UPDATE:PERSONE FÜR DEBATTE GSUECHT Pro und Kontra Videogames

[Supersonic]

Kenned ihr irgendwelchi spezielli Lüüt wo sich für das iesetzed? Ich bin aagfrögt worde wegere Fernsehsendig und das VIDEOSPIEL ischs Thema. Bin dankbar um jede Kontakt.

PS:
Wie hett de Politiker bi eus gheisse wo so dumm da hett wege CS usw.?

[evo]

dasch de rolli näf gsi

[Skeletor]

dä p. l. aka trunks setzt sich für videospieli ih!

[Herr Rossi]

de bürgi vo de svp thurgau hed doch au so gjammeret

[Tatsujin]

lol, luegsch mal DRS sendige ueber videospieli us em 1990 und den sertig us em 2010. mehr pro und kontriger ghats schier nueme..hehe.

[sidusson]

dr bodmer

[Avenger]

Ig ha no e alti Rundschau-Sendig uf VHS, do het me der Herr Medic gseh mit viel Freud a Videogames.

[zeromeier]

rofl, de armin.

[geosnow]

credit suisse?

[Herr Rossi]

Seibersekks

[Mastler(P)]

are you a bad enough dude to discuss video games on tv?

[Supersonic]

Thx, ihr hend scho ghulfe!

[Gurgelhals]

Kenned ihr irgendwelchi spezielli Lüüt wo sich für das iesetzed? Ich bin aagfrögt worde wegere Fernsehsendig und das VIDEOSPIEL ischs Thema. Bin dankbar um jede Kontakt.

Wieso statt de üebliche Betonchöpf, wo sich eifach gägesiitig dümmlichi pro und kontra Parole an Grind schmeissed, nöd zur Abwächslig mal Lüüt, wo i de Lag sind, das Thema chli differenziert und usgliche azluege? Die gitt's nämlich. Aber passt halt nöd i eusi hysterischi Mediewält ine

[Herr Rossi]

Gurgelhals +2

[Sephi]

Kontra-Lüt zu Wahlkampfziite wäre en Näf oder en Hochreutener gsi. Aber der Söze het natürlech rächt, wenns en interessante Biitrag söll wärde wärs vilech nid schlächt öpper zu Wort lo z cho wo mit Autorität über Kultur, Prohibition und Mediegschicht cha brichte. Also weder Spieljournalischte no Politiker. Evtl. findsch öpper passends usem phil-hist Beriich wo sech aktiv mitem Thema usnang setzt.

Interessant wär evtl. d Mela Kocher vor ZHdK (http://gamedesign.zhdk.ch/de/person/mela-kocher" onclick="window.open(this.href);return false;), het e gueti Doktorarbeitgschribe - wobii si sech ehner mit de erzähltheoretische Aspäkte vom Medium befasst. Si het aber sicher ou paar gschidi Sache zum Stellewärt vo Games ir aktuelle Kulturlandschaft z säge.

[Reinforced]

[Astroboy]

Dr Master(G), de chaner verzue wiener aube mitm 6jährige Sohn Battlefield spiut. Und am beste no grad e Kinderpsychologin oder e Sozialpädagogin i d'Rundi steue, für meh Spass.

On a more serious note: Da dr Progamer-Dude, wo denn ar Cyberspace-Ustellig mitm Nef diskutiert hett, isch, was d'Pro-Fraktion aageit, sicher eini vo de exponiertischte Gstalte. Ha ihn allerdings nur begrenzt differenziert gfunde und ou ir Diskussion nid würk viu gschiids biitreit - s'hett gloub sogar mau e Thread gä hie inne. I gloub er list ou mit hie, oder hett mau, oder hett e Account, ke Ahnig. D'Schwiz hett da bezüglech Prüfstelle/verbindleche Richtlinie no chly Nachholbedarf, drum wird ou PEGI-CH nid viu bringe, aber ev. schribsch mau jugendundmedien.ch es Mail und fragsch, öb sie irgendwo ufne Expert chöi verwise.

[h4xX0r]

En guete fren vo mir isch professor mediepaedagogik a de ph schwyz. Macht au videolernspiel fuer schueler. Seisch wenn sin kontakt wodsch.

[geosnow]

Dr Master(G), de chaner verzue wiener aube mitm 6jährige Sohn Battlefield spiut.

checke mer in 15jahr, was us ihm worde isch.

[Herr Rossi]

i 10 scho

[Master(G)]

LOL

[Mastler(P)]

ja, jetz lachsch no.

[Supersonic]

Es isch für Joiz, de Talk wird nöd uufeme sehr höche Niveau duregfüehrt. Ich selber würd au sehr gern mal ä inhaltlich interessanti Diskussion über das Thema gseh vo Lüüt wo sich au demit uuskenned aber das wird vermuetlich nöd passiere dasmal. Aber merci für d'Kontäkt, ich wirds bestimmt wiiterleite.

[Supersonic]

Kontra-Lüt zu Wahlkampfziite wäre en Näf oder en Hochreutener gsi. Aber der Söze het natürlech rächt, wenns en interessante Biitrag söll wärde wärs vilech nid schlächt öpper zu Wort lo z cho wo mit Autorität über Kultur, Prohibition und Mediegschicht cha brichte. Also weder Spieljournalischte no Politiker. Evtl. findsch öpper passends usem phil-hist Beriich wo sech aktiv mitem Thema usnang setzt.

Interessant wär evtl. d Mela Kocher vor ZHdK (http://gamedesign.zhdk.ch/de/person/mela-kocher" onclick="window.open(this.href);return false;), het e gueti Doktorarbeitgschribe - wobii si sech ehner mit de erzähltheoretische Aspäkte vom Medium befasst. Si het aber sicher ou paar gschidi Sache zum Stellewärt vo Games ir aktuelle Kulturlandschaft z säge.

Ich kenn sie nöd aber eusi Gamedesigner beschwered sich no oft über de Mangel a Know-How vo ihrne Dozente ade ZHdK.

[Sephi]

Kontra-Lüt zu Wahlkampfziite wäre en Näf oder en Hochreutener gsi. Aber der Söze het natürlech rächt, wenns en interessante Biitrag söll wärde wärs vilech nid schlächt öpper zu Wort lo z cho wo mit Autorität über Kultur, Prohibition und Mediegschicht cha brichte. Also weder Spieljournalischte no Politiker. Evtl. findsch öpper passends usem phil-hist Beriich wo sech aktiv mitem Thema usnang setzt.

Interessant wär evtl. d Mela Kocher vor ZHdK (http://gamedesign.zhdk.ch/de/person/mela-kocher" onclick="window.open(this.href);return false;), het e gueti Doktorarbeitgschribe - wobii si sech ehner mit de erzähltheoretische Aspäkte vom Medium befasst. Si het aber sicher ou paar gschidi Sache zum Stellewärt vo Games ir aktuelle Kulturlandschaft z säge.

Ich kenn sie nöd aber eusi Gamedesigner beschwered sich no oft über de Mangel a Know-How vo ihrne Dozente ade ZHdK.

Gloubi sofort dass der Stand der Dinge dört trurig isch. Aber d Kocher isch ou nid in erschter Linie Dozäntin (wenn überhoupt) sondern chunnt wie gseit usem philosophische Beriich - isch bitz en angere Zuegang.