Japan Saturn mit PAL Netzteilkabel gröschtet

[geosnow]

Super, jetzt isch mir das au passiert. Ohni überlege hani s PAL Netzteilkabel us em PAL Saturn zoge und bim Japan Saturn inneghebed. Powerchnof druck und sofort häts en Chlapf mit Funke gäh. Chani de Japan Saturn no rette?

[Tatsujin]

Netzteil tuusche.

[Herr Rossi]

Lueg zerscht mol d Finsicherig a. Aber vermueltlich hets mindeschtens e Transischtor oder/und e Kondensator brutzlet.
Wenns nid pressiert chanis mol aluege. Power Supplies für de Saturn sind niod so liecht zbecho uf di schnelli.

[geosnow]

Vorallem isch es en 1. Gen Saturn und das Netzteil isch es anders als vom 2. Model mit rund Chnöpf. D Sicherig isch dure. Jetzt gangi mal eini go poschte.

[Reinforced]

Aggtun bi so netzteil isch doch sichr no strom druf odr isch da keis risiko meh?

[damian]

also wänns klöpft hät ischs wohl nöd nur d'sicherig
ja, bouesch es neus netzteil ii... oder schänk mir s'cd laufwerk vom kabutte saturn
chum, chaufet mer zäme en 1st gen saturn. ich nimm laufwerk und du netzteil...

[Marco_in_motion]

http://m.youtube.com/index?desktop_uri= ... 1LMGM6hEuo

[geosnow]

Aggtun bi so netzteil isch doch sichr no strom druf odr isch da keis risiko meh?

hans scho lang usbaut. es hät us em saturn usegfunkt. hehe. Finsicherig hani mal poschtet.

[geosnow]

und grad nomal e finsicherig durrelah. hät wieder gfunkt. hehe. aber das mal mit step down converter und OMFG NTSC Netzkabel.

[Tatsujin]

Ja chasch na 1000 sicherige durelah, wenns problem wo andersch isch.
Hesch en churze druff isch klar.
Sehr wahrschiinlich en duregschlagne elko.
Eifachscht isch mal alli elkos ds tuusche.
Wenn das nuet bringt, wirds fuer en laie eher schwirig na was choene ds mache.

[Herr Rossi]

Defekti Elkos (Elektrolytkondensatore) erkennsch meischtens a ihrem "Buuch". D.h. sie sind ufbläht obe, wie z.B. da:


Es gid au Elkos wo mers nid agseht dass kabutt sind; s Elektrolyt isch vertröchnet. Die chasch usmässe (wennd weisch wie).
Elkos choschtet zudem fascht nüt. Lueg mer ne suscht gern mol ah.

[geosnow]

iisi, han kei stress. alles piano.