Rächt alti Whiskys

[Tatsujin]

So han etz mal zwei bilder vom mim rächt alte "Suntory Royal '60" gmacht woni vo mim schwiegervater mal becho han. ich weiss leider immer nanig gnau wie alt die fläsche würkli isch (zwüschen 1960 und 1985). Luut ihm het er de aber ebefalls au scho vor es paar dekade mal becho.

Wenn das "大1446" d tax nummere selli si, den schetz ich d fläsche öppe so uf früheri 70er. Au sind spöteri fläsche gäge ändi 70er nüme mit dem richtige wachsseal verchauft worde, sonder nur na mit eme papierfötzel seal.




Was meined ihr chönti de öppe so a wert ha? Finde ebe voll nüt

[Chäller]

isch schwierig z'säge.

vill whiskys altered schlecht, wänns i fläsche abgfüllt sind.


gester hani im jelmoli en Schottischi Fläsche für 6999.- gseh
sie händ en 1969 is Fass tah und letst Jahr abgfüllt. 40 Jöhrli.

[Tatsujin]

Ja scho logisch, im fass altere nöd = i de fläsche altere. trotzdem, whisky wird ja schiins nöd unbedingt schlächt mit zuenämendem alter, drum agnoh d fläsche isch etz öppe zwüsch 30 ~ 40i, den gheisst das sicher na öppis guets oder?

letschi hends ja a de antarctis au e beträchtlichi ration whisky gfunde vom 1907 ~ 1909.

http://www.physorg.com/news184568979.html

hert, schiins unbezahlbar.

7999.- lol

[h4xX0r]

de hani übercho wo ich 30 worde bin. sig annschiinend gliich alt wie ich, us de palace chällerei St. Moritz
recht fein isch er
edit: ich bin jetzt s'erscht mal uf em internetz go nahluege, ich hör glaubs uuf suscht verschüss ich mich. wie ihr gsehnd han ich en nämlich trunke...

[emP]

Whiskies müessts heisse, oder?

edit, ehm äh, isch "dütsch"

[Tatsujin]

schwiitzärdütsch

[Acid]

vill whiskys altered schlecht, wänns i fläsche abgfüllt sind.

D Frog isch aber natürlich öb das z.B. für en Sammler oder wases ales git en Wertverminderig isch. Diä wänd vilicht au einä wo ebä scho vor weiss ich wiä Vil Johr i d Fläschä gfüllt wordä isch und alles no Original etc.

Git jo au Lüt wo für Wii es halbs Vermögä usgänd, au wennen nüm schasch sufä.

[Tatsujin]

ds guete am whisky isch ebe, dass en ebe no chasch suufe, und das er nöd schlächter isch als am aafang. sälbschtkonservierig, weisch

[Chäller]

schoso. Also ich persönlich würd en selber suufe.

Bisd öpper gfunde häsch, wonen für en guete Priis chauft wartisch vill zlang. Und es Vermöge wird de garantiert nöd a Wert ha. Selbst sehr schwer erhältlichi Single-Malts us Schottland gönd extrem selte für meh als 300.- weg.

[Tatsujin]

ja denks au. und ich wür ein eigentlich eh nöd weg geh, wiel ja au es gschänk und ich han en ja au gern

d frau meint zwar lieber verchaufe, also wenns was guets de für würi geh. aber ebe, dem isch eher eh nöd e so.

d frag bliibt itz eher, zu wellem ahlass en uuf z tue?

z.b.
- 25 jahr PC Engine
- Lohnerhöhig
- 111 Jahr Suntory whisky (das jahr)

anderi vorschläg?

[Avenger]

anderi vorschläg?

Trinkt der Bond Suntory Royal '60? Jetz scho! Jedes Mol en gepflegte Schluck wenn eine luegsch.

[Tatsujin]

nei, zu bonds immer en gepflegte vodka martini. da machi kei uusnahme.

[Acid]

ds guete am whisky isch ebe, dass en ebe no chasch suufe, und das er nöd schlächter isch als am aafang. sälbschtkonservierig, weisch

Also schlecht im Sinn vo nüm trinkbar scho nid. De Gschmack chan sich allerdings durchus verändere.

[h4xX0r]

aso mine isch uhere fein

[feeshlee]

wenn ich so ein geil fläsch whisky sött becho oder finde und usefinde, dass es 50K wärt isch, dänn würdichne trinke. immer dänn, wänni luscht druff han.
chöle chönd dä gnuss nöd usgliche.

[mousch]

I han no e halbi Fläsche Jack Daniels vom Coop im Chüelschrank...ca. 8 Mönet ischrs scho am riife, da i momentan kei Alkohol trinke...was hedr ächt wärt?

[Vyse]

Han au no was uus em Coop ummeligge, woni vor ca. 8-9 Jahr kauft han. En chinesische Rose inere Fläsche, wo dForum vonere Pagode hät. mint und sealed
Gseht no geil uus, aber ich wür mi nöd getraue no en Schluck druus znäh. Ich hebe emal no es Fetli ine.

[Tatsujin]

I han no e halbi Fläsche Jack Daniels vom Coop im Chüelschrank...ca. 8 Mönet ischrs scho am riife, da i momentan kei Alkohol trinke...was hedr ächt wärt?

WRONG TOPIC

[blackraini]

i würen au nid verkaufe, isch ja a Gschenk wo gern hesch... Chasch au no in 20 Jahr Freud drah ha

[kraut]

hmm, i ha gmeint, whiskey ir fläsche alteret nid und veränderet sich ou nid. ersch wed fläsche uftuesch wirder schlächt.

aber so bi ganz aute würdi scho säge: verchoufe lohnt sich meh als z trinke. der ungerschid merksch als laie eh nid. und mitem gäld chasch när paar 12-jährigi talisker, macallan oder so choufe. super sinds. oder jameson. dä het wahrschinlech z beschte priis-leischtigs-verhältnis.

[Tatsujin]

Es ghat da nöd um Whiskeys.

[Chäller]

hmm, i ha gmeint, whiskey ir fläsche alteret nid und veränderet sich ou nid. ersch wed fläsche uftuesch wirder schlächt.

aber so bi ganz aute würdi scho säge: verchoufe lohnt sich meh als z trinke. der ungerschid merksch als laie eh nid. und mitem gäld chasch när paar 12-jährigi talisker, macallan oder so choufe. super sinds. oder jameson. dä het wahrschinlech z beschte priis-leischtigs-verhältnis.

1. Wänn d'Fläsche falsch lagerisch verändered sich de Inhalt sehr wohl.

2. Muess er zerst öpper finde, wonim öppis defür zahlt. Soo eifach isch das nöd

[kraut]

Ok, wider mal öppis glehrt. aber i hätt ke problem, lüt z finde wo vil gäld für whisky würde zahle.

@tatsujin: grad so puristisch?

[Tatsujin]

@tatsujin: grad so puristisch?

absolut nöd, aber es sind halt zwei ziemlich verschideni sache.

[kraut]

wahr. aber es git ja ou bourbon wo sich "whisky" nenne. makers mark z.b.

Ums itz klarzstelle: mir rede hie vo scotch. nid wahr?