Film, wo du söttsch luege, s aber nid machsch

[emP]

Hüt Action, wo Du meinsch er isch max. 4/10, isch aber mind 8/10

- Reign of Fire
De Bale, Drache und Endzit. Isch Trash, isch aber mit liebei gmacht. Lueg

- The Core
Hanebüchen, viellecht. Aber das isch Jules Vernes ir Neuzit. Zudem e gueti Pace. Besser als ganz vieles i dem Genre.

- Firefox
Ja, d Effekt si chli cheesy, aber d Schauspiler (z.B. Klaus Maria Brandauer) und spannigkurve holes locker wieder use.

- Death Race ( mit em Statham)
Ja genau, wieder en Statham. Aber dä isch würklich guet

Kennsch no meh?

[Acid]

- Death Race ( mit em Stratham)
Ja genau, wieder en Stratham. Aber dä isch würklich guet

Wemer gern Computerspieli hed chamer villicht öpis demit afangä.
Aber d Frog isch: Werum sötmeren luege, wemmer statt dessä eifach au nomol de Death Race 2000 chönti luege? Wil bim neuä alles fehlt was de alt guet macht, under usserst chli bumbäng und glänzenderi Optik au suscht nüt bütet, gids eigentlich kein Grund.

(btw. Statham)

[emP]

Lueg ne doch eifach mal so, als gäbs kes original. isch doch völlig irrelevant öbs en alte gitt oder nid.
es isch chli standard satz "aber de alt isch...". de neu sandalone funktioniert au super. aber ebe: ig chas nid
genau erkläre werum. es gitt 1000 meh oder weniger ähnlichi action filme (vorallem mitem statham ), aber dä
findi super.

ig finde dä perfektes popcorn chino. würklich. unerklärlich, aber wahr.

[Skeletor]

krass aber dä emp hät rächt.

dä death race hät mich super unterhalte. gfallt mir au.

genau so reign of fire. gfallt mir sehr

[Tatsujin]

mier fallt grad keine iih.

[emP]

Ganz Aktuell: Lockout, vom Besson

Recht schlechts Rating, aber isch eigetlich ok. Wenn au itz nid ganz wie die obe.

the Core hani scho 3 Mal gseh und findene immer no fantastisch. (Es 5.3 hetter im IMDB. LOL)

[Tatsujin]

hardcore, you know the score!

[emP]

Detahrace: Guet de Nussli hett natürlich zusätzlich zum suprige Film au no Freud am Mustang. Aber au ohni de Mustang Bonus ischer super!

[Acid]

es isch chli standard satz "aber de alt".

Ja ich weiss... genau so wiä "aber s Buech" oder "aber de Comic". Aber oft stimmts denn halt trotzdem.

Und ich find durchus au dass de Death Race sicherlich nid de schlächtischt Äktschenfilm isch vo de letschtä Johrä. Und ebä, sehr Computerspil mässig, drum für vili vo dem her sicher no interessant.

Nur find ich de alt ebä i vilnä Bereich so vil besser, und nid z letscht au im einzigä was bim neuä übrig blibä isch, im Untehaltigswert.


Isch chli (wenn au ganz andersch) wiä bi Get Carter. Mer chan nid würklich sägä dass de neuer mitem Stallone en riisä Schissdräck wäri. Aber werum söti öperem empfehlä de z luege, wenn s Original einiges besser isch, undmer eigentlich lieber de luegt?

[zeromeier]

genau so reign of fire. gfallt mir sehr

rofl, für mich eine vodä tümmschte film vodä letschte 10 jahr.

[Skeletor]

Drum lueget mir kei film mitenand. Ich find en super.

[Supersonic]

Speed Racer
Ich find d'Renne soooo geil

[O_O]

Speed Racer isch grosses chino.

[Skeletor]

speed racer?

[Supersonic]

speed racer?

Speed Racer!

[ritschi]

- drive

- indiana jones 2-4

[lakritz]

indiana jones 2-4

dir sött me hert eis id schnurre haue.

[lakritz]

Speed Racer isch grosses chino.

dir au.

[Supersonic]

indiana jones 2-4

dir sött me hert eis id schnurre haue.

[Tatsujin]

indiana jones 2-4

dir sött me hert eis id schnurre haue.

LOL, wrong movie capture.

[emP]

Komödie: Kinping. Für mi eini vo de beschte.

[Mastler(P)]

Komödie: Kinping. Für mi eini vo de beschte.

isch sehr fren. dä murray als arsch, dä woody als looser und en amish guet mensch wo von em benutzt wird. sött mer scho mal gseh ha

[emP]

dä murray als arsch, dä woody als looser und en amish guet mensch wo von em benutzt wird.

Danke für d Erklärig!