was hesch geschter gmacht?

zwirrlibatz · Beitrag von **zwirrlibatz** » 09 Nov 2010 08:30

mischsalat agriicheret mit rüebli, saubohne, mozzarella, avocado, chilischote, chnobli, bratne steipilz, oliveöl, balsamico, früsche rosmarin.

tofugschnätzlets und vorkochte chürbiswürfel churz brate und dänn blue drägen zitronesauce drüber zu bio vollriis.
Bild

da gahsch ache.

Sylvara · Beitrag von **Sylvara** » 09 Nov 2010 15:24

Ich ha es sehr feins vegetarischs Chilli gmacht - viel zwieble, ghackets quorn, kidneybeans, zucchetti, bitz peperoni und tomate/pellati.
sour-cream und frischi chilli als topping.

Gurgelhals · Beitrag von **Gurgelhals** » 09 Nov 2010 20:16

En Gulasch

Super Gricht und super Wort

Chäller · Beitrag von **Chäller** » 09 Nov 2010 20:46

Ich han nur echli Brathärdöpfel mit Swible und Chnobli gmacht. Dezue Salsa Brava Sauce, womi chli enttüscht hät.

Zum Dessert e Kaki. Best Frucht ever!

evo · Beitrag von **evo** » 10 Nov 2010 08:52

kaki hesch gässe? hihihihih

Tatsujin · Beitrag von **Tatsujin** » 11 Nov 2010 13:32

Sälber gmachti spaghettli pepleroncino

Hani grad mal wieder zwei grossi täller müesse abespachtle. gaht gar nöd andersch, so fein isch

Overdose · Beitrag von **Overdose** » 11 Nov 2010 13:33

scho wieder maroni.

Tatsujin · Beitrag von **Tatsujin** » 11 Nov 2010 14:46

Thanatos hat geschrieben:
Overdose hat geschrieben:scho wieder maroni.
gits bi üs o mind. 2 mal pro Wuche

Machemer au na rächt hüüfig.

Sephi · Beitrag von **Sephi** » 11 Nov 2010 21:50

Machemer eigentlech für Rezäpt jewils neui Topics? Oder alles da ine?

Hüt Obe gmacht: Yakiniku don. Brätleti Rindsfilet-Streife uf Riis.

Total eifach und sehr schmackhaft, eifach de japanisch Riis brucht halt Zit, me cha ja aber ou süsch was zum Fleisch mache. Was bruchsch:

Füre Riis:
Japanische Riis, würd säge so 100g pro Person (unkocht), das git denn zimlech vil. Muesch rächt lang wäsche, wider absible, wider wäsche etc. bis s Wasser klar blauft, chan es zitli duure. Denn 30 Minute lo ligge, i dere Zit gohter bitz uf. Zum choche nachher minimal meh Wasser als Riis inen Pfanne und zum choche bringe. Sobald er chochet d Hitz abedräie, dicht verschliessend zuedecke (Deckel nie lüpfe bim Choche) und 15 minute lo chöcherle. Nachher wäg vom Herd und 10 minute lo ruehe. Dechel wäg, par mol mitere chelle umdräie dass Luft zueche chunnt, fertig. (Bonusinfo: Er chläbt, dasch guet so!). Die wo en Riischocher hend, NICE!

Fürd Marinade folgendes mische:
Drüü Viertel (3/4) Sojasauce
Ein Viertel (1/4) Riisessig
1 grossi Chnoblouchzehe dripresse
2 Ässlöffel grasplete Öpfel (ohni Schinti)
1 TL Zucker
Bitz Pfeffer

S Fleisch (idealerwiis dünni Streife Rindsfilet) drinne 15 Minute ilegge (nid salze) und denn nur churz abrate. Besser weniger als zvil. Am Schluss no paar Sojasprosse drischmeisse und par Sekunde düremischle, denn s ganze ufs inere Schale ufe Riis schmeisse und em Guete!

Zuebereitig vom Riis hani vor Harumi, s Rezäpt für d Marinade hetmer en Kolleg gäh (chönnt usem Morimoto-Chochbuech sii).

evo · Beitrag von **evo** » 12 Nov 2010 10:11

Sephi hat geschrieben:Machemer eigentlech für Rezäpt jewils neui Topics? Oder alles da ine?

da isch s rezäpt tiopic
http://www.thegforum.ch/viewtopic.php?f=45&t=539

Sephi · Beitrag von **Sephi** » 12 Nov 2010 13:10

evo hat geschrieben:
Sephi hat geschrieben:Machemer eigentlech für Rezäpt jewils neui Topics? Oder alles da ine?

da isch s rezäpt tiopic
http://www.thegforum.ch/viewtopic.php?f=45&t=539

Lulz wahr, merci!

NERV · Beitrag von **NERV** » 18 Nov 2010 11:54

Geschter han ich Bio Brunris mit Bio Rüebli us em Coop gmacht. Mega.

Mastler(P) · Beitrag von **Mastler(P)** » 18 Nov 2010 12:31

NERV hat geschrieben:Geschter han ich Bio Brunris mit Bio Rüebli us em Coop gmacht. Mega.

ris? ha daenkt issisch noed.

Tatsujin · Beitrag von **Tatsujin** » 18 Nov 2010 12:36

Mastler(P) hat geschrieben:
NERV hat geschrieben:Geschter han ich Bio Brunris mit Bio Rüebli us em Coop gmacht. Mega.
ris? ha daenkt issisch noed.

isch en elände chabisverzehler.

NERV · Beitrag von **NERV** » 18 Nov 2010 12:38

(Also eigentlich han ich gar nöd g'chochet sondern bim Mami dihei gässe)

Mastler(P) · Beitrag von **Mastler(P)** » 18 Nov 2010 12:44

CHABIS!

mr.raw · Beitrag von **mr.raw** » 23 Nov 2010 08:40

zwar nid geschtert..jedoch am Samschtig gmacht:

Rindsfilet uff Morchle... napiert mit Rotwyysauce...drzue Herdöpfugratin und Erbsli/Rüebli und Kefen.

s Filet 2std. vor em Brötle uss em Küehlschrank gno...mit Öl, zerhacktem Thymian und zerdrucktem 3farbe Pfäffer iipinslet...schön iizieh loh. Denn heiss in ere Gussiisepfanne aabrötlet...drzue Rosmarinstrüücher und Knoblauchzehe driigschosse. Mit fleur de Sel gsalzet..uff dsitte to. d Pfanne greinigt, abküehle loh, Rosmain,Knoblauch weg... und denn 300g Butter gschmolze...s Filet drii gleggt und 40min uff extrem fiiner flamme zieh loh. Drbii immer wieder s Filet mit dr gschmolzene Butter arosiert. Ab und zue mit em öl/pfeffer/thymian gmisch bittzeli iipinsle.
Näbedra butter gschmolze..4 fiin ghackti schalotte aadünschtet....2 Zwiigli Thymian und e Lorbeerblatt drii to...denn mit 2dl Rotwii (Pinot noir) abglöschet, 2dl. Kalbsfond drzue und das ganze bis uff 1dl reduziere. Dursch Sieb drmit...und d glace nachher mit 250g Butter uffmontiert

s Fleisch mit dere Sauce bitzeli nappiere...e voila...fertisch.

Näbedra natürlich Morchle mit ziebele und butter aadünschte...bitzeli Mehl drii...Mit wisswii ablösche...0.5dl demiglace dra...3.dl Vollrahm...bitzeli peterli, ganz weni thymian/Rosmarin dra, salz pfeffer...e basta.

Beitrag von **Master(G)** » 23 Nov 2010 10:03

Rösti mit 3 Spiegeleier

shady2442 · Beitrag von **Shadow** » 23 Nov 2010 10:27

Es Birchermüesli

Chäller · Beitrag von **Chäller** » 23 Nov 2010 16:50

Master(G) hat geschrieben:Rösti mit 3 Spiegeleier

Ich lies am raw sin ultrageile Biitrag dure, min Buuch fangt ah chnurre und dänn grad BÄÄMMM! Rösti und 3 Spiegeleier

h4xX0r · Beitrag von **h4xX0r** » 23 Nov 2010 18:05

500 gr rindsfilet ( sfalsche)

Bild

sauce

ghackti eschaLOLlen

Bild

chli cognac

Bild

die gruusige sieche

Bild

2x eigäl

viel meh salz als mer denkt

Bild

pfäffer us de aroma-mühle lolz

Bild

da ine tue und vermische, nöd verdrucke

Bild

tooschti

en feine rote

Bild

YAMM

Chäller · Beitrag von **Chäller** » 23 Nov 2010 18:34

Tartar

Hani no nie selber gmacht...muess mal usprobiere.

h4xX0r · Beitrag von **h4xX0r** » 23 Nov 2010 18:43

mach, isch besser und billiger als reschti
chasch sogar de gruusig mövepick sauce nahmache, aber denn schmöckschs Fleisch nüme

Chäller · Beitrag von **Chäller** » 23 Nov 2010 20:51

isch gugge mal.

Ich isses eigentlich nur i de Täfere in Dättwil. Wänni am Choch säge "scharf", chunnts für mich i de perfekte Schärfi.

h4xX0r · Beitrag von **h4xX0r** » 23 Nov 2010 20:54

am mäntig wieder i de pinte gsi, dasmal aber nöd so fein defür tür

The(G)Forum