[Serie] Mad Men

[Astroboy]

Es git no kes Topic im nöie Forum .
Öppis vom beschte, wo ar Seriewäut i dr letschte Dekade passiert isch.
Dr Don no sexier als dr Jack Donaghy und da mini Heudin:




Wär cool isch, luegt. Es isch unfassbar wie guet, wie eifach krass guet die Serie isch.

[kraut]

mad men = teh best!

und die 5. staffle chunnt de fangs im früelig 2012...

[Moff]

Es isch die 2tbescht amc serie
Meh muessmer dezue ned säge

Eine vo vielne gründ wieso ich im moment lieber serie als film luege

[derinderinderinderin]

Es isch die 2tbescht amc serie

Und die beschti isch brechen böse

[Mastler(P)]

Dr Don no sexier als dr Jack Donaghy

.. okay. sit ewigs willi mal dri luege. bald machi glaubs. besser fuer mich.

Und die beschti isch brechen böse

das au.

[Astroboy]

Aber HD, gäu. Isch toll wie schön die Serie usgseht und wie si dr Look vo dere Zyt iigfange hei.

[kraut]

HD isch es muss bi mad men.

brechen böse findi ou sehr guet, aber mir gfallt mad men no e tick besser. i cha dir nid mal gnau säge was es isch, aber für mi isch mad men die perfekti serie. es stimmt eifach alles, vom writing zu de schouspieler bis zum look - top! es schpricht mi eifach no chli me a als breaking bad, es het ou ke einzigi figur wo mi närvt, was me vo bb nid cha bhoupte - d skylar chönnti ufe mond schiesse. aber natürlech isch ou bb e unfassbar gueti serie.

sowieso, bis jetz het mi no ke serie vo AMC enttüscht, im gägeteil, bi jedesmal begeischteret gsi: mad men, breaking bad, rubicon (!!!), the killing und mit abzüg the walking dead. super. im moment würdi dä sänder sogar no höcher ischtufe als hbo, wo ja trotz all de geniale serie ou es paar flops gha het. aber äbe, was nid isch cha ja no cho...

[Moff]

hbo het ordentlich abgnah, wär game of thrones ned det glandet, ich würd fasch säge hbo isch tot. boardwalk isch für mich au en chlini entüschig gsi, nach exorbitant höche erwartige muessmer aber fairerwis säge

amc degäge het sit 2007 unglaubliuch ufgholt, ich weiss ned gnau was det denn passiert isch, aber es schüssed nur na hit seriene us dem sender.
"story matters here" isch de slogan vo amc und triffts uf de punkt wieso die seriene so guet sind, sie sind alli i erschter linie verfluecht guet gschriebe.
dass sie au na meischterhaft inszeniert sind und d'darsteller jedes jahr emmies und golden globes abrumet isch det nur na zuesatz.

es sind eifach gschidi serie füres aspruchsvolls publikum, i dere hisicht chönd hbo und showtime ned würklich mithalte.

[Moff]

ahja: seriene ned in hd luege

isch hoffe scho dass ihr alli die seriene in hd qualität uf en mindeschtens 50zoll hdtv streamed, oder?
under 720p unmöglich

besser isch natürlich nur direkt luege, aber det hani nur bbc hd wo in frag chömmti für brandneui seriene, usser mer wartet halt uf fox hd, tnt hd oder sfy hd

[kraut]

hbo het ordentlich abgnah, wär game of thrones ned det glandet, ich würd fasch säge hbo isch tot. boardwalk isch für mich au en chlini entüschig gsi, nach exorbitant höche erwartige muessmer aber fairerwis säge

da würdi itz nid zuestimme. so nach em ändi vo de sopranos, de schlimme absetzige vo deadwood, rome und carnivale (!!! bis hüt unverständlech) hets sicher eso chönne usgseh. aber i de letschte 2 jahr het me doch e klare ufwärtstrend chönne feststelle. boardwalk empire het mi sehr überzügt (i has i eim rutsch gseh, vilech wäg däm), natürlech game of thrones, treme, aber ou die chlinere serie wie bored to death, how to make it in america und hung si sehr schön gmacht und hei mi guet dünkt. und natürlech d miniserie, wie letschts jahr the pacific, wo immer wieder guet si.

und z wichtigste: ou für ir zuekunft gsehts guet us, mit luck (der hoffman!), reds, mind hunter, a visit from the goon squad oder american tabloid. da fröii mi sehr druf. i würd hbo also nie abschribe!

amc degäge het sit 2007 unglaubliuch ufgholt, ich weiss ned gnau was det denn passiert isch, aber es schüssed nur na hit seriene us dem sender.

das ligt wahrschinlech dran, dasses amc so wies hüt isch ou ersch sit denn git. vorhär hei si ja praktisch nur filmklassiker bracht, mit es paar usnahme, wo aber ke grossi beachtig hei übercho. mad men isch eigetlech die erschti grossi eigeproduktion gsi.

es sind eifach gschidi serie füres aspruchsvolls publikum, i dere hisicht chönd hbo und showtime ned würklich mithalte.

nimm hbo us däm satz und i bi iverstande. showtime isch ei einzige fark. die einzigi serie woni vo dene no luege isch dexter, und ou das isch nie o nur i d nöchi vo de beschte hbo/amc serie cho.

[Astroboy]

ahja: seriene ned in hd luege

isch hoffe scho dass ihr alli die seriene in hd qualität uf en mindeschtens 50zoll hdtv streamed, oder?
under 720p unmöglich

Ig luege HD-Material nur in Usnahme ufm Netbook, Serie und Filme immer i mim Heimchino, wo 720p meh als nur würdig wiedergit. D'Grössi vom Bildschirm isch übrigens weniger relevant als dr Abstand wome derzue hett (und natürlech d'Uflösig. Hüt hett aber fasch aues min 720p und meistens ja 1080p). Je nöcher dasme drann hockt, desto eher gseht me dr Ungerschid und je witer wäg, desto grösser muess ergo dr Biudschirm si damit me dr Ungerschid vo DVD zu BR gseht.

Aber i stimme dir natürlech zue, dass so e grosse Biudschirm und es gepflegts Sofa mit vilech sogar emne Drink (Manhattan, Whiskey Sour, Gin Tonic) eine vo de beste Rahme isch, die Serie z'luege .

[Moff]

nei dexter chamer scho lang nüme luege
californication isch aber brutal guet, die einzig richtig guet comedy serie wos nach arrested development geh het, nebe curb vellicht

treme isch wennmer was ide qualität vo the wire erwartet ebe gnau so enttüschend gsi wie wemmer vo boardwalk was ide qualität wo sopranos erwartet het. entourage isch fürchterlich wurde, how to make it hani kei 4 folge usughalte. gschidi serie füres aspruchsvolls publikum?

nei, ich säg ned hbo isch total scheisse, sicher ned, chönt ich ihn abonniere 100% würdis mache, aber amc isch eifach viel viel besser inzwüsche, de name staht für qualität und das tuet hbo scho lang nüme zu 100%

[kraut]

nei dexter chamer scho lang nüme luege
californication isch aber brutal guet, die einzig richtig guet comedy serie wos nach arrested development geh het, nebe curb vellicht

treme isch wennmer was ide qualität vo the wire erwartet ebe gnau so enttüschend gsi wie wemmer vo boardwalk was ide qualität wo sopranos erwartet het. entourage isch fürchterlich wurde, how to make it hani kei 4 folge usughalte. gschidi serie füres aspruchsvolls publikum?
nei, ich sög ned hbo isch total scheisse, chönt ich ihn abonniere 100% würdis mache, aber amc isch eifach viel viel besser inzwüsche, de name staht für qualität und das guet hbo scho lang nüme zu 100%

ah ja, der hank moody hani vergässe. ok, luegi natürlech o und isch super. ei usnahm darfme ja mache.

entourage isch eigetlech scho immer guilty pleasure gsi, itz ischs aber mittlerwile nid mau me es pleasure... how to make it hani hingäge sehr guet gfunde, isch allerdings e eher liechti serie, ohni schenkelklopf-humor wie z.b. entourage oder calif. derfür mit viel charme und emne guete setting.

bi treme darfsch natürlech nie so öppis wie the wire erwarte, es isch vo afang a klar gsi, dasses ine total anderi richtig geit. aber so wies usgseht, chönnti das ändere, der schluss vor 2. staffle het adütet, dass d polizei wichtig wird. mal lugen. aber i würd das sicher als e gschidi serie fürnes aspruchsvolls publikum beschribe, genauso wie boardwalk oder game.

und me sött ou nie vergässe, dass amc ersch sit 4 jahr derbi isch. natürlech hei si bis jetz e träfferquote vo fasch 100% gha (wie gseit, d zombies hei mi nid so ganz überzügt), aber das het hbo ja dennzumal ou. amc muess jetz bewise, dass sie die qualität chöi bhalte. was i natürlech hoffe und gloube.

[O_O]

nei dexter chamer scho lang nüme luege
californication isch aber brutal guet, die einzig richtig guet comedy serie wos nach arrested development geh het, nebe curb vellicht

curb isch viil älter als arrested dev. aber beid sind super.

[Moff]

ja aber gits ja immer na, arrested leider nümme

[zwirrlibatz]

Mad Men lueg au ich sehr gärn. und Californication.

[zwirrlibatz]

mini Heudin

[Mastler(P)]

http://theoatmeal.com/comics/wwddd

hmmmn... toehnt noed.. schlaecht.

[Sephi]

Ha zwar ersch die erschti Season vo Mad Men fertig gluegt, aber isch würklech Fernseh uf högschtem Niveau. Wahnsinnig gschribe und eigentlech uf aune Äbene super konstruiert. Aber ebe, dass HBO massiv abgäh hätt würdi jetz ou nid ungerschribe. Boardwalk isch für mi öppis vom beschte vo de letschte Johr - der Verglich zu de Sopranos chas eifach darum nid bestoh wills schlussändlech äbe doch sehr angers funktioniert. Aber uf sini eigeti Art isches äbe glich grandios. Allgemein, es isch nid die schlächtischti Zit für Serie.

[kraut]

der sephi. nid e schlächte gschmack het er!

unbedingt mad men witerluege, es wird immer besser. die 4. staffle isch phänomenal!

[mastercello]

Ech starte jetzt den au met luege...zumindest hani S1-S3 scho mol abeglade.

[mastercello]

Ah sali Staffle 5...

[kraut]

super uftakt gsi!

[zeromeier]

ich gseh absolut nöd, was a dere serie söll guet sii. es passiert nüd, es isch durchgehend langwiilig und es gid imo kei motiviaton zum wiiterluege, usserd d'lüüt wo überall säged, es sig super.

säg mir, was super isch.

[zwirrlibatz]

säg mir, was super isch.

https://www.google.ch/search?q=christin ... 4QS4pfnqDg" onclick="window.open(this.href);return false;