Gasgrill im Tischformat

[Astroboy]

Hallo.
Balkon hie, 1. Stock. Holzchole isch usgschlosse und Strom isch nid für viu schiins.
Sone kompakte Tischgrill mit Gas wär super.

Was hesch? Wele rockt? Isch pflegeliecht? So bis 200 Stutz, mir hei nid so viu Gäud leider.
Merci.

Tougt das was?
http://www.brack.ch/tabid/294/Default.aspx?ID=198761" onclick="window.open(this.href);return false;
oder dä wär scho super:
http://www.ehawk.ch/product_info.php?products_id=34638" onclick="window.open(this.href);return false;

Haha, Fleisch ässe chani wie e Chef, aber wieme richtig grillt - ke Plan.

Für öii kompetente Ratschleg (e dicke Buuch cha hie ggf. als Fähigkeitsnachwiis gälte, höhö) simer dankbar.

[Jones]

auso dr outdoorchef isch ja itz sicher ke tischgrill...
i ha e 46er gha (eifach mit höhere bei) und dä würdi im läbe nie ufe tisch stelle...

hesch de ke platz füre mittelgrosse gasgrill? die dumme mini-gasfläsche si süsch eh all paar wuche läär!

[O_O]

nimm doch stroum. merksch de unterschied zwüsche gas und stroum eh nöd.

[Skeletor]

ich han en gasgrill us em landi. fantastisch

[emP]

O, look! The gas and elektro Peasants!

[ritschi]

i miner familie sie die beliebt, wo chasch en koffer drus mache, zums überall chönne mitnäh.

ok eigentlech ischs eher umgekehrt. us em koffer machsch en grill.

[Schummelschumi]

ich glaub ja nid dass de TüpJ en Grill im Tischformat suächt

[TypeJ]

Danke farkritz

[TypeJ]

gescht im coop gsi und i bin mer nüme 100% sicher ob i würklich namal e chugle wot oder nid...die König wo dert gstande sind, sind scho au recht super...arrrgl..was mueni chaufe? :typej:

[Skeletor]

ich bin eifach in landi inne, han nöd dä gröscht und nöd dä chlinscht gnah und bin zfriede.

sograusam druff ah chunnt das jetzt au wieder nöd.

[Schummelschumi]

nimm en könig oder en weber.

[blackraini]

I han eina vo Mastergrill, isch mi ersta Gasgrill mit 2 Brenner, vorher hani immer Holz kah...
Eigentlich recht super und über ricardo (zumindest bis vor kurzem) bechunsch dia direkt vom Importeur recht günstig.

Nachdem i dia ersti Gasfläscha dura han, stört mi bis jetzt nur eis, nämlich d' Sauerei wo sich mit dr Ziit asammlet.
Das hani vorher nia kah resp. eifach d' Chole entsorgt und guat isch

Mi nächsta Gasgrill wird sicherlich a Kugelgrill mit Trichtersystem, so dass sich dia ganzi Sauerei meh oder weniger an einem Ort sammlet.
Bi dena eckiga Modell (zumindest bi Mastergrill) hesch eifach a Schublade - das isch zumindest bi Mastergrill nid 100%ig super, will zwüscha Brenner und Schublade no a schrägs (imo eba zwenig schrägs) Blech hesch, wo sich au recht viel Sauerei asammlet... Wia isch das bi Weber und König glöst?

Vo Outdoor würi glaub dr Ascona neh

[TypeJ]

Weber Q320 bstellt



gueti ergänzig zum cheminee, vorallem au recht gross was wichtig isch weme mal paar gäscht mit goofe het und so...
und faire pries!

[TypeJ]

wegem dräck vom outdoorchef:
au die sind nid esoooo easy zum butze! went nid nach JEDEM grille d'chugle und vorallem BEIDI trichter butzisch, denn brennts de scheiss i und es wird langsam aber sicher grusig! da ich eher en fuhle siech bin und es nur nach jedem 5 mal butzt han, ischer etz nach 2 heftige grillsaisons eifach zu dreckig und für mini begriff durre!
d'funktion an sich isch aber scho recht super...han immer sehr gueti resultat bi sehr gringem gasverbruch erziehlt! han aber de chlinscht ka vo dene...de weber wird scho bits me verbruche

ich han etz aber für de weber au pizzastei und so mitbstellt, me ka au indirekt grille wie bim chugelgrill!

[Schummelschumi]

ololol - min outdoorchef citygrill gseht also au scho rächt übel us :ohmg:

[TypeJ]

genau de hani au na umestoh