Fallout: New Vegas

[Skeletor]

bi mir isch es sit em patch glaubs niä meh oder höchstens 1 mal abgstürzt. und au selbst wenn: ich weiss nöd wiä mä dadurch cha 2-3 stund verlüre, es speicheret ja wenn schlafsch, in es gebäude, in ä stadt oder süscht wo innelaufsch.

und wills mir am afang abstürzt isch, han ich dementsprechend au druff g'achtet, regelmässig z'speichere.

[Moff]

das spiu macht mi hässig.. es stürzt andurend ab, scho jensti mau 2-3h verlorä

hä? git doch bi jedem mal womer en tür uf und zue macht oder fast travled en auto save?
ich han ca. 10 crashes gha und nie meh als en minute verlore

[sidusson]

i bi momentan no viu am umeloufä, fängs irgendwie lv 3-4 u da spicherets nid dr hufä

jänu..

[Moff]

so bin dure
zershc legion denn na schnell independent

ich bin ziemlich sicher, dass s'independent endi sbefriedigendschte isch. nid nur weg dere ziemlich coole situation wennmer das berücksichtigt, was unterem caesar sim fort umeliet, sondern will eis vode hauptproblem vo dem spiel isch, dassmer sich mit keine fraktion irgendwie verbunde füehlt. irgendwie sind sowieso alles tuble und arschlöcher (usser em caesar, er isch übrigns d'stimme vom rawls us the wire, sehr geil) und mer füehlt sich irgendwie nieneds willkomme oder ibunde. bi de ncr na am eheschte wills für die me als dopplet so viel quests git wie für house und legion zäme.

aber easy, trotzdem es guets rpg, wo die beide schlimmschte fehler vo fallout 3 usmerzt (kei copy&paste leveldesign und vieli gueti sidequests) und ufemn guete grundgrüscht ufbaut und en glaubwürdigi welt anezauberet. ich wünscht new vegas wär zersch cho, denn wärs sicher na bedütend besser igfahre.

[zwirrlibatz]

tammi, en Bug.

vault 22, s'date hole für so e pflanzedingstechnologie funzt je nach vorarbet nöd/nüme. stundelang vor däm compi gstande bini.

[Moff]

ja muesch halt eini vo dei beide andere möglichkeite neh
bishc ja bim brotherhood of steel quests nimi a, oder? heshc ja 3 möglichkeite zum das löse

[zwirrlibatz]

ich weiss. han euch wele "warne". aber jetz han ich glaubs en neue bug. d'Keely will dass ich im vault 22 gas entzünde, han ich gmacht. de hauptiigang laht sich aber nüme öffne vo wäge quarantäne und sie redt nüm mit mir. wahrschiinli immerno en überbliebsel vom obige bug.

[Master(G)]

ich bin jetzt level 4, ha aber scho ca. 5 stund gspielt. das huere erkunde vode hüser und de umgebige zieht eim wieder voll ine. muess jetzt grad go truppe uftriebe für primm.

[Gurgelhals]

Vault 11

So Sache mached mich psychisch kabutt. Gröschti Hirnfigg sitt de Shalebridge Cradle

[zeromeier]

de antler super quest.

[h4xX0r]

hät eigentlich mal öppe das caravan spil gspielt? ich chume nöd mal druus.

[Astroboy]

Bonusinfo: Dr ziemlech fantastisch Countrysänger Kris Kristofferson hett es Feature als "Chief Hanlon, a grizzled soldier at the end of his career."

[Parisienne]

wa mueni mahe demit mich d'ncr wieder gern het?
ich bin eigendlich immer gäg sii gsi möcht aber glich de eint oder anderi quest wo mit ihne verbunde isch mache.

[Moff]

chasch dich verchleide i irner uniform
und wennd in new vegas achunnsch bechunnsch en one time chance zum din ruef bi de ncr und de legion wieder uf neutral z'setze, egal wie tüf er gsi isch

[zwirrlibatz]

Vault 11

So Sache mached mich psychisch kabutt. Gröschti Hirnfigg sitt de Shalebridge Cradle

han ich irgendwie was verpasst? han die Vault nöd anders gfunde als die andere. evtl gitts det nomal en anderi quest drin wo me wiiter ine gaht? ich han nur so es Teil müesse hole, als eis vo drü. und han d'logs gläse und bin au mal chli taucht und han une mal i sonere SPOILER ...



...exekutionschammer en film gluegt.

[Parisienne]

chasch dich verchleide i irner uniform
und wennd in new vegas achunnsch bechunnsch en one time chance zum din ruef bi de ncr und de legion wieder uf neutral z'setze, egal wie tüf er gsi isch

verchleide hani ebe au scho probiert aber irgendwie schüssets glich immer uf mich.. muess es irgend en rang uniform sii oder so?
süschter warti halt bis new vegas

[Gurgelhals]

han ich irgendwie was verpasst?

Wänn me eifach Master(G)-mässig dur alles dumpfbatzig durerännt, dänn natürlich scho. Han nöd dänkt, dass usgrächnet du neuerdings au zu dene ghörsch

S'Audiolog am Afang? Und dänn die chli "komische" bzw. unlogische Wahlplakat und Logs i de Computer? Und dänn die Logs, wo langsam ufkläred, was da ine abgange isch... usw. Alles verpasst?

[Master(G)]

Wänn me eifach Master(G)-mässig dur alles dumpfbatzig durerännt, dänn natürlich scho.

schad bisch du sone idiot.

[Skeletor]

oh lueg, da beleidigt wieder dä gnet diä andere.

HARMONIE!

[Master(G)]

isch doch wahr. sone hohlchopf... macht mi hässig soviel arroganz.

[Skeletor]

chashc mal normal rede? du machsch diä ganz harmonie kaputt! keis wunder chömmet kei neui user meh, wenn dä admin sich do dänäbät benimmt.

[Master(G)]

hesch dschnurre du dödel

[zwirrlibatz]

han ich irgendwie was verpasst?

Wänn me eifach Master(G)-mässig dur alles dumpfbatzig durerännt, dänn natürlich scho. Han nöd dänkt, dass usgrächnet du neuerdings au zu dene ghörsch

gring abe u düre, ich muess na jenschti atschiifments uf dä box hole.

S'Audiolog am Afang? Und dänn die chli "komische" bzw. unlogische Wahlplakat und Logs i de Computer? Und dänn die Logs, wo langsam ufkläred, was da ine abgange isch... usw. Alles verpasst?

han ich alllllles gseh und gläse. aber evtl han ich z'viel erwarted bzw bini z'vorbereitet gsi wäg dire akündigung. drzue han ich es team vo 5 inkl ich wo grad alles vorewäg umnietet wo in wäg chunnt. also beklommebedrohlich han ich's nöd gfunde. Shalebridge Cradle it ain't... oder bin ich scho so abgstumpft?

[Master(G)]

keis wunder, wenn mers spiel ver-moddet und nöd so spiel, wies denkt isch .... oder tüscht das?

[zwirrlibatz]

oh lueg, da beleidigt wieder dä gnet diä andere.

HARMONIE!