SGS3

[Astroboy]

Blödsinn. I schribe zu ca. 60-70% Bärndütsch mit viune änglische Wörter dinne und dr Räscht isch när zur Heufti Dütsch und Änglisch. Du chasch mehreri Sprache aagä und diner SMS, dis Gmail und dis Facebook zur Analyse ufgä, so dass es gnaueri Vorussage cha mache. Da ig dört düre ziemlech liberal bi hani das när ou gmacht und so chani im schönschte Bärndütsch mitere riise höche Gschwindigkeit tippe, ohni dassi gross muess luege woni häredrücke. Es analysiert när ou, wo dassde durchschnittlech so häredrücksch uf dr Tastatur wede e einzelni Taste wotsch drücke, so dass es bi de Vorschleg gneuer weiss, wasde wosch schribe. D'Beta 3 chunnt sogar witestgehend ohni Läärschleg uus, chasch di auso eifach nur no düredrücke. Es isch rächt mega, sogar um einiges besser als Swype. Wünschti mr würklech, dass ig die App scho viu früecher hätt gneuer usprobiert.

[ritschi]

ah lernfähig demfall.

[Astroboy]

Logisch, und du muesch ihm när nur no d'Fiinkalibrierig biibringe, ds Schwyzerdütsch chas ja scho dür d'Analyse. Es übernimmt mr sogar d'Apostroph, womer so wichtig si, wöuis viu schöner finge weme mit dene schribt.