Eigeti Web-Site 2.0

[mousch]

Han ja mal en Thread ufgmacht. Findi gad nümm uf ahieb. Jedefalls hani iz öber womr das gmacht hed, zimmlech guet sogar findi. D Siite isch no nid ganz fertig, funktioniert allso no nid alles. Trozdem weri mau froh wenndr würdet en Blick druf wärfe (bsunders die wo ahnig hei) und ev. no paar Verbesserigsvorschläg chönntet abgä. Ds Logo isch übrigens au nid miis, isch nur es provisorium.

Btw. d Siite isch miz Joolma gmacht worde...wenn sech öbe hie würd (freiwillig) dezue erkläre, es paar Sache ufdstune oder so, wäri natürlech mega happy. Als Gegeleistig chönti mit paar Ernährigs und Trainingstipps diene.

Btw. was hed die Siiite so Wert i eune Auge, bzw. was denkt ihr wasi defür han müesse bläche??

http://www.polskagenetics.com" onclick="window.open(this.href);return false;

[Jones]

gseht guet us findi! o wenni mi nid als fachmaa würd bezeichne (weder für webdesign no für bodybuilding )
tuesch du nur online coache?
warum hesch dis personal-training-agebot nid uf dr site?

[mousch]

gseht guet us findi! o wenni mi nid als fachmaa würd bezeichne (weder für webdesign no für bodybuilding )
tuesch du nur online coache?
warum hesch dis personal-training-agebot nid uf dr site?

Mis Personal Training Agebot beschränkt sech ud dütschsprachigi Chunde us mire Region bzw. Schwiiz. Falls öber inträsse hed, chani das im übrige au gern mal ufelade. I muete mer eifach no nid zue, Coaching übers Internet in englisch adsbiete, darum luegi iz mau wies lauft und obi überhaupt Chunde han...d Konkurenz isch ebe leider gross und d Lüt wärdet immer giziger.

[feeshlee]

passt. isch stimmig.

[thaeye]

guet gmacht, reschpegt, was häsch tugget?

[Acid]

Find au gseht guet us...

Wemer will a Details mekere chöntmer sich z.B. Frögä (zumindescht nach mim Empfindä):

...was gnau diä änglischä Sprüch bim "Home" sölled. S Agebot isch jo nid unbedingt für de Änglisch Sprochruum, und so richtig früsch chömed diä jetzt nid unbedingt daher, ehnder chli ufgsetzt.

-De Satz bi de Vorstellig chuntmer schräg innä: "Solange man den Willen und den Eifer besitzt, ist einem jede Tür offen gestellt!" Die Tür die einem offen gestellt ist... das tönt sehr sehr komisch, und eigentlich stelltmer en Tür jo au nid.
".,...steht einem jede Tür offen." Isch au nid würklich guet, aber tönt glaub doch es bitzli besser. Villicht muemer aber au gar kei Tür ha...

De Donate Berich findi chli komisch platziert... Also einersits grafisch, so in Eckä uä druckt...(villicht eifach diä glichä Abständ neh wiä bim Text), inhaltlich machter a dem Ort zwar scho irgendwiä Sinn, und so wiä d Sitä strukturiert isch, isch en andere Ort villicht no schwirig, aber evtl. chund mol no en Idee wiämeren villicht meh mit de Inhält verchnüpfä chönt (also wenn öper spändä will, denn jo wahrschindlich willer irgendwiä en Video oder Text oder so vo dir gseh hed, woner guet finded oder so).

[zwirrlibatz]

xeht profi us. de rot "body sculptor" viereggli find ich bitz penetrant. verchliinere und verschiebe?

[zwirrlibatz]

no lifeguard on duty

[Mastler(P)]

Joolma

joomla heisst das.

xeht profi us. de rot "body sculptor" viereggli find ich bitz penetrant. verchliinere und verschiebe?

ich finds cool so. allgemein no schöns design.

no lifeguard on duty

[Avenger]

Ja doch, d Page gseht no guet us. Was zahlt me do so?

E Frog weg em Name: Wie wirds heisse? Body Sculptor oder Polskagenetics? Oder isch das nume e Test und es chunt no e 3. Variante? Würd uf jede Fau Homepage und Domain glich benamse.

[Acid]

Ds Logo isch übrigens au nid miis, isch nur es provisorium.

Vo dem her gängti vo Polska Genetics us... au wenn s ander vil besser wäri.

[zwirrlibatz]

"Polska Genetics" isch sehr super. Mousch no en Polka Soundtrack inehebe.

[mousch]

Also de Text bzw. Inhalt muess vo dem her sowiso no vo mir apasst werde, das isch alles nur so schnell Herpflantzt worde.

De Punkt mit dem Donation Button findi no wichtig. Han gse dases gwüssi Siite so mache, dasme gad no e Nachrichtig chan itöggele und denn sogseit direkt undedra "verewigt" wird als Spender. Weiss aber natürlech nid in wie fern das realisierbar isch.

PolskaGenetics Logo isch in bearbeitig, wird en rot/wiisi DNA Spirale si...nid schlecht oder? =D

Und no zude Sprüch: Naja i han ebe no vor d Siite denn Zweisprachgig ds mache, muess aber no öber ha womr das professionell chan übersetze lo.

[PlanetHarrieR]

Du in n Beat 'em up wär mal cool. Und Siegespose dann wie auf Bild 1 in der Galerie.

[Snatcher]

haha bi de bilder, nr 7 isch hert

krass wie us dem chlinne kiffende vorlute schnudderi en junge verantwortigsvolle chaste worde isch

gratuliere, ich hoffe es klappt mit dinere neue karriere und ja site isch zimli guet, gfallt mer!

[Tatsujin]

krass wie us dem chlinne kiffende vorlute schnudderi en junge verantwortigsvolle chaste worde isch

schonso. mer chönti die bildi au mal wieder poschte, so zur erinnerig

site au super. hesch guet gmacht/la mache

[Mastler(P)]

Und no zude Sprüch: Naja i han ebe no vor d Siite denn Zweisprachgig ds mache, muess aber no öber ha womr das professionell chan übersetze lo.

was? aber nöd uf polski, oder? englisch chan ich der mache. was gisch?

[emP]

Polnische genetik

[geosnow]

irgendwiä gits diä fonts scho binere werbig für es produkt. weiss aber nümme welles. viellicht weg copy right luege. sött aber keis problem sii.

[Mastler(P)]

kopiergschützti fonts, mit so was muess mer sich bi eus umeschlah..
glaub aber chum das er da nahluege muen, isch sicher en stadard usm joomla und susch sött dä wos em gmacht hät bscheid wüsse.

[Master(G)]

Quelle

[TypeJ]

schöni Page!!

[emP]

krass wie us dem chlinne kiffende vorlute schnudderi en junge verantwortigsvolle chaste worde isch

schonso. mer chönti die bildi au mal wieder poschte, so zur erinnerig

site au super. hesch guet gmacht/la mache

wart, ig mache mal, voilà:

427847_3514318170514_1048722355_3218012_1821533437_n.jpg (12.21 KiB) 1565 mal betrachtet

allerdings "chaschte" isch glaubs anders.

[Acid]

De Punkt mit dem Donation Button findi no wichtig. Han gse dases gwüssi Siite so mache, dasme gad no e Nachrichtig chan itöggele und denn sogseit direkt undedra "verewigt" wird als Spender. Weiss aber natürlech nid in wie fern das realisierbar isch.

Also kännmi demit jo nid us, aber bin churzerhand do druf cho: http://extensions.joomla.org/extensions ... /donations" onclick="window.open(this.href);return false;

Mousch halt duräluegä/läsä, zum luege öbs serig hed mit comment Funktion ode öpis i derä Art. Und falls scho, usprobiere weles so isch wiä dänksch. (bzw de wo drus chund frögä öbersder chönt ibauä.)

[mousch]

Siite wird mi ca. 1500.- choschte. Kollege Priis.