super 8 und dias digitalisiere, selber mache oder nöd

[turntablism]

het sich erledigt...

[meyerli]

Hesch d super 8 noimed digitalisiere la? Sueche au na en gueti adresse defür

[geosnow]

min vater hät mal au alli film digitalisiert.

[turntablism]

zerscht tuen ich alli selber mal abfilme und ussortiere, weni ziit han machi mal es youtuble vid. dias hani geschter au no es paar igscannt, chasch bis 12 dias ufs mal scanne, bruucht aber sicher 10- 15 minute zum 12 stück ilese, vo de qualität bini positiv überrascht, jetzt mues ich nur no photoshop lerne zums perfektioniere

[turntablism]

mal es unbearbeitets dia, schiint mer ziemlich alt, bini glaubs no hinterem mond gsi


merk grad, wenn dias gmischt durenand sind, isch no müehsam usezfinde obs spiegelverchehrt isch oder nöd

[turntablism]

@acid
ich han chli problem mit chline dias (rahme=50/50mm film=11/16mm) weni diä scanne denn isch teilwis das scanergebnis abgschnitte, hesch das au scho gha ? bi de grössere dias (rahme=50/50mm film=36/36mm) isch keis problem.
hätsch du vilicht en tipp ? han scho etlichs a istellige usprobiert aber ohni erfolg
da isch de fehler-scan...

[Acid]

I de Voristelligä hesch d Bildgrössi Igeh und alles nimi ah?

Also ich han ebä bis uf diä paar Versüech am Afang immer ohni halter, und drum immer manuell markiert wo dass es Bild isch, und wo dasses söll scannä.

Das chamer jo aber glaub au wemer mit Halter scannt... also diä Automatik nid nutzä und diä einzelne Bildflächene ufem Vorscann manuell kännzeichnä (müsst aber nomol luege zum sicher sii). Will 16mm kleinstbild isch halt nid würklich verbreitet, und eigentlich au niä würklich gsie, chan sie dass do d Automatik gar nid druf vorbereitet isch (was aber natürlich glich kommisch isch, will sälbscht wensders nid würd automatisch isoliere sötses jo nid abschnidä, wills eigentlich am glichä Ort isch wiä s normalä Dia...)

Denn chöntsch eifach jewils es paar Scannflächene ufziä, gohd au nid vill länger.

[Tatsujin]

merk grad, wenn dias gmischt durenand sind, isch no müehsam usezfinde obs spiegelverchehrt isch oder nöd

solang aahaltspünkt hesch wie schrifte etc. ischs doch egal. chasch ja au nachträglich na flippen

susch isch au egal, wenns was i de natur usse gsi isch..lol

[Acid]

Oft sind jo au d d Rahmä vo de Dias beschriftet... wemer denn mol usägfundä hed wiä si grahmt sind, weissmers denn zumindescht bi denä.

Wär scho besser wennmer direkt richtig Scannt.

[turntablism]

ok mit de dia hani jetzt kei problem meh vowäge abgschnitte... hans anebracht,
spiegle isch au keis problem wenns mal upsideDown igscannt isch, han grad mini erschte versüech mit em fotoshop gmacht und mues säge isch es guets programm, ok muesch huere vill lerne wenn das proggi willsch recht nutze aber so uf ahieb findis aso schono 1A
diä funktion zum chräz und haar enferne isch no super
WIP...

[Acid]

Software mässig isches natürlich scho keis Problem zum Spiegle. Ich han halt d Hoffnig, dassmer no bitz meh Quali chan usäholä wemers so scannt wiäs eigentlich dänkt isch. So Film sind jo nid vo beidnä Sitä genau glich ufbaut, do gits Träger Material ud denn Beschichtigä usw.

Mitem Phötelishop chasch übrigens au Aktionä ufneh, d.H. chasch mehreri Arbeitsschritt machä, diä abspeichere und denn wieder laufä loh, denn machts alli automatisch. Vor allem no praktisch wenn irgendwiä bi 100 Bilder s glich muesch machä... denn chasch alli im Batch modus ahwählä, dini gspeichert Aktion uswählä, und de Rescht macht de Computer -> Bild öffnä, alli Arbetsschritt wo i de Aktion hesch awändä, Bild wider speichere, nöchschts Bild öffnä, alli Arbeitschritt, speichere usw.


Staub, chrazer usw. machi immer Manuell.. mitem Stämpel... wirdmer aber amigs halbä Wahninnig.

[turntablism]

fantastischi funktion, mit em fötishop chasch chräz weggümmele



hei ei ei, es bruucht soviel ziit das zügs z`bearbeite, han di halb nacht gäg di 100ert fötis nur mal zuegschnitte

[Acid]

hesch allerdings grad no chli de Berg weg gümmelet

Ich machs aber amigs villicht au chli übergnau... han au scho en halbä Tag oder meh brucht zum bi eim einzigä Bild Staub wegzstämplä :typej:
Und bi Bilder wo i somene Zuästand sind wiä das do vo dir muemer natürlich scho nid de Dokter machä... aber also de Berg würdi scho no stoh loh.

Mit was fünere Uflösig tuesch denn Scannä?

Und werum so uhuren vil Schwarz rundummä?

[turntablism]

das sind diä miniatür dias wo sonen rand verursached, de scanner erkennt grössi leider nöd richtig, es isch zwar nümm abgschnitte aber defür hesch de ganz dia rahme rundumä. has nöd gschafft das anezbringe/abzstelle,
ja es het dias wo ziemlich verruechet sind