F: Wert vo SNES US sealed Games

[chaoz]

Ha grad es paar sealed SNES US Games becho, cha mr öpper e ungfähri Prisagab mache? Wär flott!

Super Castlevania IV
Space Megaforce
TMNT IV: Turtles in Time

[damian]

SNES Games seget nie sealed gsi häts doch erst gad letschti ime topic gheisse, höchstens vom importör selber. Aber si sind neu. D.h. +50% vom normale priis. Ich het übrigens interesse Castlevania und ev. au turtles, falls mir defür öpper mis japanische abnimmt...

Im allgemeine sind Space MegaForce und Castlevania IV relativ verbreitet. Also öppe 40.- Turtles eher sältener, ev. 80 stutz...

[Genfer]

Castlevania unter Plastik
http://www.ricardo.ch/kaufen/games-und- ... 680459300/

Wänns PAL wär würd ichs neh für en sächtzger

[chaoz]

Meinsch, irgendso e Rüebe het die säuber igschweisst? Würd' mi de grad huere ufrege...

[Shadow]

US SNES Games sind immer igschweisst gsi Jungs. nur Japan Games nöd. PAL weissi nöd genau, hani nie gha.

[evo]

PAL isch nit sealed. US scho

[Grisu]

Das isch rächt halbprofessionell gschrumpft/verschweisst. Min Metzger bringt das au so äne...

...Es macht halt optisch meh här als eifach es neus OVP, und so bechunt de "Sealer" no en guete Batze für sini Folie..

[Genfer]

Jede won ä maschine hät chan die so ipacke. Original verschweisst, dänn händs en abrissschtreife und sind gfalltet.
Früner, wo ich no im Manor gschaffet han, händs au so ä maschine gha und händ sache weder verschweisst (cd, film, games...).

Dä metzger tuet vackumiere = viel dickere plastik, Luftdicht.

chaoz:
Sind aber trotzdem 3 sehr schöni schtuck, sealed hin oder her, ufjedefall gsänd die zimlich jungfräulich us

[Tatsujin]

aber ds US games sind würkli so iigschweisst worde. mis final fight damals isch au so gsi. weissi na.

[Grisu]

...da chame jetz äbe wie gseit ewigs diskutiere, han au scho settige mit "Nintendo-Plastikfolie" gseh, aber weiss da nid so rächt...

...ufjedefall gsänd die zimlich jungfräulich us

..und das isch au s'einzig würkli entscheidende für de Wärt vo dene Games.

[geosnow]

also diä gxehnd scho ziemlich mint us. chasch glaubs devo us gah, dass neu sind.

[damian]

ja!

[Genfer]

Sealed, verschweisst, neu isch immer schtof für heissi grinde
Was isch neu, wäns grad is der prässi chunt, wie lang isches dän neu? Chan öpis wo vor 20 johr gmacht worde isch hüt no neui si?
Was isch wäns neui ab dr prässi chunt und unsacht verpackt worde isch? Dän isch zwar neu aber scho gebraucht ?!
Isches für öper wo net so guet gseht meh neu als für öper wo besser gseht ?

Ich bin net so heikel, ich find eifach dass setsch freud dra ha und sich nit z'fescht vo andere dri räde loh. Ich mach eigentlich au sälte schpöter en
prisverglich. Wän ich mol öpis kauft han dän isches mir zum dem zyt punkt dä betrag wert gsi und bereuis nochher nöd wän ich schpöter billiger gseh.
Glich mit em verchauf, weg isch weg.

Vor es paar johr han ich es FF7 PAL, original sealed uf to, Ich hans günschtig kauft und d'frau hät gmeint dass nüt dinne isch, ja dän han ich hold glueget

Ich hoff scho dass freud dra häsch...ich häts amel bi dem schöne zueschtand. Snes boxed imene dertige zueschtand wärde immer sältniger und türer.

[Grisu]

Wän ich mol öpis kauft han dän isches mir zum dem zyt punkt dä betrag wert gsi und bereuis nochher nöd wän ich schpöter billiger gseh.
Glich mit em verchauf, weg isch weg.

Genau. S'Gäld bechunt für mich nur denn en Wärt, weme sich oder öppert anderem en Freud demit chan mache..