[Serie] Mad Men

[Moff]

zou bisou bisou :hm:

[kraut]

Quelle

:mother:

[zwirrlibatz]

zomg weisch was de bass hüt wärt wär?

[zeromeier]

säg mir, was super isch.

https://www.google.ch/search?q=christin ... 4QS4pfnqDg" onclick="window.open(this.href);return false;

[Supersonic]

ich gseh absolut nöd, was a dere serie söll guet sii. es passiert nüd, es isch durchgehend langwiilig und es gid imo kei motiviaton zum wiiterluege, usserd d'lüüt wo überall säged, es sig super.

säg mir, was super isch.

Ich verstah nur ein Faktor a dere Sendig und zwar das d'Ziit und de Look uhuere guet iegfange worde sind sowohl vo de Schauspieler wie au i de sets.
Jedes andere Lob da ine wie au im Internet verstah ich nöd.

Ich han letscht Wuche 12 Episode gluegt und innerhalb vo dene 12 Episode isch s'wichtigste Ereignis gsi, dass d'Peggy ä Idee für d'Lippestiftwerbig hett chönne geh. Alles andere isch genau so bliibe wie ide erste Folg. Kei Drama, viel z'wenig Konflikt und NULL Entwicklig vom Plot. A letschterem leider Cali au scho sit ca. 3 Staffle.
Erstuunlicherwiis sind d'Figure nöd platt aber alles andere rund ume isch unfassbar schwerfällig, speziell wenn mer bedenkt das ei Folg 40 Minute lang isch. Ich han immer gwartet und ghofft das endlich irgend öppis passiert aber jedes Mal bini enttüscht worde und defür mit meh belanglose Ereignis überlade worde. D'Backgroundstory vom Draper wo irgendwie ab de siebte Folg aafang isch au too little, too late und too irrelevant zum mich wükli chönne z'fessle.

Es isch für mich irgendwie wie es Fenster zumene Büro ide 60er Jahr. Leider passiert i dem Büro nöd grad viel.

Vor allem checki nöd wie einigi Breaking Bad und Mad Men im gliiche Satz erwähne chönnd. Breaking Bad isch öppis vom beste wo je im Fernseh cho isch und tropft richtig vor guetem Storytelling im Gegesatz zu Mad Men.

[Supersonic]

Wahnsinnig gschribe und eigentlech uf aune Äbene super konstruiert. Aber ebe, dass HBO massiv abgäh hätt würdi jetz ou nid ungerschribe.

Dialog ja, aber alles andere isch öppe so wie wenn mer dem Ding zueluegt:

http://www.youtube.com/watch?v=_0mcGDAs3f8" onclick="window.open(this.href);return false;

[zwirrlibatz]

Es isch ebe en Fähler, bi dere Serie druf z'warte dass "öppis passiert" und Drame und Plotentwicklige entgägez'fiebere. I jedere Folg passiert jenschtes. Es isch nur nöd i dere Art hochspannend ghalte wie me sich's vo de hütige Serie mittlerwiile gwöhnt isch, will die i de letschte paar Jahre grad i dem Beriich, was mich ja au erfreut hätt, eso dermasse azoge händ. Mad Men schtüüred dem jetz wieder entgäge. Jedi Folg isch e Bestandesufnahm vom tägliche Läbe vo dene Lüüt i dere Firma zu dere Ziit. Und ebe will's es Timepiece isch, macht's au Sinn, dass sie's dramaturgisch gäg dem Trend zruggschruubed und quasi d'Form em Inhalt löhnd folge.

[Supersonic]

Es isch ebe en Fähler, bi dere Serie druf z'warte dass "öppis passiert" und Drame und Plotentwicklige entgägez'fiebere. I jedere Folg passiert jenschtes. Es isch nur nöd i dere Art hochspannend ghalte wie me sich's vo de hütige Serie mittlerwiile gwöhnt isch, will die i de letschte paar Jahre grad i dem Beriich, was mich ja au erfreut hätt, eso dermasse azoge händ. Mad Men schtüüred dem jetz wieder entgäge. Jedi Folg isch e Bestandesufnahm vom tägliche Läbe vo dene Lüüt i dere Firma zu dere Ziit. Und ebe will's es Timepiece isch, macht's au Sinn, dass sie's dramaturgisch gäg dem Trend zruggschruubed und quasi d'Form em Inhalt löhnd folge.

Timepiece, lol, dass hett was. Aber und ich red jetzt vo dem wo ich nach 8738723989 Film und vo dem wo ich glernt han und vo minere persönliche Meinig, ä Story bruucht Konflikt und suscht bliibt sie stah und vo dene gits viel z'wenig bzw. uninteressanti. Und suscht gits eifach kei Story sondern es passiered eifach Sache und genau so fühlt sich Mad Men ah für mich. Wie du gseit häsch, e Bestandesufnahm vom tägliche Läbe vo dene Lüüt i dere Firma zu dere Ziit. Es Tagebuech uus Ereignislose Lebe. Aber wie genau söll d'Form am Inhalt folge wenn d'Form ganz klar viel prominenter isch? De Inhalt isch wie en abgnagte Chnoche. Wenn mer die Serie ide hütige Ziit aasiedle würd wärs sowas wie "The Office" ohni übertriibeni Komik. Es würd eifach um Lüüt gah wo is Büro gönd go schaffe.

[zwirrlibatz]

Allgemein gseit, sötted Stories wohl Konflikt und Drama ha nach Lehrbuech. Nur gitts zumglück immer Projekt wo Regle bräched. Wie de Mad Men.

Ich han "Bestandesufnahm vom tägliche Läbe" gschriebe aber nöd "Es Tagebuech us ereignislose Lebe". Will säb isch es nöd. Es passiert jenschtes i jedere Folg aber halt inere unufdringliche Präsentation. D'Form folgt insofern em Inhalt, dass e moderni krabummhochpuls Inszenierig nöd zu de Läbensart vo de früeche 60er Jahr passt. A so alts Fernseh mag ich mich ja no erinnere. "Dallas" zbsp isch DE Strassefeger gsi. Me hett ei Folg pro Wuche z'Luege brcho und Handligsböge sind da über siebe acht Folge gange. Me hett gwärweisst und drüber gredt und i Illuschtrierte Grücht und Hindergrundgschichte drüber gläse. So isch TV früehner gsi. Konflikt und Drama händ sich det imne extrem langsamere Tämpo abgspielt als hüt gwohnt und sind teils au nur z'erahne gsi i Geste und Blick vo de Schauspieler. Mad Men folgt für mich dere Tradition.

Ich han mit Form also vorher nöd de visuell Stil gmeint, sondern d'Verwändig vo Spannig und de dramatisch Kniff und s'Wäglah vo unerwartete Wändige im Viertelstundetakt. Zum aber jetz uf das z'cho:
Ich halt de visuell Stil nöd für prominänter als de Inhalt. Was me als duregstylti Form wahrnimmt, isch ja es korrekts Abbild vo dere Ziit und vo dem her völlig normal unprätentiös und nüechtern, vo de Bürotischlampe und de Sekretärinnegarderobe bis zum ununterbrochne Bourbon Schletze vom Znüni ah. Sie würkt nur so starch im Vordergrund will die Serie hützutags deswege en eigni Ästhetik hett und die zieht so (z')vill Ufmerksamkeit uf sich. Aber 1962 wär sie ja niemertem ufgfalle und me hätti sich als Zueschauer uf d'Stories konzentriert und die sicher nöd langwiilig gfunde will da dramaturgisch nüt passieri. So ziemli im Gägeteil, würd ich sogar meine. Und sich drfür nöd gwunderet, dass da jede immer raucht.

Und nöd vergässe, es isch au no es Kulturding. zbsp finnischi TV Serie werde (wie ihri Film) wohl au ungliich langatmiger sii als die übliche US-Serie. Ich känn jetz halt kei. Oder e mongolischi Familiedynastie Seifeopere wird für eus au schwer luegbar sii, für das Publikum det wirds aber super funze. Also wieviel Spannig und Konflikt i welne Dose bruuchts dänn tatsächli? Da gitts kän generellgültige, über de Daume peilti Wert. Für de Eint isch es zweni, was de Mad Men büütet. En andere nervt e grenzwertig übertriebni permanänti hibbeligi Spannig mit hysterische mänschliche Ziitbombe.

[Supersonic]

Allgemein gseit, sötted Stories wohl Konflikt und Drama ha nach Lehrbuech. Nur gitts zumglück immer Projekt wo Regle bräched. Wie de Mad Men.
Logo bruuchts das und Mad Men hett das au aber es isch d'Konflikt sind unsignifikant und werded nach de 5. Folg au als solches wahrgnoh.
1. Folg: "Er betrügt sini Frau und chunnt denn hei als ob nüüt gsi wär :spit: 6. Folg: "Er bangt no ä Dritti und warschinli no ä Vierti :bitchpls:

Ich han "Bestandesufnahm vom tägliche Läbe" gschriebe aber nöd "Es Tagebuech us ereignislose Lebe". Will säb isch es nöd. Es passiert jenschtes i jedere Folg aber halt inere unufdringliche Präsentation. D'Form folgt insofern em Inhalt, dass e moderni krabummhochpuls Inszenierig nöd zu de Läbensart vo de früeche 60er Jahr passt. A so alts Fernseh mag ich mich ja no erinnere. "Dallas" zbsp isch DE Strassefeger gsi. Me hett ei Folg pro Wuche z'Luege brcho und Handligsböge sind da über siebe acht Folge gange. Me hett gwärweisst und drüber gredt und i Illuschtrierte Grücht und Hindergrundgschichte drüber gläse. So isch TV früehner gsi. Konflikt und Drama händ sich det imne extrem langsamere Tämpo abgspielt als hüt gwohnt und sind teils au nur z'erahne gsi i Geste und Blick vo de Schauspieler. Mad Men folgt für mich dere Tradition.
Ja, dass han ich gschriebe wil ichs eso empfinde. So wie Anne Frank ohne Nazis und ohni Leid. Ich verstahn s'Prinzip dehinder scho und es schiint ja au z'funktioniere aber ich finds dermasse unintressant. Entourage macht ja uuf ä Art s'gliiche (mit bewusster Übertriibig) aber d'Thematik isch eini wo nöd jede kennt oder gseht wie au bi Dallas. Bi Mad Men isch sie das au aber wenn ich gseh wott wie riichi Tycoons (ich han extra nöd Werbigstycoons gschriebe wil das ganze genau ide Chefetage vonere Airline chönnti spiele und es würd sich nöd viel ändere) ide Vergangeheit glebt hend denn chani de Aviator luege und han nebed em Fakt das alli rauched und alli ihri Sekrätärinne banged aber no de Howard Hughes und sini Story womi beeidrucked. Dallas und Entourage hend ja au Drame vor allem in Sache Beziehig gha und dete passiert denn au öppis, aber bi Mad Men hani eifach s'Gfühl das i acht Folge lang s'gliiche passiert zum ide 9te eimal de Papierchorb uusleere und denn wieder acht Folge lang de Papierchorb z'fülle.

Ich han mit Form also vorher nöd de visuell Stil gmeint, sondern d'Verwändig vo Spannig und de dramatisch Kniff und s'Wäglah vo unerwartete Wändige im Viertelstundetakt. Zum aber jetz uf das z'cho:
Ich halt de visuell Stil nöd für prominänter als de Inhalt. Was me als duregstylti Form wahrnimmt, isch ja es korrekts Abbild vo dere Ziit und vo dem her völlig normal unprätentiös und nüechtern, vo de Bürotischlampe und de Sekretärinnegarderobe bis zum ununterbrochne Bourbon Schletze vom Znüni ah. Sie würkt nur so starch im Vordergrund will die Serie hützutags deswege en eigni Ästhetik hett und die zieht so (z')vill Ufmerksamkeit uf sich. Aber 1962 wär sie ja niemertem ufgfalle und me hätti sich als Zueschauer uf d'Stories konzentriert und die sicher nöd langwiilig gfunde will da dramaturgisch nüt passieri. So ziemli im Gägeteil, würd ich sogar meine. Und sich drfür nöd gwunderet, dass da jede immer raucht.
Logisch sötts es korrekts Abbild vo dere Ziit sii aber die wenigste Zuschauer hend i dere Ziit ade Madison Avenue im 9284924 Stock gschafft, denn ischs zimli normal das d'Ästhetik d'Uufmerksamkeit uuf sich zieht. Das alli suufed, rauched und sich nöd aaschnalled isch common sense ide 60er gsi aber als Zueschauer ischs trotzdem ä Reis ine anderi Welt/Ziit. Und denn chunnt no deze dasd d'60er so guet in Szene gsetzt werded, darum isches scho zimli prominent.

Und nöd vergässe, es isch au no es Kulturding. zbsp finnischi TV Serie werde (wie ihri Film) wohl au ungliich langatmiger sii als die übliche US-Serie. Ich känn jetz halt kei. Oder e mongolischi Familiedynastie Seifeopere wird für eus au schwer luegbar sii, für das Publikum det wirds aber super funze. Also wieviel Spannig und Konflikt i welne Dose bruuchts dänn tatsächli? Da gitts kän generellgültige, über de Daume peilti Wert. Für de Eint isch es zweni, was de Mad Men büütet. En andere nervt e grenzwertig übertriebni permänanti hibbeligi Spannig mit hysterische mänschliche Ziitbombe.
Absolut wahr Lass den Ratte komme in hett mir uus ähnlichi Gründ nöd gfalle, isch zwar Schwede aber die Stil ähnled sich denn doch recht. Ich han au nüüt degege wenn en Film langatmig isch, Zodiac findi biispiilswiis suuuper aber dete ischs writing eifach so solid und d'Thematik zieht eim richtig ine.
Naja, für mich ischs es zimlichs Phänomen aber ich wott eigentlich niemerdem die Serie verderbe. Ich lueg lieber 10 Mal Catch me if cou can, de passt mir einiges besser und ich lieb ebe eigentlich d'60er. Da hender no en Beld:

[Moff]

also catch me if you can und aviator sind würklich ganz belanglosi muggene im verglich zumene umfassende kunstwerch wie mad men, das bringt mi iets grad chli zum schmunzle.

ich weiss gar nöd öb ich im alte forum oder da irgendwo das mal gschriebe hab, aber mad men isch mal ganz grundsätzlich typisch für amc absolut herusragend gschriebe, spielt und inszeniert, a dem hend sicher vili schomal freud. aber es isch ebe uf enorm viel ebene total hervorragend. anderi zuschauer händ freud am "hihi,w ie die mit fraue umgöhnd und rauche", anderi händ freud am bis ins detail makellos igfangene und enorm glaubwürdig überebrachte zitgeischt vode 60er jahr.

um was es aber tatsächlich gaht, und das isch das wo mir ganz bsunders gfallt, isch dass es bi mad men ganz eifach um bedürfniss gaht, es gaht drum was mir eigentlich wänd, werum mirs wänd und wenn mirs wänd. das ganze wird immer wieder ade werbekampagne gspieglet und immer wieder em zuschauer und de charaktere vorghalte. ich han scho einiges us mad men mitgnah, das chan ich vo guet wie keiner serie behaupte, und das us zum teil chline satzfetze wo fasch biläufig gsproche werde.
das allei wär ja na gnueg aber das ganze passiert au na imene zitrahme wo eini vo de schnellschte und wohl spektakulärschte wandlige vonere ganze gsellschaft stattfindet. wenn ich nur scho es beliebigs bildli us staffle 1 und iets us staffle 5 aluege grat isch scho usem hüsli es isch so unfassbar geil gmacht. mad men isch en geniestreich und ich hoffe mer gseht na einiges vom team dehinder.

ahja vo dem abgseh isch sie übrigens au na ziemlich luschtig mitneme sehr sehr trochne humor und enorm viel geile symphatische charaktere, das allei müesst für die meischte lüt eigentlich scho länge.

mad men isch die mit abstand erfolgischt amc serie und het glaub de emmie für die bescht serie scho 3 mal (?) becho und das sehr zu recht. die serie ghört mit sicherheit zude all time top 5 vo jedem serie connaisseur. aber wennmer eifach nur en spannende plot will ischmer da sicher fehl am platz, es isch garantiert kei plottriebeni serie.

[zwirrlibatz]

@supersonic
Demfall ischs schlussendli nur e Frag vo de Inszenierig? Dass da z'viel unter de Tisch gheit, will wäg mangelndem Schwung und nüechternem Ufbau her d'Inhält wie zu "biiläufig" verzellt werded? Tatsächli überraschts mich amigs, wie weni unmittelbari Konsequänze gwüsse Vorkommnis, Gspröch und (Un)Tate händ im Vergliich zu anderne moderne Serie bzw wie me sich das vo dene gwöhnt isch und umso spannender find ichs amigs, wiiterzluege.
Ich känn übrigens Entourage nöd.

um was es aber tatsächlich gaht, und das isch das wo mir ganz bsunders gfallt, isch dass es bi mad men ganz eifach um bedürfniss gaht, es gaht drum was mir eigentlich wänd, werum mirs wänd und wenn mirs wänd. das ganze wird immer wieder ade werbekampagne gspieglet und immer wieder em zuschauer und de charaktere vorghalte.

sehr wahr.

___

btw the Aviator und de Catch me if you Can find ich beid ganz gross aber als nur zweistündigi Film mit klar definierte Theme händs ja gar nöd d'Müglichkeit, so viel Theme so tüüf dureznäh.

[Supersonic]

viel geile symphatische charaktere

D'Charaktere sind tatsächlich sehr guet durchdacht und gschriebe aber sympathisch find ich kei einzigi Figur i dere Serie was en andere Grund für mich gsi isch zum ihre
übrigens zum zweite Mal de Stecker z'zieh. Jedi Figur i dere Sendig hett mich gstresst, Fraue wie Männer und das liit nöd am Chauvinismus oder so, sie sind eifach alli unsympathisch.

[zeromeier]

sie sind eifach alli unsympathisch.

[Moff]

tomorrow never knows :hm:

megamässigi szene, wo dank dem phänomenale song i vielerlei hisicht zeigt um wases gaht i dere serie, super

übrigens serschmal dass en original beatles song inere tv serie verwendet wurde isch, 250k het das koschtet

[zwirrlibatz]

ui bi noni so wiit. grad fürschi mache.

[h4xX0r]

Es isch soooo super

[Astroboy]

S05E11:
Die beschti Non-Comedy-Episode, woni wohl jemals i mim Läbe gseh ha. Wort chöi nid beschribe, wie unfassbar das isch gsi. Bi ize no ufgwühlt, e Nacht u e haube Tag speter. Wahnsinn.

[Astroboy]

S05E11:
Die beschti Non-Comedy-Episode, woni wohl jemals i mim Läbe gseh ha. Wort chöi nid beschribe, wie unfassbar das isch gsi. Bi ize no ufgwühlt, e Nacht u e haube Tag speter. Wahnsinn.

Krass, dass es uf die Foug nid mehr Feedback hett gä hie. Hallet no ize nache bi mir.

[h4xX0r]

aso die letscht isch au nöd grad schlecht gsi.

[The Sheep]

Has jetzt nach Jahre au afange luege. Gfallt mer sehr guet. Aber i frag mi scho es bitz ob die en Deal mit sämtliche Spirituose Härsteller händ. In fascht jedere Szene wird gsoffe; zu jedere Situation und Tageszit. Gits villicht scho es Mad Men Cocktail Buech ? Wundere würds mi nid.