IBM thinkpad T42P isch broblem

[Tatsujin]

er stellt mer ir letschti immer nach ca. 10min. de hintergrundbelüüchtig ab. churz in stand by und wieder uuftah laufts wieder.
wenni d belüüchtig zwei seg. abeschruube macht ers nöd.

heiss oder gar warm wird rein gar nüüt. weder am am läppi no am bildschirm.
aber a was chönts den liege? muess ja irgend en automatische irgendwasauimmer-überschutz abstellmechanismus sii wo da driiferklerd.

???

[ritschi]

17 Feb 2005 – IBM ThinkPad T42p

neue chaufe!

[ritschi]

is museum bringe

[Tatsujin]

ja, aber er lauft suscht super und gwschind und alles. besser als min dell us em 2010

wär ebe schad, wenns nur a was so tummem wür lige

[Marco_in_motion]

Isch eine vo däne Läppis wo d'Hardwarearchitektur ebe tiptop abgstimmt isch, drum ischer no so schnäll. Söttigi nimmtmer bevorzugt für ines Mamecab.
Häsch im Bios scho glueget ob sich dete us was au immer für Gründ was verstellt hät? Hani schomal gha und plötzli isch pwr on by keyboard dusse gsi. Oder villicht isch eifach diä Hindergrundbelüchtig riif zum ersetze aber diä wirsch sicher nüm so eifach übercho.

[Uriel]

Es chan 2 Gründ haa:

1. D Röhre fürd Hintergrundbelüüchtig isch langsam futsch. Die chasch ersetze, isch aber e rechti Baschtelei. Isch dr Bildschirm mal rosa worde oder het sich verfärbt?
2. D Kabel sind durs tuusigfache uf und zueklappe vom Bildschirm broche oder hend en wackelkontakt a de Kontaktstelle.

Sidenote:
IBM Thinkpads... nüd viel bessers hets gee. Dass din Dell e krücke isch, das het me dir au so chönne säge. D Qualität vo de Laptops im allgemeine het i de letschte 2-3 Jahr starch nacheglaa (derfüür sinds billiger)
Leider wird Lenovo i de nächschte Thinkpad Generation uf die tolle Taschtature verzichte. Schaad eigentlich. Isch für mich nebscht dr Qualität eine vo de herusragende Eigeschafte vo dene Dinger gsi.

[Marco_in_motion]

A diä verdammte Kabel hani jetzt echt nöd dänkt... gueti Idee.

[Tatsujin]

flex etc. kabel würdi mal uuschlüüse, da er würkli ohni ds berüehre amigs uuschaltet, wenni aber d helligkeit chli abenime passierts nöd. nöd mal über stunde. ich dänke aber au, dass es eifach am alter vo de belüüchtig liit.

es isch au so, dass wenn er uufstartet oder wenn mer d helligkeit ganz zruug schruubt er sich würkli chli rosa verfärbt.

naja, muessi mi wohl langsam vo ihm verabschiede

de dell isch eigentlich nöd mine, sondern vo de bude. aber würkli schier kein vergliich zumene sälbscht 5 jahr ältere thinkpad..lol.

de thinkpad hani bis etz ebe im chliinere zimmer als zweit läppy und film luegi grät benutzt (sehr guets s-video signal).

[Marco_in_motion]

bevor en furtrüehrsch, gib en mir.

[Tatsujin]

lol, so gschnell rüehr en den au nöd furt

[Marco_in_motion]

Oder mach es Mamecab! also ...für das hett ich en benutzt Falls er di richtig Grafikcharte drin hät.

[Tatsujin]

Was waer denn di richtigi grakka?:)

[Marco_in_motion]

Eifach irgendwas wo 15khz use gitt, es gitt no rächt vill aber ebe au rächt vill wo das nöd mached...

Wändt dä Typ weisch, fräg google, mit bitzli Glück häsch eini vo dä guete was bi dem Lappi-alter
sehr guet möglich isch und dänn chasch der en Mame Cabinetten mache

[Marco_in_motion]

Bin jetzt grad sälber go luege, hättmi wunder gnoh, Du häsch (söttisch) diä da drin ha : Radeon 9600 FireGL T2
und ja diä gitt 15khz use

Hau ine!

[Tatsujin]

15Khz über VGA/ext. moni port?

dasch guet, aber leider chani d res. nöd tüüfer als 640&480 iischtele. was den uf em CRT TV so interlaced überechunt.

oder wuersch ebe en normale PC moni neh und scanlines etc. iistelle?

also es cab bau ich eh nöd, aber mit em gedanke für en chliine emu pc (haupts. mame) am TV hani scho länger gspielt.

[Avenger]

17 Feb 2005 – IBM ThinkPad T42p

neue chaufe!

eh nid, vorher bim akiba go gügsle. dört gits jehnsti läde mit alte und usgschlachtete läppis. wenn er glück het cha ihm eine vo dene so e displaybelüchtig /kabeli / was au immer organisiere.

[Marco_in_motion]

Jetzt bini überfräget Mis Mame cab lauft mit somene Lappi drin und d'Games gsehnd uus wiä original, isch eifach en normale Arcade Monitor drin.

Wasi aber weiss isch dases uf dä Triiber huere druffah chunnt und Du bruuchsch au sowas da : https://docs.google.com/viewer?a=v&q=ca ... ZFJobAFyXg

[Tatsujin]

Bin jetzt grad sälber go luege, hättmi wunder gnoh, Du häsch (söttisch) diä da drin ha : Radeon 9600 FireGL T2
und ja diä gitt 15khz use

Hau ine!

btw. die hani dini:

ATI MOBILITY FIRE GL T2

Current Resolution 1600x1200 pixels
GPU M10
Device ID 1002-4E54
Revision 81
Subvendor IBM (1014)
Current Performance Level Level 1
Technology 110 nm
Transistors 75 M
Release Date 2003
DirectX Support 9.0
DirectX Shader Model 2.0
OpenGL Support 2.0
Bios Core Clock 320.00
Bios Mem Clock 202.00

[Marco_in_motion]

Ha gmeint isch 9600er das hani ämal so gfunde im drininenetz.
Ja ...probiers doch eifach, isch mehbesser als lappi trashe.

[Tatsujin]

ATI Mobility FireGL T2

Die ATI Mobility FireGL T2 basiert auf die ATI Mobility Radeon 9600 Grafikkarte für Notebooks und bietet mit professionellen Treibern zertifizierte Workstation Grafikleistung für Digital Content Creators, CAD, und andere professionelle Anwendungen. Die OpenGL Performance ist aufgrund der speziellen Treiber deutlich besser als bei der normalen 9600. Mittels gemoddeter Treiber konnte man die FireGL auch als 9600 ansprechen für eine bessere Spieleperformance

[feeshlee]

ich nimm ah, du häsch versuecht en live-cd z'boote zum sicher sii, dass es nöd software-bedingt isch?

[Tatsujin]

du nimmsch leider falsch ah was munignaumache?

[feeshlee]

irgend en linux live-cd (usb-stick) baue und ab däre boote. und luege, ob da immerno häsch.

iso-files findsch da: http://www.livecdlist.com/" onclick="window.open(this.href);return false;

im BIOS chönti au was iigstellt sii.

[Tatsujin]

ah ok, chani mal mache. aber ebe, es düütet ebe scho schier alles uf altersschwächi vor display belüüchtig hii.

- rosa-verfärbig bim uufstarte (wenn de screen na chli dunkel isch).
- ds problem tritt nüme uuf, wenni d helligkeit uf th hälfti abenimme.
- ds teil bald 8 jährig isch.
- etc.

[feeshlee]

jaja... mine isch au gli sowiit. han en x60s, woni regelmässig bruche. ein- oder zwei zälle vom akku sind au schon kaputt.