Zmorge

[Sephi]

Eifachi und feini Zmorge-Rezäpt si gsuecht. Da de classic womer scho im Rüehrei-Topic gha hei, immer wider fein:


Quelle

Was macheder no so? Het öpper es guets Pancakes-Rezäpt?

[zwirrlibatz]

zmorge isch das wo 12 sekunde bruucht zum zuebereite.

[Sephi]

zmorge isch das wo 12 sekunde bruucht zum zuebereite.

Starch!

[Vyse]

Er gseht bitz uus wie dä Sebastian uus Blade Runner

[evo]

ich iss öppe 5 mal im jahr zmorge, sötti mehr?

amigs no räschte vom znacht oder wie dr vortex e 12 sekunde müessli ini trugge, aber dasch jo nit wirklich "zmorgeässe".

[emP]

guets brot, guete chäs, rüehrei, en guete honig. meh isch pippifax. villecht no ne gonfi oder zwöi.

wenn würklich usse geisch oder bauarbeiter bisch denn viellecht no chli röschti und mal es spiegelei.

[zwirrlibatz]

räschte vom znacht e 12 sekunde ini trugge, dasch "zmorgeässe".

korrigiert.

[mousch]

200g Haferflocke...entweder mit Milch und chli Proteinpulver zämme, oder mit paar Eier und Beere zumne Chueche verarbeitet.

Am Weekend gids öfter Rüehrei, Zopf, Volkornbrot mit schwizer Honig und Konfi...=)

[Avenger]

Budget-Birchermüesli + Milch.

Aues angere isch mir e ds grosse Ufwand.

[Acid]

Ich Iss zum Zmorgä eigentlich so zimlich das wasi suscht au wür ässä, und umgekehrt. Immer nach Luscht und Lunä, und natürlich je nach Zit.

[Tatsujin]

cerealie, es glas milch (soja oder chue) und ggf. es glass saft (gmüess oder frucht oder mix). meh ziit hani amigs eh nöd.

[Sylvara]

ds wichtigste für mich isch o-saft. ha immer bitz e flaue mage am morge und öppis suurs hilft ungemein.

süsch gern müesli oder weetabix (ya rly). chäs und brot isch o tiptop. eifach nüt süesses oder i mues chotze (ovo, konfi etc.)

[zwirrlibatz]

ds wichtigste für mich isch o-saft. ha immer bitz e flaue mage am morge und öppis suurs hilft ungemein.

lol am morge en suure saft ufe nüechtern mage isch nöd grad softcore.

[evo]

ahwas, abe mit däm züüg.

[Tatsujin]

wenns ghat drink ich amigs, wenn am arbeitsplatz aaglangt, als erschts na en grepfrüsaft. finds amigs na en guete aakicker.

[zwirrlibatz]

krassi sieche.

[Tatsujin]

guet, ich bin denn ja amigs au nüme ganz nüechtern

[mousch]

Ich han mr iz fürne 4 Wuchige Tescht au mau Grapefruitsaft gholt. Schiins söu Grapefruitsaft bezwäcke, das gwüssi Supplements stärker würke aus susch, schiiins tüe ja gwüssi Döktere bi starche Medis abrate, se mit Grapefruit Saft ds nä, daher hoffi mau das was dra isch...

Hed gd öber e gueti Empfehlig? De usem Migros (Gold) isch us Konzentrat...findi chli wüescht.

[Grindweh]

Butterbrot mit Hagelslag & Kaffee

[zwirrlibatz]

Hed gd öber e gueti Empfehlig? De usem Migros (Gold) isch us Konzentrat...findi chli wüescht.

werum nöd eifach en früsche Grepfrii?

[Vyse]

Ich iss no gärn mal e Gräpfrü vor em richtige zMorge, en Saft druus zmache, wär mier e zgrossi Verschwändig.
Macht früsch und wach!

[ritschi]

Hed gd öber e gueti Empfehlig? De usem Migros (Gold) isch us Konzentrat...findi chli wüescht.

werum nöd eifach en früsche Grepfrii?

erinnert mi a de queen song woni als chind immer falsch ha verstande
i want a grrepfrihii, i want a greeeepfriiii

[Vyse]

[Tatsujin]

Schiins söu Grapefruitsaft bezwäcke, das gwüssi Supplements stärker würke aus susch, schiiins

hani au scho glässe. creatine plus 10% level up. z.b.

[Sylvara]

anna's best pink grapefruit isch fein