Arcade Cabs

[Shadow]

riis d'Chuchi use und hau dä Virtua Racing Cab ine

[damian]

oder in garte, chasch ja ä plache drübertue

[Marco_in_motion]

Nei s'Virtuaracing nimmi nöd i d'Wohnig und ich will au kein Blacheberg im Garte xD
Meh Cabs wirdi nümme chaufe, ussert villicht no en initial D ...ach scheisse nei! Chaufi nöd!
Ich wott jetzt zerst mini Cabs Pimpe und veredle wiänis scho lang vorgha han und dänn mal wiiterluege.

[damian]

ich glaubs au dasses langet

[Genfer]

Wer brucht no en Blast City?
http://www.ricardo.ch/kaufen/sammeln-un ... 675160586/" onclick="window.open(this.href);return false;

Bin geschter binem gsi.
Er hät no 1 Windy 1 und 2 Windy 2. Er wots aber ned userucke...begriff ich au, sind äbe scho schön

[sam]

merci gege für faceplate
chunt no en neue sanwa stick und anderi buttons ine.
druck vom insert isch chli matt will ich nur scheiss papier da han. aber ja mir gfallts

[geosnow]

Isch aber geil cho.

[Genfer]

Sehr schöns teil !

[turntablism]

unteranderem hani folgendes an ostere gmacht...

Quelle

Quelle
du geosnow...s candy18 isch wider wie neu und de monitor tuet au wider (ein stutz isch au no fürechoo wonen usgschlachtet han)

[mastercello]

Sehr schön...muess au endlech weder chli bastle...han jo jetzt weder chli meh Zit!

[turntablism]

mässi masto, ja, das mit de ziit isch sowas.....bescht spruch...ziit mues mer sich näh
han s erscht mal mit sprützpischtole gschprüzt, RAL 9003 isch super, seidenglanz isch super, es isch eifach supi.
bin voll uf touren cho woni agfange han, s naomi hani am morge usenand gno, am mittag gmalet und choppt und am abig scho wider chli zämegetzt, farb isch aber no so ziemlich früsch gsi, denn hani doch no e nacht abgwartet. han chli müeh gha d monitorabdeckig wider anemache (fascht id hose gschisse dass was verbricht) aber schlusendlich endlich hets doch no klappt.
de monitor vo dem naomi isch jetzt vertikal zum shmups spile leider isch de bildschirm nümm so zweg aber es gaht grad no so.
s nöchscht woni no will to do, isch mis neo candy 25 wo so gelb vergilbt isch au neu spraye, d sideart vom candy 25 hani eigentlich scho lang aber ebbe (ziit sött mer sich näh)

het eigentlich jemals öpper vo eu retro-bright usprobiert ?
plastik (ABS) lackiere isch eigentlich guet gange, ich han aber zerscht no e dose autoK-haftvermittler bruucht.

[geosnow]

ui, gxeht aber geil us. freu mit, dass es so guet klapped hät.

[geosnow]

welli pischtolle häsch kauft? welli farb. viellicht machi das au no. min andere chaschte hät so ruuchi farb druf. wiä bringi diä wäg? muesi da grad sandstrahle?

[turntablism]

ui, gxeht aber geil us. freu mit, dass es so guet klapped hät.

wenn emal luscht und ziit hesch, chönntisch no en scan vom videogame (marquee-dingsbums) mache und mir maile, denn isch de gegeomat (fascht original) leider ischs coindoor nümm original aber es gseht doch gliich hübsch us

[geosnow]

du chasch aber d coin door usenand schrube. ich glaub es sich nur eis drüber klebt worde.

[turntablism]

sprützpischtole hani usglähnt, de 2komponente lack hani vom ruco farben (rucopur seidenglanz), für de plastik hani autoK haftvermittler gno, sandstrahle würd i nöd mache, ich chönnti strahle aber mit minumum 10 bar und bi däm druck gaht s blech an arsch. nur e bitzeli mit schliifpapier ufraue und denn suuber putze und in 2 - 3 mal lackiere.

[boergi]

bem überlackiere gsesch haut wo vorhär de lack gfäut het.
wenns ganz suber wotsch muesch es ablouge. (met abschliffe wersch nie fertig)
louge gets em zB. em OBI.

[Marco_in_motion]

Häsches innere Sprützkabine gmacht? Ich han Autolackierer glernt und tuen ebe näbed dure no es paar Sache mache aber sehr begränzt, will min jetzige Job frisst mer fast alli Ziit weg. Am Lisz sini 8 Cabs hani mal gmacht, hab nur 1 Tag Ziit gha. Ich wirde mini Cabs auno mache... Wird mi dänn aber ine Sprützkabine imiete.

[Shadow]

goil... han no es neo candy wo chli vergilbt isch (so kauft)... hani scho lang mal welle öppis mache... chas aber nöd selber

[Marco_in_motion]

Ich chönnts scho, nur wänns perfekt uusgseh söll muesi es paar Täg frei näh ubd zahle zimmli vill Gäld für d'Farbe und ä Sprützkabine, für das Gäld chaufsch es neus Cab. Däfür wärs dänn eifach perfekt, wiä es frisch lackierts Auto.
Ussert Du hettisch en Kolleg wo ä Autolackierer Buude hät womer güstig ine chan.

[turntablism]

ich hans nöd innere sprützkabine gmacht, es isch sicher nöd perfekt worde aber nöd schlecht würdi säge. uf jedefall besser als mit spraydose. (dont trash it, recycle it)

[Marco_in_motion]

ich hans nöd innere sprützkabine gmacht, es isch sicher nöd perfekt worde aber nöd schlecht würdi säge. uf jedefall besser als mit spraydose. (dont trash it, recycle it)

Ja säb uf all Fäll! Jedi Pistole erzügt schomal dä vill besser Verlauf als ä Spraydose und wändt d'Händ grad hebsch chasch sicher gah das überall gliichvill Farb häsch, was sehr wichtig isch für d'Lackierig. Ich wott dänn mini Cab's innere Kabine wo Wassergfilterti Leitige hät etc. mache mit Sata Sprützwerkzüg und und und ...villicht machi dänn no was mit Airbrush druff bi mine, weisses nonig, dänn würdi aber d'Farbe vo Spastix näh, kännsch diä? sind voll di crazy Farbe, extremst Geil!
Uf all fäll wirdi en komplette Lackufbau mache mit elastische Zwüscheschichte dämit dä Lack au nach 10 jahr niä uusriesst a heikle, winklige Stelle.
Aber ebe, bi mir wird das es uhuere Ziitintensivs Projekt gäh und ich han kei Ahnig wänn ich dämit ahfange.

[turntablism]

und uf jedefall denn foti-dokumentiere

[Marco_in_motion]

Ja wänns dänn mal sowiit isch...

[Genfer]

Gseht super us
In es paar johr würd ich dän au mol gern soöppis mache