Paar Frage zum Musigmache/Gitarre

[zwirrlibatz]

Grupis knalle find ich (wie no viel) garnödmal umbedingt s'Bescht und s'Erstrebenswertischte am Musigmache. Dasch ehner so e diffusi überbewerteti Idee wo me vor de Bandgründig hett. Oder wo sich Nödmusiker vorstelle. Aber niemert störts, falls.... logisch. Da übrigens nomal de lol vo de Wuche: http://www.thecrimsoncrow.com/2012/04/g ... ss-player/" onclick="window.open(this.href);return false;

Chasch chlatsche im Takt und uf vier zelle? Weisch wo s'1 isch imne Beat? Dänn bisch scho drbii, bzw das lernsch i nullkommanix wenn nöd völlig spastisch bisch. Ab dänn gitts lerne und üebe mit känere Gränze nach obe. Wie xeit, "Talänt drzue ha" isch nur blabla. Jede Gitarreheld xehsch ja ersch sit däm Tag wo er's chöne hett. Nüt isch mit "de isch mit em Talänt drzue gebore und drum chan er's jetz und ich wird das nie chöne". Insofern beeidrucke mich technisch brutal gueti Widelididelisuperhelde nöd, abgseh vo ihrer Lerndiszplin. Will chöne tuet's jede wo üebt. Beeidruckend sind de eiget Stil, die unverkennbari Art und vorallem d'Kompositione. Dete gitts ehner sowas wie es Talänt bzw Veralagagig drzue, wemme säb Begriff als Verständnis vo und Bereitschaft für ebe das definiert. Dänn aber isch au das Erlernbar wemme sich drmit befasst. Schlimmscht isch wenn uf eim Instrumänt en Superzampano aber unfähig zum Zämespiel wirsch. Will es Instrumänt spiele isch noni Musik mache. Bzw setzt das nödemal vorus, das wär aber dänn es wiiiiiiiits Fäld zum drüber plappere.

Din Bappe laht sich vo dene Überlegige gar nöd ersch behindere und machts offebar eifach ohni Berüehrigsängscht. Super.

Dämfall gitts bim Dudelsack evtl gliich sowas wie Zirkularatmig, denn isch es würkli schwer.

Gigs miinersitts gitts dänn im Herbscht wieder. Nöchscht oder übernöchscht Jahr evtl NTSC (j und us) Toure. So Gott will.

[zwirrlibatz]

isch mir doch so gsi: http://www.thegforum.ch/viewtopic.php?f=24&t=2951" onclick="window.open(this.href);return false;

wo wänder wiiterplaudere, wele söll ich schlüsse?

[Vyse]

So wies dä Zwirrli seit.
Talent isch miine Meinig das, wo me mit em Handwerk kreiert, sHandwerk erlerne isch aber reini Üebigssach.
Zwei Maler chönnt z.B. technisch ähnlich guet zeichne/maale, de eint macht dänn aber "nur" es technisch überzüügends Bild, während dä ander sich mit siim Handwerk persönlich uuszdrucke weiss und öppis "Bsunders" schafft.

Die Befürchtig, dass me unmusikalisch isch hani au immer gha. Han genauso wenig e Melodie chönne nahsumme, bis ich han afah Giige spille.
Da muesch ebbe lose lerne und nachme Wiili hani zu miine eigene Verblüffig au singend dTön troffe, isch fascht bitz en creepy Momänt gsi.

Wasi zum Spille i dä Band chann säge: Am beschte isch glaubs scho, wänn me guti Kumpels isch und dGrundatmosphäre locker und experimentierfreudig sich ahfühlt. Inere Band iischtiige, wo scho iigspillt isch, isch bitz müehsahm als Ahfänger.

[Buccaneer]

Neinei bim Dudlersack bruchs kei Zirkluationsatmig. Sig eifach sust heure Schwär. Au vo der Koordination här, wieviel Luft mitem Arm inedrücksch. Wie, wenn und wie starch das ne mit Luft füllsch und denne natrüli no d Finger. Und je nachdem marschierisch no ime bestimmte Takt ume. Darum eher schwär, well bruchsch nid nur d Finger. Sondern au de Arm, d Lunge und je nachdem d Füess.
Und de Sack sig huere emfpindlich uf Temeratur und Luftfüechtigkeit. Muesch ne zerst schön lang Stimme, denn chasch Spiele, wenn nachere Pause vo ca. 20 Min. wettsch witerspiele, muesch ne gad wieder stimme. Und au das stimme sig huere schwär, wenn ne nid im Griff hesch, bechunnsch sehr schnell dissonanti (richtig gschriebe ) Tön über.

Ja das mit de Groupies isch au nid allzu ärnst gsi . Aber sicher en schöne Näbeeffekt

De müesst mer sich ja nur no für eis Instrument entscheide. Ich bewundere Lüt, wo so öppis dureziehnd über mehreri Jahr. Muess scho Liedeschaft si sust gid mers glaubs schnell wieder uf.

Wele vo bedne Topcis du zue machsch isch mir relativ egal. Viellich besser de hie zuemache, aber d Text irgendwie i de ander übere kopiere, so das mer gad chönnd witerschwafle womer ufghört hend.

[kraut]

Spiele wie der zwirrli bass und gitarre. ha öppe mit 17ni dermit agfange (früecher no ca. 8 jahr giige gspielt), intensiv öppe 3 jahr gspiut. mit verschidnige bands, paar gigs usw. när hani chli e krise gha, öppe 6 jahr lang. ha o gar nüt me gspiut, oder vilech so einisch im monet mau d gitarre füregno. sit 2 jahr spieli wider zimlech intensiv, aber eigetlech numeno gitarre, elektroakustisch. ire band bini nüm, wobi i ab und zue bi chlinere projekt vo ex-bandkollege no mitmache. ambitione oder so hani eigetlech keni, spiele eifach denn weni lust ha und das woni lust ha.

@zwirrli: sehr schöni sammlig. het der VI Bass eigetlech normali Bassaite?

[Buccaneer]

:spit:

Du hesch lang nid gspielt? Gahts no? Wenn ich chönnt Gigele würi immer am Sunntig Abig ufem Balkon es Trurlied astimme, wel s Weekend verbi isch. Sones schöns Instrument un du spielsches nid
nei Seich, isch ja dis Bier. Aber warum hesch ned?

[kraut]

du, i chas gar nid so genau säge. ha vilech grad sone phase gha, wo anderi sache eifach alles übertönt hei. i ha denn würklech sehr intensiv gspielt, und vilech ischsmer plötzlech ou chli z viel worde. aber ja, tempi passati, itz geits wider ab

[h4xX0r]

Spiele au bass sitt oeppe 20 jahr, zerscht in einere baend, denn uughört wege frauekram, nach 15 jahr revival gmacht jetzt haemmer sie wieder. Han no 13 jahr klavier gspielt aber chani nueme.

[putzfrau]

schpiele sit 23 jahr klarinette. vorher blockflöte und klassischi gitarre. bin scho i verschiedene quartier, dorf und schtadtmusige gsi. musigghör und taktgfühl sind entschprächend vorhande. i de letschte musig woni gsi bi hani hauptsächlich erschti und soloschtimme gha. jetzt i de neue musig (sit öppeme monet) sind scho alli schtimme psetzt und ich ha chli quer durs band alli schtimme gfasst. mal luege wies wiiter gaat. super isch... vo de musigschtil her zum schpiele hani am liebschte so jazz, swing, blues oder funk. voll de hass findi polka... leider häts i dene dorfmusige immer sonig wo das de hit finded.

[zwirrlibatz]

Wasi zum Spille i dä Band chann säge: Am beschte isch glaubs scho, wänn me guti Kumpels isch und dGrundatmosphäre locker und experimentierfreudig sich ahfühlt. Inere Band iischtiige, wo scho iigspillt isch, isch bitz müehsahm als Ahfänger.

Wichtig isch vorallem, dass me die gliiche Ziel mit em gliiche Ufwand erreiche will. Dänn isch au s'Iischtiege ine beschtehendi Band keis Problem. Das passiert ja allpott und langjährigi Fründe schlöhnd sich derfür Grinde ii chuum händs e Band. Wie bi allem gitts da kei gültigi Allgemeinregle.

@zwirrli: sehr schöni sammlig. het der VI Bass eigetlech normali Bassaite?

Nä, de hett spezielli. Sind dicker und länger als Gitarresaite aber dünner als Bass.
Isch nöd eifach iizsetze will so Zwitterding wederfischnovogel, aber ebe scho no früsch. De Robert Smith bruucht en viel für leads zwüsche Bass und Gitarre, zbsp d'Hookline vom Lullaby. De George Harrison hett en au viel bruucht. http://de.wikipedia.org/wiki/Fender_VI" onclick="window.open(this.href);return false;

hett doch na paar musiker da.

[zwirrlibatz]

Quelle