Das seit dä David Jaffe, was seisch du?

[Trunks]

David Jaffe ist der Meinung, dass Entwickler, welche zu viel Wert auf die Geschichte eines Spiels legen, die Branche wechseln sollten. Seiner Meinung nach ist es nichts weiter als Zeitverschwendung. Wer eine gute Geschichte erzählen möchte, solle lieber ein Buch schreiben oder zum Film gehen.
David Jaffe spricht über den Stellenwert der Story in Videospielen:

"Viele dieser Leute werden sagen 'Ich habe etwas zu sagen. Ich habe eine Geschichte zu erzählen'. Wenn du wirklich etwas in dir hast, das so stark ist wie eine Geschichte, die du teilen möchtest, oder die Philosophie über den Platz der Menschheit im Universum, warum zum Teufel sucht man sich dann ein Medium aus, das sich in der Geschichte als das schlechteste Medium herausgestellt hat, wenn es darum geht Philosophien, Geschichten und Erzählungen auszudrücken?"
"Warum schreibst du kein Buch? Wieso machst du keinen Film? Das ist so, als wärst du einer der besten Chefs der Welt, der in den besten Restaurants der Welt arbeitet und sich auf einen Handel mit McDonalds einlässt. Ich denke wir müssen unsere Gedanken ordnen und neu darüber nachdenken, was dieses Medium eigentlich ausmacht. Wir haben die Muskeln des Gameplays verkümmern lassen."

[evo]

dä david jaffe het em cjay sin account ghackt

[O_O]

me chönt nid meh rächt ha.

[Uriel]

Dr Jaffe het das ja schu es paar mal gseid, und so Sache we MGS oder ds letschte Final Fantasy gänd ihm ja au rächt.

[Tatsujin]

[sadoanarcho]

nei, es gid beides. Binere ussergwöhnlich guete Story/Setting isch mer 's Gameplay glich, 's döff eifach nöd id Queri cho (Killer 7, Dreamfall). Glichzitig hani gern extrem Gameplay-laschtigi Spieli (klassischi Shooter).

D'Kapazitäte vo däm Typ haltet sich offebar in Gränze, wäner binere guete Story glich viel gspürt wie binere Schlächte, mitem Medium häd das nüt z'tue.

[zwirrlibatz]

s'dümmscht wo ich je gläse han. büecher und film strotzed ja alli vo wahnsinnig guete gschichte will sie s'beschte medium drfür sind. und e "gueti" gschicht, was immer dänn no das sii söll, isch au de einzig grund und vorussetzig, zum (gueti) büecher und film mache.

auweiaweia, da hett sich eine aber viel überleit.

[zwirrlibatz]

spieled mal deadly premonition.

[O_O]

nei, es gid beides. Binere ussergwöhnlich guete Story/Setting isch mer 's Gameplay glich

denn lis es buech/sölleds eis schriibe. usserdem gits keis game mitere ussergwöhnlich guete story.

[Uriel]

s'dümmscht wo ich je gläse han. büecher und film strotzed ja alli vo wahnsinnig guete gschichte will sie s'beschte medium drfür sind. und e "gueti" gschicht, was immer dänn no das sii söll, isch au de einzig grund und vorussetzig, zum (gueti) büecher und film mache.

auweiaweia, da hett sich eine aber viel überleit.

Dr Schnipsel vom Trunks isch zimli schlächt gwählt. Dr Jaffe het sin Denkaasatz scho viel besser präsentiert.
Ich nim aa, der Jaffe het nüüt geg deadly premonition, aber geg die höchscht eigeartige Games, wo sich sehr starch an Film oder Büecher orientiered, und ihri offesichtliche Defizit wennd dur Deep Shit™ wettmache.

[sadoanarcho]

denn lis es buech/sölleds eis schriibe. usserdem gits keis game mitere ussergwöhnlich guete story.

es gid Spiel, wo nur als Spiel funktioniered und wo usschliesslich wäg de Story, de Umgäbig, de Atmosphäre faszinierend sind, z.B. Shadow of Destiny oder Torico.

's Erläbnis vo däne Spieli isch verschiede vom Läse vomene Buech und glichzitig isch d'Story fürs Erläbnis entscheidend.

d'Interaktion ('s Gameplay) chan rächt minimal si und trotzdem isch si absolut wichtig / 's Erläbnis nöd uf es anders Medium überträgbar. Mer chan 's Tempo vorgä, mer chan Sache inere freie Reiefolg und wiederholt go aluege ect., das langed z.B. bi Torico scho.

glichzitig chan de Reiz vomene Spiel di reini Gschicklichkeit si, mer chan's voll uf Ächtzit-Interaktion trimme (wie z.B. Shooter oder Schlägerspieli). Beides mitenand gad vielich nöd, will Gameplay-Spieli müend schnell si, bi de andere muemer 's Tämpo voll chöne abefahre.

keis Game mit guete Story etc. isch nöd wichtig als Feschtstellig, egal ob richtig oder nöd. Es chund au ide anderne Medie viel me drufa, wien e Gschicht verzellt wird.

[Supersonic]

Ich teil sini Meinig, dass s'Gameplay verkümmeret isch uuf choste vo (meist schlechte) Stories.
Videospiel sind im Vergliich zu andere Medie aber no verdammt jung und z'säge das mer nüm söll probiere Stories i Spiel z'verzelle isch ziemlich unüberleit i mine Auge.
Dases bis dato aber so guet wie kei gueti Stories i Games git isch richtig und was no weniger gmacht wird isch, dass s'Gameplay selber au Element vom
Storytelling übernimmt.

S'Gameplay mues hützutags aber unbedingt wieder in Fokus gruckt werde. Form follows Function, Story follows Gameplay. So sötts meh passiere wie ich finde!

[evo]

kunt absolut ufs genre druf ah findi. rpg's spieli eigentlich zum gröschte teil weg dr story. und nei ich lis nit lieber es buech.
bimne zauber mario oder eme shmup isch mer t gschicht eigentlich gliich.

[sidusson]

dr shiggy seit ja ds gliche

[zwirrlibatz]

Dr Schnipsel vom Trunks isch zimli schlächt gwählt. Dr Jaffe het sin Denkaasatz scho viel besser präsentiert.
Ich nim aa, der Jaffe het nüüt geg deadly premonition, aber geg die höchscht eigeartige Games, wo sich sehr starch an Film oder Büecher orientiered, und ihri offesichtliche Defizit wennd dur Deep Shit™ wettmache.

s'Problem isch, dass me immer grad vo GUETE Gschichte redt. Es gaht doch zersch mal darum, öb Videospiel es geeignets Medium isch zum überhaupt e Gschicht verzelle. Und das isch es natürli genauso wie jedes andere Medium au, Film, Buech, Musik, Oper, Malerei, Poesie.... und chan derzue no d'Interaktion büüte.

Aber leider wird i dene Diskussione grundsätzlich mit emne Qualitätsastieg vo Videospieli- zu Filmgschichte als Grundsatz hantiert, ohni das überhaupt emal nahzdänke. Sit Jahre ghörsch immer wieder diesunddas Spieli hett e "filmriifi" Story und das isch Zuekunft vo interaktivem blablalaber. Wtf söll das bedüüte? Wenn es Spieli e bsunders gueti Gschicht hett, wär sie also filmtauglich? Als öb das es Qualitätslabel wär und au em himmeltrüürigscht Film e gueti Gschicht per default gäh wär. Und als öb en Film (oder Buech oder etc....) e gueti Gschicht bruucht zum "guet sii". Det wird ständig en komplett scheppse Dänkschtrang nahplapperet. Wiiters isch z'beobachte, dass grad die unter dem Punkt meischt globte Spieli die dümmschtplumpschte und prätentiösischte Gschichte verzelled (ebe die vo Dir gnännte defizitäre mit em "deep shit"), wahrschiinli will die sich überschätzende Spielimacher da ebe nöd wiiters nahdänked und gueti Gschichteverzeller sich wohl eh i andere Medie versueched. Aber natürli gitts Spieli mit guete Gschichte, will d'Form fum Medium das nöd behinderet.

[h4xX0r]

nei, es gid beides. Binere ussergwöhnlich guete Story/Setting isch mer 's Gameplay glich

denn lis es buech/sölleds eis schriibe. usserdem gits keis game mitere ussergwöhnlich guete story.

Planescape Torment hät e ussergwöhnlich gueti Story

[evo]

nei, es gid beides. Binere ussergwöhnlich guete Story/Setting isch mer 's Gameplay glich

denn lis es buech/sölleds eis schriibe. usserdem gits keis game mitere ussergwöhnlich guete story.

Planescape Torment hät e ussergwöhnlich gueti Story

dr cjay het bestimmt duregspielt aber alli text sequenze weg klickt wie bi allne games

[O_O]

Planescape Torment hät e ussergwöhnlich gueti Story

stimmt. super spiel, aber au da findi het s gameplay glitte drunder.

[Gurgelhals]

Planescape isch super, aber wieviel mal han ich mir bi dem Spieli gseit: Gopf, wänn ich so viel läse wott, dänn lies ich doch es Buech!

E gueti Story isch s'einte (bi dem Punkt fallt scho mal d'Mehrheit dure). Die Story dänn au no mediegerächt z'präsentiere isch namal öppis ganz anders (und wahrschinlich au die schwieriger vo de beide Ufgabe).

[h4xX0r]

viel MMO's händ super storys, Star wars grad als letschts biispiel.
au WoW hät huere viel geili Gschichte drin, wo mer en Teil devo isch.

[feeshlee]

s'gameplay gsehni au a erschter stell.
d'story söll aber kein fertige scheiss si, wenns dänn es game mit story isch.
beängend söll sie au nöd sii. dä gamer söll sini freiheite ha: also mehreri sub-streams, wo dänn zu eim oder es anders endi füehred.

kotor oder mass effect (abgseh vo däne scheiss-planete-missione bim eis) isch sones game gsi, wo en gueti balance gfunde hät.
crysis hani gliebt. super game play. ehner schlächti story und sehr linear.
skyrim läbt vo dä tüüfi und dä tusige stories. s'gameplay isch hölzern.
stalker: pimmel-story, super atmosphäre super gameplay. super spiel.
indy fate of atlantis: sone geili story. point and klick super super
doom aber ich has gärn gspielt
etc..

minecraft: let me explain you the definition of insanity...

[Guave]

D Story muess nid ussergwöhnlich guet sii, aber sie soll mindeschtens eso guet sii, dass ich mir nid all 10min hart an Grind muess länge.

[PlanetHarrieR]

nei, es gid beides. Binere ussergwöhnlich guete Story/Setting isch mer 's Gameplay glich

denn lis es buech/sölleds eis schriibe. usserdem gits keis game mitere ussergwöhnlich guete story.

Was ist mit Phönix Wreit? Oder Whispered World oder Harveys Neue Augen?

[TypeJ]

D Story muess nid ussergwöhnlich guet sii, aber sie soll mindeschtens eso guet sii, dass ich mir nid all 10min hart an Grind muess länge.

muesch du das nid eineweg?

[Sephi]

So wiener da obe (und uf vilne Internetzsite) zitiert worde isch, ischs widermol die klassisch Verwächslig vo "was wird aktuell so gmacht im Medium" mit "was wär eigentech möglech im Medium". Und s wichtigschte isch ja scho erwähnt worde da im Topic. Es Schatte vom Koloss zeigt zum bispil ja super wie en gschicht imene Videospieli effiziänt und mediespezifisch cha verzellt wärde. Wenn der Jaffe aber seit dass Gameplay nid unger ere Tonne Zwüschesequänze oder chrampfhaftem film-wölle-sii söll liide, heter grundsätzlech rächt - aber das het nüt mitem Medium Videospiel an sich ztüe.