s: marqueehalter für snk candy 18

[geosnow]

ja ebbe das.

[turntablism]

da bini au debii, nach em gege,
het schomal irgendsöpper plexiglas gfräset? denn chönter eus doch eis mache..

[The Sheep]

ich han mir eine für de SNK 18 mache lo vor es paar Jahr im Plexihuus in Basel.



Für de Astro City hets offebar au en Marqueehalter gä. De isch obe an der Rücksite agschrubt gseh. Isch original vermuetlich öppe glich schwierig ufztribe wie de für de SNK. Muess i glaub au mol eine mache lo.

[geosnow]

han eine original gfund für de candy. isch aber nöd so billig, im verglich zum cab.

de pris hanni aber nonig besiglet. wennis aber han chöntemers dupliziere.

[The Sheep]

Wenns reproduziere willsch würdis nid chaufe. Vor allem nid wenns tüür isch. Git bestimmt gnüegend Info im Netz wies usgseh het, dermit mers chan nachmache.

Das vom Astro chönnt i mittlerwile au nahezue 1:1 härstelle lo. Han gueti Fotos gfunde und Skizze us em Manual für d'Montage. Müsst mer nur es bitz usmässe und en Vorlag konstruiere im Adobe Illustrator.

[geosnow]

das wärs.

[The Sheep]

hübsch. zwifellos.

[geosnow]

was waer en agmessene pris?

[The Sheep]

kei blasse. hängt wohl dervo ab wie sälte, wie guet erhalte und wie sehr dass es willsch ha .
Mehr als 100.- würd ich persönlich nid usgä.

[sam]

100.- sind chli vill. ich persönlech würd nöd meh wie 50.- usgä. und für 50.- müesst das ding tip top zwäg si.

[geosnow]

für 35£ will ers nöd gäh, das han ich ihm bote. für 100£ scho, mit porto würdis viellicht sogar näh.

[sam]

muesch selber wüsse aber das isch würkli en zu krasse priis....

[The Sheep]

isches genau das uf em Foto ? Denn wärs offebar in zimlich guetem Zuestand.
Marquee Halter gön in der Spielhalle zimlich schnäll kaputt. Füres 25 jährigs Teil in däm Zuestand find i 100 Frenk also scho no ok.

Aber isch natürlich au nid jedem glich wichtig sones Teil. Da ich au Manuals und Instruction Cards vo mine Games sammle isches mir halt scho no wichtig die zäme mit em Spiel chöne zzeige im Cab.

[geosnow]

instruction cards findi ebbe au no geil. sheep, häsch du em vasella s bakraid verchauft? i

[The Sheep]

kei ahnig. villicht vor Jahre durch d'VSA.
Aber privat bestimmt nid. Würd mis nie häregä

[geosnow]

ich hans vo ihm abkauft und es hät instructions debi. aber das papier isch plastifiziert, aber mega dünn. isch das original oder gueti kopie us japan?

[The Sheep]

weles meinsch ? Die wiss Instruction Card oder das Mini Marquee mit em Luftkampf druf ?

A4 Instruction Card isch original uf dünnem Karton (ca 160g Papier) , liecht glänzend und mit ere Perforation in der Mitti zum abenand risse.

[Marco_in_motion]

Ha kei Permission für dä Link

[The Sheep]

na denn halt so: http://world-of-arcades.net/R8zing/Batt ... ctions.htm" onclick="window.open(this.href);return false;

[geosnow]

es isch d instruction card, aber denn isch diä kopiert. janu.

[Marco_in_motion]

sind ebe scho huere geili Artworks...