Versicherigsfrag

[Skeletor]

Mier händ da ja es paar spezialischte da inne glaubs.

Ich han dä meniskus vor 6 wuchä operiert. bin immer no ah dä stöck. autofahre würd gah, han kei ischränkige und chan fahre. min arzt hät gmeint, ich sölls probiere, und wenns gaht, sölli fahre.

trotzdem bini no mit em zug unterwägs, will ichs eifach heikel finde, falls was passiert und ich d'stöck im auto ha.

wiä lauft das mit dä versicherig? was würd passiere imene schadefall? Bruchi es schriftlichs OK vom arzt? oder langet das glich nöd, so lang ich an stöck bi?

und was passiert, wenn z.b. mit fieber/grippe fahrsch und än unfall häsch?

[thaeye]

lollllll nah sicherer underwegs siii nusssli

was passiert wenn i morn under de zug chum und mini grossmueter vo de tote uferstat.

[Skeletor]

lollllll nah sicherer underwegs siii nusssli

was passiert wenn i morn under de zug chum und mini grossmueter vo de tote uferstat.

isch d'frag z'kompliziert gsi?

[thaeye]

ja huere komplex, ich glaub da muesch en versicherigsheini fröge.

[Skeletor]

lass es doch eifach bliebe. wenn chasch helfe, gern. und süscht lass es eifach.

[thaeye]

han nöd chöne widerstah! aber ich verzieh mich jetzt und lahn jetzt d profis antworte.

[Marco_in_motion]

Also minere meinig nah sött nix passiere, es schriftlichs ok vom Arzt isch sicher nöd s'tümmste. ich han jetzt grad im Komplexschade ahglüütet und diä Frag dete platziert.
Ich chumme en Funk retour über und schriibes dänn da inne.

[Supersonic]

En Scheiss bruuchsch, fahr Auto. Du bisch ja nöd psychisch iegschränkt. Mündlich vom Arzt langed locker i dene Fäll und d'Versicherig hett, öb mers glaub oder nöd, eigentlich recht viel Toleranz. Aber wennd di sicherer fühlsch chasch ja uuf d'Antwort vom Marco fröge. Würd mir aber echt null bedenke mache weg de Versicherig. Chunnt eher druff ah öb du dich fit fühlsch zum d'Peda richtig abezdrucke.

[Marco_in_motion]

Also : Söllisch der das uf jede Fall vom Arzt schriftlich gäh lah dases ok isch dass Du fahre chasch.
Will im Schadefall tuet e Versicherig dänn nöd regressiere, uf Grund vome ärztliche entscheid.

Es isch eso dänn eifach klarer, will's abgsägnet worde isch.

[Skeletor]

sehr guät, merci vielmal.
ne han kei problem bim fahre. aber diversi lüt händ mir us versicherigsgründ abgrate.

dänn lüt ich mal am spital ah, diä söllet mir das no schriftlich bestätige.

[Jones]

also wenn meh dir cha nachewiise, dass ufgrund vore verletzig nid hesch chönne richtig brämse, chönnts (o strafrechtlech) durchus problematisch si...
schriftlech vom arzt isch sicher ke seich...

[Tatsujin]

Bringsch s ross chli usim stall.

[turntablism]

gang eifach go autofahre, wird scho nix passiere ! seisch en gruess
bin au mit em agrissne miniskus und mit em verschärbelete schulterblatt go autööle het nur luschtig usgseh woni a de parkhuusbarriere mit em gsunde arm de kaputt han müese ahlupfe zum s`billett näh
gueti besserig

[geosnow]

fahr zug, chasch gameboy spiele.

[turntablism]

fahr auto, das isch wie ridge racer spile

[geosnow]

fahr auto, das isch wie ridge racer spile

leider isch es nöd so. nöd mal uf de nordschleife.

[Mastler(P)]

ich han jetzt grad im Komplexschade ahglüütet und diä Frag dete platziert.
Ich chumme en Funk retour über und schriibes dänn da inne.

du bisch eifach en guete mensch.