Was issisch / chochsch grad?

[Sylvara]

Da mir keis choch-forum me hei, bruuchts in alter OT-manier wenigstens es allgemeins, neus fress-topic

was hesch grad zmittag gha? was gits hüt znacht?

I bi am choche:
Risotto Milanese mit Grünspargel und Öpfel

e eige-kreation wo unglaublich fein isch usecho letzt mal

[evo]

truteschnizzl und nudle mit pesto calabrese

[Gurgelhals]

Jetzt gitt's dänn es feins Pierli und es paar Wiiswürscht für d'Nintendo PK

[BrainBug]

räucher-salmon uf baguettes mit herb de provonggs obe druff

[geosnow]

schoggi und es bürli

[zwirrlibatz]

schpagetti mit pilz und zucchini.



aporopo pilz, hüt vor em huus 3 riiiiiiiiiiieseschwümm gfunde. ca 30cm schirmschpanni, ca 5cm -dicki. krass.

[Buccaneer]

Hüt zum z Mittagässe gids en Tomate Mozerella Salat und am abe wärded Rippli grilliert.

[Sylvara]

Machsch e lowcarb diät?

[Buccaneer]

Ui nei du! Luege zwar sehr uf Ernährig, aber Cholehydrat dörfed nid fähle. Und da am Abig grilliert und Bier trunke wird, issi eifach zum z Mittag was liechts. Zude Rippli gids eventuell Härdöpfel oder so. aber nid so erwähnenswärt
Lieber hanis aber umgekehrt, z Mittag wäs schwärs, es asiatischs Nudelgricht oder Gummelstungis und denn am Abe was liechts.

Low Carb wär nix für mich. Ich stune wie das de mousch chan durezieh! Brucht sicher en enormi Willenschraft.

[Overdose]

ich is gad en orange.

[geosnow]

bin hüt guet go esse:

chalti gegrillte auberginen in olivenöl mit fin graffletem Chnoblauch und pfefferminz blätter
chalbsschnitzel anere Rahmtrüffelsauce mit graffletem schwarem trüffel, dezue huusgmachti nudle mit butter
tiramisu ohni viel alk und sehr luftigem mascarpone

dezue es goggi, chli mineralwasser mit cholesüri und es glass rot wii

[evo]

also eigentlich s standard mittagsmenü füren finanzhai?

[geosnow]

logisch, was denn sus. muesch au probiere. isch iisi zum mache.

[Sephi]

Geschter 2 Sorte Wraps. Guet gsi.

Ahja, es brucht natürlech nid nur eis zentralisierts Choch und äss topic - all die alte chanme hie inne witerhin bruuche und i ha das definitiv vor

[Sylvara]

bohne-iitopf mit chilli

chilli sind soooo super, die chöme bi mir ir letzte zyt fast überall druuf
also die grosse, wo ono süess sii. uf pizza unschlagbar.

[turntablism]

und huere vill vitamin C

[Sephi]

Geschter Spargelsalat mit eme Dressing us Yoghurt, gröschtete Mandle und Ei. Siehe Rezept dohie:

http://smittenkitchen.com/2012/06/aspar ... -dressing/" onclick="window.open(this.href);return false;

[evo]

ässe tueni grad nix, aber e iischalts MTN DEW VOLTAGE stoht uf mim pult

[Buccaneer]

ganz klassich Sweet and Sour heds gäh. Immer mal wieder guet.

[Tatsujin]

Grad im kaiten sushi am schlemme

[turntablism]

han mer grad es pack gummibärli gholt woni jetzt chätsche

[Sylvara]

vollkorn-spaghetti pesto

[h4xX0r]

im starbucks mit de halb so alte Zielgruppe am käfele

[Acid]

chilli sind soooo super, die chöme bi mir ir letzte zyt fast überall druuf

logisch, frischi Chilli immer und überall wenn möglich. Im Notfall gönd natürlich au tröchneti Schotä, isch aber vor allem gschmacklich halt scho nid s glichä.

Und gid jo jenschti verschiedeni. Leider hedmer oft nid so en Uswahl und mues Froh si wenns überhaupt gid.

Han letschti zimlich eigänartigä vo Peru mitbrocht übercho. Nochem zerschnätzlä hedmer d Hand brännt wiä Wahnsinnig (und no lang nocher immerno), denn hanni dänkt, schiint no Scharf zsi. Bim Ässä allerdings fascht kei Schärfi gpürt, also dänkt, isch villicht Mängämässig chli wenig gsi. Woni das ganzä denn allerdings verarbeitet gha han bini Froh gsi isch nid meh dinnä gsi... Hallelujah.

[Tatsujin]

Laeck min ranze isch scho sit langem nueme so voll gsi wie grad ebe.

(^^ c)＝3