wie isch früehner gsi?

[Mastler(P)]

besser, logisch.
hebed mal paar retro game bilder vo eu ine.

lueg da, ich bin 4i gsi und scho dä nes am rocke:

[turntablism]

retro ! bisch du ninja vo bruef und hesch au wurfschtern ?

[Vyse]

Haha, geil, dNunchucks hani mier müesse sälber Baschtle

[Mastler(P)]

ischs zimmer vo dä brüedere gsi. wurfstern hämmer natürlich au gha. mit drache druff

[feeshlee]

han kei föteli. games hani nur bi kollege gspielt. agfange vom atari 2600 über C64, C128, Amiga 500.
Blöderwiis hät keine vo däne en NES gha, Super NES hani immer im Migros gspielt.
Diheime hani dänn irgendwänn mal en 286er mit schittige DOS-Spili gha. Ersch abem 486er isch am PC spiele für mich guet worde.
Leider händ vorem Game Cube kei stationäri Konsole dä Wäg zu mier hei gfunde - nur dä Gameboy mit Tetris hani gha.

Mini chind händ jetzt defür s'Privileg hin und wieder mittem Gameboy, GBA SP, Game Cube, Wii oder PS3 z'spiele.
Am PC dörfeds nöd spiele.

Also händ mini chind, was das abelangt, einiges besser als ich früehner.

[turntablism]

mir sind immer am samschtig im jelmoli i de game-abteilig go spile. dozumal hets (glaubs im oberschte stockwerk) x konsole gha zum game. isch geili ziit gsi !

[Avenger]

Also händ mini chind, was das abelangt, einiges besser als ich früehner.

du rox

[feeshlee]

mir sind immer am samschtig im jelmoli i de game-abteilig go spile. dozumal hets (glaubs im oberschte stockwerk) x konsole gha zum game. isch geili ziit gsi !

ims jelmoli bini autoexec.bat und config.sys go hole, zum mich echli schlau mache, was mer so alles manipulatle chan.

[Herr Rossi]

mir sind immer am samschtig im jelmoli i de game-abteilig go spile. dozumal hets (glaubs im oberschte stockwerk) x konsole gha zum game. isch geili ziit gsi !

dito.
im jelmoli hets es nes mit multicardridge-switcher gha. ha denn immer s bionic commando gschpilt. irgendwenn hets en mega drive wettbewerb gä, de kolleg hed de im final uf de allmend gäg de gjäder gwunne. er hets nid so guet gfunde, aber sis mami isch au det gsi und hed en tröschtet.
space harrier hed mer müsse schpile zum sich qualifiziere, am samschtig sind de jewils d tagessieger gägenand aträte.

au erwähnenswärt sind die vile schtunde im alte protovision-"gschäft"
de eder und de claudio hend immer für importnachschgub gsorged.

agfange hani mit eme vcs 2600, denn all sega konsole und erscht mitti 90er de d nintendokonsole nachegholt.

[turntablism]

uf em nes staht glaubs es alts teleclub encoderli scho lang nümm gseh

[Mr Burzel]

uf em nes staht glaubs es alts teleclub encoderli scho lang nümm gseh

Old-School : Decoder CKD 501

[Mastler(P)]

yep

was game ich eigentlich? ha zersch gmeint mario, aber denn müsst ich doch obe dä score und so gseh..

[turntablism]

kung fu isches au nöd, magsch di nümm dra erinnere ?

[Mastler(P)]

minchia, ich bi 4i gsi. die frag isch au nöd als quiz dänkt, ich weiss es doch wükli nüm.

[Reinforced]

früehner ? Ch zeig der wie früehner isch

[Snatcher]

oh ja jelmoli isch geil gsi, jede samstig bin ich det ane pilgered zum schmöckere und game, sogar de neo geo hends im sortiment gah. am schluss hends en schöne neo geo usverchauf kah mit konsole und games, aber wie das halt so isch als chind/teenager - kei geld!

ich weiss no won ich zum erste mal zum kolleg hei bin und dete isch en C64 gstande und ich han vo tute und blase kei ahnig gah und de vater von nem het denns grät ahgstellt und mier hend de ganz nahmittag zocked
wo denn en andere kolleg uftaucht isch mit emene game boy und mier mario zeigt het isch es um mich gschehe und ich han natürlich bitti bätti die ganz zit bis ich au eine übercho han. Danach isch denn mal no de Nes dezue cho wo mer die ganz zit double dragon gspielt hend. Danach sin mer usse....er mit emene rote tshirt und ich mit emene blaue zumt abentür nachspiele lol. Bimene andere kolleg mit emene strenge vater hen mer immer wenn sich glegeheit bote het multiplayer games uf emene amiga 2000 gspielt...midnight resistance, north and south, ikari warriors usw...leck isch das geil gsi.

[Herr Rossi]

De Grisu (Brüeder) und ich hend (det öpe 12i und 9i) mol am ne Samschtig i mim Zimmer zäme zocket, de ghöremer us de Wonig unde vertrauti Kläng. Streets of Rage Level 1 Sound! Mir grad abe go lüte De Nachberssohn (det öpe 20i) hed de mit üs e Nomitag lang chli zocket, obwohl mir jo sälber gnueg MD Games gha hend. Es isch eifach so unfassbar geil gsi dass e Erwachsne das Schpil au zockt!!!

Au ganz toll isch gsi woni de US SNES importiert ha. Mine alt Röhre TV hed aber kei Farbe dargschtellt. Ha s Mario World gschpilt und gschpilt und gschpilt...... irgendwenn hani eifach kei nöi Level me chönne freischalte, obwohl ich i jedem verfiggte Level jede cm abgsuecht ha. Irgendwenn hed mer e Kolleg gseit, dass d Levelzahl im Startscreen goldig (nümm wiiss) erschint, wenn alles freigschpilt isch. Die 96 Level oder 100% hani scho längscht gha, has aber dank de fählende Farbe nid gmerkt :typej:

Au sehr idrücklich isch gsi, wo mir e Gamerkolleg (im Jelmoli kenneglehrt) während em ne Toejam & Earl Zock mit ruhiger und ernschter Schtimm gseit hed, dass er game süchtig isch. E sehr dramatische Moment für mich, wil ich gmeint ha dass er jetz nümm tued schpile Macht er aber zum Glück hüt no

[turntablism]

mini erscht eigni konsole isch de atari 2600 gsi, jungle hunt hani gliebt und gschpillt bisi grüen und blau worde bin. zur gliiche ziit isch au game and watch en renner gsi, de donkeykong de orangi mit em double screen. und derzue hemmer au no de donkeykong jr gha, weisch dä mit em spiegel...irgendswenn isch denn de spiegel kaputt gsi und de g&w in chübel gfloge (hüt würd en repariere )
nachher hani bim schuelkolleg dihei immer amiga zockt und schlussendlich denn au en amiga 1000 dihei gha. amiga ziit isch schön gsi, grräuberlet hani dört scho, immer games vom kolleg kopiert, larry, speedball, wings of fury....geil gsi.
nes und sega sind denn a d`reihe choo, nachher irgendswenn mal ps1 - ps1 hani mal im zimmer gschpillt und denn isch konsole explodiert. klöpft hets und stink-rauch isch usepfudderet - glaubs nur en kondensator gsi...uf jedefall hani denn wiiters gschpillt dreamcast isch suprig gsi, mer hend en japanische vom wolfsoft kauft und am afang natürlich nur crazy taxi und soul calibur duregmacht.
de dreamcast isch di einzig konsole woni bhalte han und im nachhinein no e hübschi sammlig agschafft ha

[TypeJ]

mini erscht konsole isch en dreamcast gsi

vorher nur c64, atari, amiga und pc

[zeromeier]

mini erscht konsole isch en dreamcast gsi
vorher nur c64, atari, amiga und pc

mini de atari vcs 2600 mit mario bros, kangaroo und basketball, geil.

[Tatsujin]

wie isch früehner gsi?

hock ab und gang go abneh man.

[Tatsujin]

jelmoli bern isch amigs frisch gsi (so '87 bis '90 umi).

hemmer am NES multi immer de sound uf max gstellt bin hei gah und den ds ghost'n'goblins inighebt. nacher wo mer amigs schöne bi de rollträppe aacho sind isch de demo sound los gange, und den hesch aber eine gseh here seckle du. aber jedesmal.

han dert au min lynx kauft gha im '89 mit 50% rabbat (s mami het den im jelmoli gschafet).


in shoppingzänter spreitebach isch ds studio 75 vom vilan de oberhit gsi. zig TVs am laufe und en huufe games zum non-stop gamen. spöter woni mal wieder gange bin (nach '90) ischs den im tivoli äne gsi, den au mit AES und stuff. hani en namitsch lang last resort gspielt gha.

was mer im TV steiner etc. au na gern gmacht gah hend, im amiga 500 an selfbootable Bodacious Bodean's Bordello Beauties disk inighebt und nacher us em hindere egge beobachtet wie dlüüt und nacherthere vorallem d verchäufer so druf reagiert hend

[Mastler(P)]

cooli stories.

weisch dä mit em spiegel...

dä tabletop g&w.
luegsch obe im bild, händ au eine gha, dä snoopler. han i und lauft immerna. huueeere gliebt als chind.

[turntablism]

uf dim foti obe rechts im egge ? wasch das gnau ? han mal sonen tabletop mit rumschifli schüsse gah. wart ich suech mal es bild...

[Supersonic]

So isch gsi!