Rossi]

Geschter hanis Zelda 2 agfange, wil ich alli Zeldler wett düregschpilt ha (ja, die vom cd i hani au düre gschpilt...)

Nachdem mini Fründin in letschter Zyt wider s TP schpilt chani s Skyward Sword nümm gseh. Has no nid mol fertig, bi i dem Turm im Wolkehorst. Das Schpil macht mi au irgendwie hässig..... die für mich nid vorhandni Oberwält, die tumme Lieder vo de Drache, die selbscht für Wii Verhältnis grüslig Grafik (de Stil gfallt mer aber)..... De hends nur 3 chlini Wälte erschaffe, wo immer wider muesch go bsueche. D Gägner sind im Verglich au e Witz..... eifach alles so chli lieblos. D Gägeschtänd hend mer im TP au besser gfalle. Klar, de Vogel isch mega, aber meischtens bruchsch ne jo nur es paar Sekunde....
Und denn die närvige Menuibländige wenn wider e Monsterklaue gfunde hesch, das ewige Wiimote nachzentriere, die nid überspringbari Zwüschesequänz wenn im Wolkehort abegheisch (wtf, mer hed e Vogel!), d Kämpf gäge de Ghirahim sind teilwis Lotto (ja; ich ha d Schtürig intus)....

Schad, das isch s erschte Zelda ufere Nintendokonsole womer d Motivation fählt dürezschpile.

[sidusson]

(ja, die vom cd i hani au düre gschpilt...)

verzeu üs meh! wie chame die dürespilä

[Herr Rossi]

De Ganon im Wand of Gamelon :typej:
Edit: The Wand of Gamelon :typej:

[damian]

ä sehr ä gueti frag, zeig eus das a de gn, mir sind alli interessiert

[evo]

mer hän ja mal eins ind helfti gspielt anere GN. bi überzügt mer hätes gschafft wenn nit scho morge früe gsi wär

[Herr Rossi]

ich ha scho lang keis cd i me, hed no öper eis?

[geosnow]

mal e frag: isch das zelda au so simple wiä de OoT im verglich zude DS 3D/2D zeldas. eigentlich isch es richtig erschreckend, wiä banal und plumt de OoT isch. und häts au so längene um nur vo A nach B zcho oder de tag zur nacht abzwarte. :typej:

ich spiels us prinzip