Vorstellungs-Topic: Hellou neue User - stell dich vor bitte.

[Grindweh]

Ich bi dr Philippe und 33 Jahre alt. Ich bi kei Sammler vo Arcade Züügs. Ich spiele das Züüg eifach gern. Wege dem hani das Züüg.
Ich lieb dr SNK Stil vo dä Games eifach. Im Moment spiel ich mehr Dreamcast,SNES, Atomiswave.
Wenn dä mi voremene Joor gfrogt hätsch denn hätti gseit Cave Shooter sind mis Genre. Das änderet sich immer wieder. Was ich aber säge cha, ganz egal ob ich mol längeri Ziit kei Neo Geo meh spiel es isch so wie wenns mi irgendwie halt wieder kribbelt und denn spiel ich wieder bis ich SNK übersättigt bi und denn machi wieder Pause.
Jobs machi halt das was ich so bechumm oder was die Grenzgänger nid bechömme wenn ich Glück ha. Halt so Lagerjobs/ Staplerfahrer
Ich bi aber glernte Chemikant.
Ich chumm usem Oberbaselbiet, nöcher an Aarau als an Basel.
Ich bi politisch uf dr Linie vo de Schweizer Demokraten und zwar numme uf dr Linie vo dene.
Ich mag Tiere & Natur
Ich hasse Stadt & Beton
Ich fahre einen Honda Roller
Ich schaue gerne Horror/Splatter Filme.
Eigentlich mag ich Basel überhaupt nicht. Aber Zürcher die schlecht über Basel reden habe ich auch nicht gern.

..... oh mixed hochdüütsch & schwiizerdüütsch das isch nid mini Absicht gsi

[Master(G)]

super. da bisch bi eus ja richtig!

[hitparade]

So, jetz wott ich au mich mal churz vorstelle. Bin neu da und han durch Zuefall das Forum gfunde woni mal nach öppisem googlet han.
Ich han e Sammlig vo allne wichtigere Konsole sit de 3. Generation (NES/Master System) mit ca. 50 verschidene Konsolene und ca. 750 Games total. Bin sälber ufgwachse mit NES (han damals aber keini sälber gha) und SNES (mini erscht Konsole) und natürlich en Huufe PC Games.

[Shadow]

welcome.... dh. PC-Engine häsch au?

[hitparade]

welcome.... dh. PC-Engine häsch au?

Messi!
Ja klar, e Cofe Grafx und e Duo-R.

Da hani all mini Konsole ufglischtet:
http://www.thegforum.ch/viewtopic.php?f ... 7&start=75

[Buccaneer]

Geil, es chunnt Schwung i die ganz Sach! Hopphopp. Eigentlich dörfed die, wo scho chli länger da sind, au ein zwei Zeile abgäh. Kennt ja nid jede jede und die "Neue" chömmed gad mal en Überblick über, was für gstörti Sieche hie unterwägs sind.

[Marco_in_motion]

Ah sali Grindweh und Hitparade haued ine, @grindweh: mer bruuched eh no meh Arcade zockers

[m.o.terra kaesi]

So, jetz wott ich au mich mal churz vorstelle. Bin neu da und han durch Zuefall das Forum gfunde woni mal nach öppisem googlet han.
Ich han e Sammlig vo allne wichtigere Konsole sit de 3. Generation (NES/Master System) mit ca. 50 verschidene Konsolene und ca. 750 Games total. Bin sälber ufgwachse mit NES (han damals aber keini sälber gha) und SNES (mini erscht Konsole) und natürlich en Huufe PC Games.

wie scho an anderer stell gseit: ech stuune dass so eine wie du so lang gha häd eus zfinde!

[Marco_in_motion]

Grindweh, was häsch so für Cave Platine?

[TheDuke]

Hoi Zämä
Ich bin und war und bin wieder Gamer seit 1984. Zuerst C64, danach Amiga und danach lange Schluss. Weil mich zweiter Aufgrund des Spielspasses enttäuscht hat. Grafik gut, Spiele naja.

Anfang 2000 habe ich mir dann einen Dreamcast gekauft und bin sehr schnell beim Neo Geo gelandet. Bis heute fasziniert mich diese Maschine und irgendwie gibt es immer mal wieder was Neues zu entdecken. Ich habe diverse Sachen ausprobiert, mit MAK und Consolized MVS und bin am Schluss nur mit dem AES Glücklich geworden. Auf den LCDs mit dem XRG-3 oder dem Framemeister ist das eine coole Angelegenheit.

Neben dem Neo Geo fahre ich ausschliesslich GT5 =0)

Sonst interessiere ich mich noch für allerlei anderes.

Schönen Abend noch.

TheDuke, JG: 73

[Shadow]

Welcome Duke

[TheDuke]

Danke Shadow

Du hast mir übrigens vor ca. 11 Jahren das "Last Blade" in einem Gameshop im Niederdorf verkauft. Das habe ich heute noch.

Duke

[Marco_in_motion]

Hoi Duke

[m.o.terra kaesi]

ech mage sit jehär retro, v.a. was pixel häd ond mer au ab 2 persone cha zocke.
somit meischtens sportgames, fighters ond shooters. ech weiss also ziemli viel öber multiplayer games vo anodazumal.
es cab hani au, irgend wänn werdids no meh si.

[Marco_in_motion]

Duke, hät dä Shop Tsunami gheisse?

[TheDuke]

Ja genau ist der Tsunami gewesen.

[Marco_in_motion]

Höhö! Ha nöd gwüsst das dä Schatte mal det gschaffed hät, ha gmeint nur dä Clay...

[Shadow]

Danke Shadow

Du hast mir übrigens vor ca. 11 Jahren das "Last Blade" in einem Gameshop im Niederdorf verkauft. Das habe ich heute noch.

Duke

hehe, kann mich sogar dran erinnern... haben uns dort getroffen. Clay hat damals im Tsunami gearbeitet. Schön, dass es bei Dir gut aufgehoben ist.

[Skeletor]

gits au no lüt wo aktuells züg spielet oder nur no diä retroheinis?

[Master(G)]

ich glaub 'retroheinis' gitts nöd eso vile bi eus. die meischte spieled scho 'nextgen' (oder au).
isch de gütt!
retroheinis rule!

[m.o.terra kaesi]

gits au no lüt wo aktuells züg spielet oder nur no diä retroheinis?

[Genfer]

Ich schtell mich au nomol schnell vor...

Ich bin dä Genfer us Genf (wohne s'gänf sit 12 johr) und bin au scho so lang verhürotet mit ener wunderbare frau
wo mich immer wider zum sammle motiviert
2 chlini chind und 2 Blast Citys (eine isch immer no kaputt ) rundet s'familie glück schmackhaft ab

Sammle sit öpe 15 johr aktiv aber hüt nur no usgwählti sache: am liebschte Snes, GBA, PCE, PSX und PS2 und wäns got
PAL und süsch JAP. Mängisch au beides, vor allem Ghost'n Goblins, Kingdom Hearts, Final Fantasy, Mega Man und Castlevania.
Mach natürli au immer wider usnahme.

Ich zocke praktisch nur no uf em Blast City, isch glaub scho meh als es johr her won ich ä konsole laufe loh han.
Uf arcade sinds hauptsächlich shoot'em ups.

Ich organisier au immer weder chlineri retro events. Meischtens aber erfolglos (wie au s'jüngschte bischpiel wieder zeigt :typej: ).
Isch mir aber glich, will jedes mol weder eis zwöi nase meh a tanzed.
Mis ziel isch eigentlich d'retrogamer ide romandie ächli nöcher ts'zämme bringe.

Als usglich zum sammle und schpiele tuen ich nochli fötele, am liebschte mach ich porträts (siehe mein selbstporträt he,he,he...)

Und irgend einisch schaf ichs dän au emol ane Game Night zcho...

Gruss aus Genf,
Genfer

" Ich bin ein Shoot'em up Spieler"

[Master(G)]

Genfer for VIP!

[Shadow]

ah sali Genfer. Chum im Summer a mini Gamenight, isch bescht und gröscht. und viel Retro. chasch dini 2 chäschte au grad mitnäh

[Skeletor]

Genfer for VIP!

kartoffel? isch euch eine dur d'lappe dämfall hä? dä einzig user wo no nöd vip isch. jetzt häsch en ja zum glück gfunde.