Lizenzierte Spieler im SFV resp. bei Sion

[damian]

Weshalb zur Hölle muss man sich Spieler Lizenzieren lassen?
Und weshalb lässt sich das nicht mit Geld nachholen?

Das frägi mi scho lang. Alli schriibet immer nur dä constantin heb nöd lizenzierti spieler iigsetzt. Aber was heisst das? Wieso därf nöd eifach jede tschute wos chan?

[thaeye]

wills en lizenz brucht im fuessball (ES ISCH ES BUSINESS). s problem isch jetzt eifach ischd sportgricht über es zivilgricht zstelle. das isch d hauptfrag momentan.

au als normale fc hinderfotzige spieler muesch en lizenz löse bim sfv, ansonste dörfsch nöd am meisterschaftsbetrieb teilneh.

[damian]

merci. wasi mi eifach fräge isch: wänns nur ums lizenz löse gaht, also geld zahle, wieso chammer das problem jetzt nöd eifach mit geld anstatt mit punkteabzug löse?

[thaeye]

wills halt d fifa jetzt so will, es isch es machtspiel. ebe wie scho gseit es gaht eigentlich drum ob sportgrichtsurteil über es zivilgricht zstelle sind oder nöd. ich nimm aa, d fifa haet vill angst voreme ähnliche "bosman" urteil. drum jetzt au de druck.

[damian]

mit andere wort: wänn d'fifa i dem fall nahgäbt würd si automatisch sich unter es zivilgricht stelle. es gaht debi also nur umd macht in juristischer hinsicht? wänn ja hani verstande...

[Acid]

D fifa isch en Mafia, und hed dementsprechend nid gern wennä irgendwelchi Lüt drischnurred wo sie nid unter Kontrollä händ. Also ja, im Prinzip hesch rächt, es god drum das D fifa nid will dass Lüt anes Zivilgricht gönd go klagä. Nur scho d Idee vo uefa und fifa, dass en Grichtsbeschluss imene Land wo sie gschäftlich tätig sind für sie nid ebä so gillt wiä für alli anderä, zeigt e bitz was für ä Geischt dehinter steckt. Fan vom Rächtsstaat sinds also nid grad, aber wohltätigi Verein wo Stürä abzüglet und Choschtä uf d Allgemeinheit abwältzt immerhin, das isch au öpis.

Und wäg de Gäldfrog: Es goht jo nid drum das de CC das eifach nid zahlt hed, wiler kei Bock gha hed, und das jetzt mitere Nohzahlig chönt grad stellä. es got drum dass er schinbar gar nid hetti dörfä Spieler holä, und somit diä gar nid hettet dörfä liizenziert werdä... dasmer so öpis nid mit Gäld cha Reglä isch jo scho richtig, suscht chöntet Club wo jenschtes Cholä händ jo no viel meh machä was wänd, und gägä Abmachigä verstossä, zum nocher eifach wider es bitz blächä und guet isch.

Ich wär aber defür dass wenn d fifa de SFV usschlüsst, d fifa im Gägäzug us de Schwiz usgschlossä wird... das wär mol e Kampagniä für d SVP.

[damian]

ja so... etz chumi scho me drus.
aber wasi immer nonig checke:
wieso söll en mensch nöd lizenzierbar si? kein pass? useme land wo mir nöd gern händ? irgend ä transferregle missachtet?
weisch du das?

[Tatsujin]

isch mer meini ja än schööne brunz isch das.

[Acid]

ja so... etz chumi scho me drus.
aber wasi immer nonig checke:
wieso söll en mensch nöd lizenzierbar si? kein pass? useme land wo mir nöd gern händ? irgend ä transferregle missachtet?
weisch du das?

Wiä gseit, s letschtä... De FC Sion hed voreme Zitli en Ägyptischä Goali gholt (lang ischer allerdings nid grad blibä), und de hed aber bimene altä Club no en Vertrag gha, wo glaubs nid i gägäsitigem Iverständnis unbeachtet blibä isch. De ehemalig Club hed das nid so toll gfundä, und d Fifa au nid (will das schinbar nid gstattet isch), und drum hed Sion vo de Fifa e Transfersperri über 2 Transferperiodä übercho (d.H. Sion hed i derä Zit kei neui Spiller dörfä verpflichtä). Im Summer hed sich de CC den gseit 2 Transferperiodä siged 2 Transferfänschter, also ein Summer und ein Winter, und hed letscht Summer also diä 6 neuä Spiler gholt. Fifa finded aber ebä, dass diä Sperrä nid nur 2 Transferfänschter beträffi, sondern 2 ganzi Saisons. Öb das würklich missverständlich hed chönä si damals oder nid, weissi natürlich nid (und ich weiss nid öbs überhaupt öper weiss), das nur soviel wiä ich bis jetzt mitübercho han.

S Problem sind also nid d Spiller diä dörfted scho lizenziert werdä, s Problem isch, dass de FC Sion lut Fifa niemert hetti dörfä verpflichtä, weder diä no anderi (bzw. diä zumindescht nid spilä loh). Werum dass das alles so gottverdammt kompliziert isch, weissi allerdings au wiederum nid. Drum ebä jo au d Vermuetig dasses eigentlich scho ewig nüm um diä paar Spiller god.

[emP]

-5 Pünkt ha isch nid grad viel.

[thaeye]

en verdammti sauerei isches, nie isch öpper i de geschicht so fest gstraft worde. huere saftlade sfv.

[emP]

es isch sion. also wayne?

[thaeye]

nenenen, constantin ftw!

[emP]

tschüss XAMAX!

[damian]

ja wänn d'fifa bället mues dä sfv halt au bälle...