Welchen Film oder welche Serie hast du gerade gesehen?

[Avenger]

Giant Phantom Monster Agon -> 1/10



Huere Crap. E billig gmachte Godzilla-Klon. Scho im 1968 als TV-Serie usecho, aber ganz zu Recht meh als unbekannt bliebe. Viel blabla und zwüschedüre latschet ds Monster umenang und macht es paar Hüser kaputt. Der Kopf vom Monster isch total regigslos. Vilecht het er darum während 15 Minute es Boot i der Schnure, de fallts nid so uf.



Boot im Muul ja das isch kuul.



Quelle

[Avenger]

TT 3D -> 7/10



Doku über d Tourist Trophy uf der Isle of Man, kombiniert mit guete Ufnahme us Fahrersicht. Leider nid BBC-Sehr guet, aber immer no Guet.

[PlanetHarrieR]

Animatrix 4/10

Firefox 3/10

mit East Clintwood als Regisseur, Hauptdarsteller und Produzent. nicht so cybrig wie erhofft. wirkt recht trashig und stranges schauspiel zum teil..

[Vyse]

Häsch jez mal Dark City glueget?

[Tatsujin]

fark city

[PlanetHarrieR]

ne, hab ich nicht. besitze ich nicht. behalte ich aber im hinterkopf, thx. will erstmal den stapel von amazon.fr gucken etc.

[Snatcher]

Batman de neu 9.5/10

[h4xX0r]

Little miss sunshine 10/10

[Mastler(P)]

2046 7/10

[The Sheep]

Missing in Action (7/10)

[mousch]

Batman Dark Kinght Rises

8.5/10

Bin leider chli sehr müed gsi, aber hanen sehr geil gfunge. Definitv nid so guet wie Dark Knight, das chani jetzt scho säge, de Bane hed eifach nie de Charme vom Joker, aber definitv en guete Lueg gsi.

[Mastler(P)]

die troublemaker 6/10
glaubs dä letscht felm wo de bud und terence zäme gmacht händ. er isch, naja was er isch.
si sind älter, mer merkts und dä film richtet sich wohl ehner ad chinder vo däne lüht wo damals ihri film verfolgt händ als ah di eigentliche fans.

[Acid]

God Bless America -> 5/10 einersits für de, au wenn gscheitert, Versuech (Exploitation mit Exploitation z kritisiere isch ebä doch e zimlich höchi Kunscht, händ nonig so vil gschafft), andersits für d Bestätigung dass das was sich hüt Unterhaltigsindustrie nännt, scho fäng so dumm isch, dassmer nid mol meh als 5 min. Kritik üebe chan, ohni sälber i en Bereich vo Ödi und Belanglosigkeit z cho. Alles in allem also en Rächt saftlosä Film. Paar Asätz am Afang, paar komischi Momänt im gsammtä, das wärs.

[Herr Rossi]

Departed 8/10
Jeepers Creepers 3/10 (mit Tendenz zu 2/10)

[Mastler(P)]

kommen zu amerika 8/10 früehner besser gfunde, aber immerno luschtige lueg.


http://youtu.be/vPE4OCeKt2k" onclick="window.open(this.href);return false;

[Tatsujin]

han en letschti au mal wieder gseh gha und immer na ganz guet gfunde. han en damals im chino gseh rächt suprig gsi.

de jackson..lol

[Mastler(P)]

de jackson..lol

ich find dä cuba so geil, wie er eifach da hockt und dä coifföre zuelose muen und nüht seid.
allgemein no einigi sternli ume wo nur churz uftauche.
was no cool isch die ville rolle wo dä eddie und dä arsenio mached.
bi dem preacher und em sänger bini mer ebe zb. überhaupt nöd sicher gsi.

[Mastler(P)]

http://youtu.be/YBW8qxog24M" onclick="window.open(this.href);return false;

oldschool film mit oldschool dütsch synchro. no frisch. dä hät au anderi ih sim kanal.

für avenger, tatsl und anderi retro "früehner isch alles besser gsi" fanatiker.

[Herr Rossi]

Eternal sunshine of the spotless mind 10/10
Fantastische Film, unglaublich romantisch und unkitschig

[feeshlee]

mr. brooks 8/10 hät mir no gfalle.

[Acid]

I Am Bruce Lee -> Leider trotz de Längi i nere, mitlerwilä, standard TV Feauture Ufmachig. Schlächt chamer nid unbedingt sägä, für öper wo allerdings scho bitz öpis über sis Läbä weiss, und scho mol in Sachä Bruce Lee chli durch YouTube gsurft isch, wird ussert es paar interessantere aber ebä vorallem au es paar ehnder weniger interessantä bis zimlich deplatzierte Statments vonere Hand voll Lüt (ziemlich wenig muemer sägä...und ussert siner Frau, siner Tocher, und ei zwei Wägbegleiter eigentlich nur no es paar komischi wo nid würklich öpis zsägä händ), nüt neus.

Für öper wo betr. Bruce Lee und siner Gschicht no nüt gseh hed und nüt weiss aber wohl durchus guet zum Luege. Für alli andere nur wemer eifach wiedermol echli öpis devo will gseh, ohni alles zämäzsueche.

[Avenger]

The Dark Knight Rises -> 8/10



Düsterer und pessimistischer als der Dark Knight. E igrostete Batman (jaja, me wird älter und pause mache chunt nid guet) kämpft gege si Widersacher (sehr guet gmacht vom Tom Hardy). Was nid passt isch der unterirdischi Knast, do wäre es paar Erklärige meh nötig gsi: Woher chunt das? Wieso gits dört TV? Isch das würklich der einzig Usgang? Am Batman sini Raucherstimm hei sie leider nid usegnoh. Schad, es tönt eifach lächerlich und isch überflüssig. Trotzdem e guet Lueg, bi gspannt uf die nächsti Trilogie. Die chunt sicher.

[derinderinderinderin]

Danke dass s'Filmposter posted hesch, süscht hätti nid gwüsst vo welem Film es sich handlet.

[Tatsujin]

[Asskicker]

The Dark Knight Rises - 8/10 Super abschluss für d Trilogie. Leider isch de Ledger im letschte z starch gsi und es hät für de nöd ganz glanget - de Tom Hardy isch aber en meh als würdige bösewicht und de "plot twist" isch guet gmacht gsi am schluss. Ich wünscht es gäb wieder es richtigs Imax i de Schwiiz wo so Film würd zeige.

I am Bruce Lee - 9/10 sehr schön gmacht, gueti interviews und mer chunt en schöni isicht i sis Läbe über

The Secret World of Arrietty - 7/10 JEDE Studio Ghibli film hät mi bis jetzt meh packt als de, isch trotzdem guet gsi.